الموضوع: انقذو هذه اليمامة

المشاركة الأصلية كتبت بواسطة amatoallah

ربنا يجعلها سبب لدخولك الجنه ان شاء الله

و لو خايف تدبحها يا سيدي و لا يهمك بعد ما تزغطها و تكبر اشتري يمامه تانيه و هاتهمولي , اصلي لازم اكل جوز مش واحده بس :)

ههههههههههههه او يشتري جوز وفرد لان انا برده مبكلش غير بالجوز. ويبقي هو مبسوط واليمام مبسوط وكلنا ناكل وندعيلك.

أولا جزاك الله خير على احساسك الطيب دة
ثانيا المعلومة اللى حضرتك قلتها صح بالنسبة لليمام والحمام اللى سنة صغير (يعنى أصغر من اليمامة اللى فى الصورة, قبل السن دة أهلة هما اللى بيأكلوة ) لكن بمجرد ما الحمامة أو اليمامة الزغب يبدأ يروح من عليها دة بيبقى معناة انها مستعدة للطيران , فأهلها بيرفضوا يأكلوها وهى من نفسها بتطير تروح تدور على حياتها بقى .
فمن اللى أنا شايفة فى الصورة دى اليمامة مافيش عليها زغب (أو زغب خفيف) فدة معناة انها قربت تطير وبالتالى قربت تستقل بحياتها
يعنى خلاصة (الرغى) الكتير دة : ماتزغطهاش وماتتعبش نفسك خالص , انت بس حطلها القمح قدامها وميه فى علبة زبادى ولا حاجة , وحطها فى كرتونة مفتوحة فى مكان هادى (زى المطبخ أو أى أوضه هادية بعيد عن الدوشة) وسيبها لمدة يوم لو لاحظت الأكل بينقص يبقى اليمامة بتاكل , لو مانقصش يبقى هى اصغر فى السن من اللى انا شايفة وهتضطر تظغطها .
شرب المية عند الحمام واليمام ممكن يشربوا لوحدهم , ماتحملش هم الشرب
مهم أوى انك تسيبها مع الأكل والمية و محدش يجى جنبها لمدة يوم على الاقل , (لأن اليمام طائر برى مختلف عن الحمام المنزلى اللى متعود شوية على البشر) عشان رهبة المكان والخوف اللى عندها يروح .
لاحظ برضة ان الطيور البرية عمرها ما هتاكل غير وهى مطمنة أوى , غير كدة مش هتاكل .
ومنتظرين نعرف منك ايه الأخبار :))
تقبل تحياتى

ربنا يجعله فى ميزان حسناتك