الموضوع: نويت بإذن الله اجيب صب أو بازوكا فساعدوني والنبي

المشاركة الأصلية كتبت بواسطة mody_mt2007

انا جربت البازوكا jbl 1000 و الصب السونى ال 15" 1500 وات لقيت ان السونى مدى ضعف اللى بتدية البازوكا و على نفس الجى ام سيمفونى 600 و نصيحة لو هتجيب هات السونى ال 15" دا مجرم

وانا بضم صوتى لصوت مودى باشا فعلا سونى اثبتت قوه جامده فى الصبات الى منزلها وخصوصا شكل السونى 15 انش كفايه الشكل ومش لازم تسمع الصوت وربنا يباركلك فيها يا موودى

يا دولاااااااااااااااااااااا ا زعلتنى منك يا دولا بوكس ايه الى هيكلفك 60 جنيه يا دولا عن اى نجار ده لو هيعمل بوكس بلاستك هيبقى اكتر من كده

باشا انا عندى صبين سونى عايز ابعهم لو حضرتك حبيت تسمع ومركبلهم جى ام سيمفونى 700 وات 2 تشانل عامل حكايااااات بس الى يقدر يستحمل








دى الصور يا باشا

[QUOTE=eldell;3874064893] السلام عليكم يا رجالة أنا عندي كاسيت بايونير و سماعات بايونير 400 وات و عايز اجيب صب بايونير ال 1400 أو بازوكا JBL 1000 مع gm طبعا إن شاء الله فعايز بس أسأل كام سؤال كده

1- أولا أنا عايز أعرف هي البازوكا صوتها بيبقى حلو مع الاغاني ال house وال trance ؟

البازوكا بتبقى حلوه بس بيز غششيم

هو قصدك بالبيز الغشيم ده اللي بيبقى شغال متواصل طول الأغنية مابيهمدش ؟ و طب الصب العادي مش البازوكا بيبقى حلو في ال deep bass بتاع أغاني ال rap وال RnB وال hiphop ؟؟
يعني أنا من الآخِر باسمع كل حاجة فـعايز حاجة تسد في كله ملقيهاش بتيجي في نوع أغاني وتخرف

2- ثانيا أنا يهمني الصوت جوه العربية أكتر من بره فا انهي أحسن البازوكا ولا الصب

يبقى هااات صب علشان البيز بتاعه بيبقى اعمق

3- لو جبت صب الواحد يعمل فين صندوق ليه بالمقاسات الصح و بيتكلف كام تقريبا ؟

هاتجيب مقاسات البوكس من على موقع بايونيير وهيتكلف حوالى 60 جنيه عند اى نجار

طب هو عامة الموضوع سهل وبيطلع الصندوق مظبوط ؟ عشان أنا اللي مضايقني في الصب حوار إنه لسة عايز صندوق ده ومش مضمون إنه يطلع صح

4-ال gm ناوي إن شاء الله اجيب kenwood ال 700 و حاجة وات ده .. فده هيبقى كويس مع السماعتين ولصب أو البازوكا ؟ ... أنا شايف ناس كتير بتقول السيمفوني حلو مع البوازيك بس أنا حاسس ان أكيد الكينوود صوته انضف أو انقى و برده قولولي رأيكم ..

لو هتجيب صب بايونيير يبقى الجى ام ده مش هيقومهولك عدل مش هتاخد اداء جاااامد يبقى محتاج جى ام سيمفونى 600 تو تشانيل للصب لو بازوكا هات الكينوود هيديلك اداء حلو

طب كنضافة صوت الكينوود انضف ؟ عشان أنا عايز الصوت في السماعات يبقى نقي

5-أنا عايز اسأل هو الصب أو البازوكا بييتشالو بسهولة عشان لو الواحد محتاج الشنطة ؟

عاااادى بتفك سلكهم عادى وتلف شريط لحام على السلك وخلاص عاااادى

طب وهم أصلا بيثبتوا في الشنطة بإيه ؟ ولا بيتحطو كده وخلاص ؟

6- هو ال gm بيثبت في ضهر الكنبة ولا فين ؟

حسب مااانت عايز انا عندى مثبته فى البوكس بتاع الصب وغالبا لو بازوكا فى ظهر الكنبه

7- إيه الوصلات المطلوبة عشان الليلة دي ؟ اللي أعرفه وصلتين RCA من راديوشاك عشان اقدر اتحكم في الصب لوحده من الكاسيت .. و إيه تاني بقى هاحتاجه ؟

وهتحتاج سلك كهربا

8- لو حد يعرف بقى اسعار البازوكا أو الصب أو ال gm أو الوصلات أو التركيب يقول ميتكسفش

بالنسبه للوصلات عامله مش فاكر 70 جنيه الجولد بليتيد من راديو شاك والجى ام عامل 750 ده الكينوود والسيمفونى ال600 عامل 580 جنيه البازوكا عامله 620 الصب اخر مره كان عامل 380 واسعار التركيب حسب المكان معاك من 70 لحد 100

معلش طولت عليكم بس الواحد أصله محتاج يبقى فاهم قبل مايشتري

احنا تحت امرك ياكبييير يارب اكون افادتك

يا باشا ربنا يخليك إنت كده تمام قوي

المشاركة الأصلية كتبت بواسطة mody_mt2007

انا جربت البازوكا jbl 1000 و الصب السونى ال 15" 1500 وات لقيت ان السونى مدى ضعف اللى بتدية البازوكا و على نفس الجى ام سيمفونى 600 و نصيحة لو هتجيب هات السونى ال 15" دا مجرم

المشاركة الأصلية كتبت بواسطة rostom5

وانا بضم صوتى لصوت مودى باشا فعلا سونى اثبتت قوه جامده فى الصبات الى منزلها وخصوصا شكل السونى 15 انش كفايه الشكل ومش لازم تسمع الصوت وربنا يباركلك فيها يا موودى

والله يا باشا أنتم زودتو حرتي كده ... بدل ماكنت محتار بين صب ولا بازوكا هاحتار كمان لو صب يبقى سوني ولا بايونير

المشاركة الأصلية كتبت بواسطة rostom5

يا دولاااااااااااااااااااااا ا زعلتنى منك يا دولا بوكس ايه الى هيكلفك 60 جنيه يا دولا عن اى نجار ده لو هيعمل بوكس بلاستك هيبقى اكتر من كده

طب بيتكلف كام يا باشا تقريبا ؟ و عامة بيتعمل مظبوط بسهولة ولا حوار بقى فا اجيب بازوكا واخلص ؟؟ ... أنا أصلا اللي مضايقني في حوار الصب حوار إن لسة لازم يتعمله صندوق ده و يا عالم هيطلع عدل ولا لأ

المشاركة الأصلية كتبت بواسطة rostom5

باشا انا عندى صبين سونى عايز ابعهم لو حضرتك حبيت تسمع ومركبلهم جى ام سيمفونى 700 وات 2 تشانل عامل حكايااااات بس الى يقدر يستحمل








دى الصور يا باشا

لا يا عم أنا غلبان مش لدرجة صبين و ربنا يخليك يا باشا بس هو أنا بفضل إني اجيب جديد و ربنا يكرمك في بيعهم إن شاء الله

ألف شكر يا رجالة على مساعدتكم