انقذو هذه اليمامة

**friendship7897** · 22-01-2012 12:23 PM

جزاك الله خيراً ويجعله من ميزان حساناتك
وطبعاً كلنا عارفين القصتين : دخلت أمرأة الجنة لأنها وجدت قطة في منزلها فحبستها في غرفة حتي ماتت لأن المرأة لم تطعمها ولم تتركها تأكل من حشاش الأرض فدخلت النار ، وكان يوجد لرجل رأي كلب مسكين يتلوي عطشا فسقاة الرجل وبذلك دخل الجنة .

**AmatoALLAH** · 22-01-2012 01:06 PM

المشاركة الأصلية كتبت بواسطة mr_vampire

ههههههههههههه او يشتري جوز وفرد لان انا برده مبكلش غير بالجوز. ويبقي هو مبسوط واليمام مبسوط وكلنا ناكل وندعيلك.

:)))

انا كنت بهرج علي فكره

اصل صاحب الموضوع يزعل

انا ماليش دعوة مستر فامباير هو الي عايز يدحبهم :@

**mr_vampire** · 22-01-2012 07:43 PM

المشاركة الأصلية كتبت بواسطة AmatoALLAH

:)))

انا كنت بهرج علي فكره

اصل صاحب الموضوع يزعل

انا ماليش دعوة مستر فامباير هو الي عايز يدحبهم :@

لا مكونتيش بتهرجي علي فكرة حسيت بنظرتك لصورة الضحية بتقول ( اكلك منين ياحلوة اكلك منين ) و( هكلك هتتك بتتك بالحبهان والمستكة والورق اللووري ) وبعدين مين جاب سيرة دبح هيتاكلو بريشهم ده اليمام اصلا مفيهوش حاجة.

ومتقلقيش اكيد مش هيزعل لان مصر قبل الثورة غير مصر بعد الثورة. فمن حقك تطلبي ومن حقو يرفض. هي ده الحرية الكاملة

**Ralliart** · 22-01-2012 08:57 PM

انتو بتقسمو في اليمامة الغلبانة الهفتانة وهي لسة صغيرة
كله الا دي خط احمر

شكراً على ردودكم كلها للاسف مش هعرف ارد على كل واحد لوحده علشان مشغول جداً
انا جربت اكلتها بليلة وعجبتها جداً ومن بكرة هبطل ازغطها وهحطلها الاكل والمية واسيبها تتعامل يا رب تاكل
بالنسبة للطيران فانا دربتها فعلاً وبدأت تطير في الشقة لمسافات قصيرة
اول ما تاكل وتعرف تتعامل هطيرها في الشارع علشان تلقط رزقها

**mrghost** · 22-01-2012 09:05 PM

المشاركة الأصلية كتبت بواسطة ralliart

هي بتطير بالعافية على قدها كدة في الشقة ،المشكلة اني سبتها يوم كامل وقدامها اكل وميه ومداقتهمش ،وكنت شفت في موقع اجنبي انها لو مبتعرفش تاكل لازم ااكلها بنفسي والا هتموت :copy of majd(4):

اكلها ارز مطبوخ وفعلا لازم تسقيها ببقك لانها مش بتعرف تاكل او تشرب لوحدها
فكرتنى باللى حصلى من حوالى 10 سنين بس الفرق انها طارت ودخلت الشقه لوحدها ووقفت على المروحه ومعرفتش تطير وربيتها لحد ماعرفت تطير لوحدها وبعد كده مشيت

**mr_vampire** · 22-01-2012 09:43 PM

المشاركة الأصلية كتبت بواسطة ralliart

انتو بتقسمو في اليمامة الغلبانة الهفتانة وهي لسة صغيرة :copy of majd(4):
كله الا دي خط احمر

شكراً على ردودكم كلها للاسف مش هعرف ارد على كل واحد لوحده علشان مشغول جداً
انا جربت اكلتها بليلة وعجبتها جداً ومن بكرة هبطل ازغطها وهحطلها الاكل والمية واسيبها تتعامل يا رب تاكل
بالنسبة للطيران فانا دربتها فعلاً وبدأت تطير في الشقة لمسافات قصيرة
اول ما تاكل وتعرف تتعامل هطيرها في الشارع علشان تلقط رزقها

اول ماقريت انك بتدربها فالشقة عالطيران قولت ده محظوظة اننا فالشتا ومراوح السقف مطفية بدل ماتشوف حادث مروع يخليك متكولش اي لحم طيور تاني مدي الحياة.

المشاركة الأصلية كتبت بواسطة mrghost

اكلها ارز مطبوخ وفعلا لازم تسقيها ببقك لانها مش بتعرف تاكل او تشرب لوحدها
فكرتنى باللى حصلى من حوالى 10 سنين بس الفرق انها طارت ودخلت الشقه لوحدها ووقفت على المروحه ومعرفتش تطير وربيتها لحد ماعرفت تطير لوحدها وبعد كده مشيت

بعدها لقيت المشاركة ده. قولت ياااااااااااااااااه بنت المحظوظة. لو المروحة كانت شغالة كانت نزلت قطع غيار عالارض وكل جزء مستقل بذاته. الراس لوحدها والجناح لوحده والورك لوحده والريش مهفهف ونازل عليك من السما ههههههههههههههه

**icehearted girl** · 22-01-2012 10:02 PM

هقولك حاجة..هات شوية قمح بتاع البليلة دا.. واسلق حبة قليلين قد كف الايد لحد متقدر تاكل واحدة وتلاقيها طرية.. ودخلهولها ف بقها بايدك او حتي مؤقتا بللها قطعة عيش لحد متتهري ودخلها ف بقهها بشويش لحد متقدر تبلعها

هات قطارة صغيرة او سرنجة من غير السن بتاعها وحط فيها مية ودخلها ف بقها بس قطرلها واحدة واحدة عشان متشرقش وتفطس

**mr_vampire** · 22-01-2012 11:01 PM

المشاركة الأصلية كتبت بواسطة elmkaneeki

وبكدة نكون موتنا اليمامة

هههههههههههههههههههههه كنت هكتب كدة.

زي النكتة بتاعة. يمين شوية. شمال شوية. ادام شوية. ورا شوية. بسسسسسسسسسسس اهو هو كدة مات.

-

الموضوع: انقذو هذه اليمامة

LinkBack

أدوات الموضوع

عرض

-

-

-

المواضيع المتشابهه

انقذو مصيلحى!!!!!!!!انا كنت داخل اكتب موضوع انى ليا واحد صاحبى قرف من البونتو وعايز ي

انقذو اعصابي

انقذو اعصابي

الكلمات الدلالية لهذا الموضوع

المفضلات

المفضلات

ضوابط المشاركة