السلام عليكم يا رجالة أنا عندي كاسيت بايونير و سماعات بايونير 400 وات و عايز اجيب صب بايونير ال 1400 أو بازوكا JBL 1000 مع gm طبعا إن شاء الله فعايز بس أسأل كام سؤال كده
1- أولا أنا عايز أعرف هي البازوكا صوتها بيبقى حلو مع الاغاني ال house وال trance ؟
البازوكا بتبقى حلوه بس بيز غششيم
2- ثانيا أنا يهمني الصوت جوه العربية أكتر من بره فا انهي أحسن البازوكا ولا الصب
يبقى هااات صب علشان البيز بتاعه بيبقى اعمق
3- لو جبت صب الواحد يعمل فين صندوق ليه بالمقاسات الصح و بيتكلف كام تقريبا ؟
هاتجيب مقاسات البوكس من على موقع بايونيير وهيتكلف حوالى 60 جنيه عند اى نجار
4-ال gm ناوي إن شاء الله اجيب kenwood ال 700 و حاجة وات ده .. فده هيبقى كويس مع السماعتين ولصب أو البازوكا ؟ ... أنا شايف ناس كتير بتقول السيمفوني حلو مع البوازيك بس أنا حاسس ان أكيد الكينوود صوته انضف أو انقى و برده قولولي رأيكم ..
لو هتجيب صب بايونيير يبقى الجى ام ده مش هيقومهولك عدل مش هتاخد اداء جاااامد يبقى محتاج جى ام سيمفونى 600 تو تشانيل للصب لو بازوكا هات الكينوود هيديلك اداء حلو
5-أنا عايز اسأل هو الصب أو البازوكا بييتشالو بسهولة عشان لو الواحد محتاج الشنطة ؟
عاااادى بتفك سلكهم عادى وتلف شريط لحام على السلك وخلاص عاااادى
6- هو ال gm بيثبت في ضهر الكنبة ولا فين ؟
حسب مااانت عايز انا عندى مثبته فى البوكس بتاع الصب وغالبا لو بازوكا فى ظهر الكنبه
7- إيه الوصلات المطلوبة عشان الليلة دي ؟ اللي أعرفه وصلتين RCA من راديوشاك عشان اقدر اتحكم في الصب لوحده من الكاسيت .. و إيه تاني بقى هاحتاجه ؟
وهتحتاج سلك كهربا
8- لو حد يعرف بقى اسعار البازوكا أو الصب أو ال gm أو الوصلات أو التركيب يقول ميتكسفش
بالنسبه للوصلات عامله مش فاكر 70 جنيه الجولد بليتيد من راديو شاك والجى ام عامل 750 ده الكينوود والسيمفونى ال600 عامل 580 جنيه البازوكا عامله 620 الصب اخر مره كان عامل 380 واسعار التركيب حسب المكان معاك من 70 لحد 100
معلش طولت عليكم بس الواحد أصله محتاج يبقى فاهم قبل مايشتري
احنا تحت امرك ياكبييير يارب اكون افادتك
المفضلات