فضفضه من واحد كان ماشي جنب الحيط طول عمره

**friendship7897** · 22-01-2012 12:57 PM

الإنسان مش ممكن يشوف النجاح ولا يحس بحلاوته من غير ما يمر بمرارة التعب والفشل واليأس وصاحب الإرادة القوية مش المفروض يقف كتير عند المرارة دي .
ومن سنن الله تعالى ( وتلك الأيام نداولها بين الناس )
الفاشل قد ينجح ..والناجح قد يفشل . .
وربنا سبحانه وتعالى قال " وقـل آعملوآ فسيرى الله عملكم ورسوله والمؤمنون "
حاول تقف على رجليك تاني علشان تدوق حلاوة النجاح مرة تانية - وطول ما أنت مستسلم لليأس دا هيفضل الطعم المُر .

**Dr.cairoky** · 22-01-2012 01:11 PM

أدعوك أن تحتسب ما حدث لك عند الله وتبدا من جديد وبإذن الله سيجعل لك من امرك يسرا وفرجا

**SENNI55** · 22-01-2012 01:42 PM

اللهم لك الحمد على ما اعطيت لى اولا و للك الحمد على ما ابقيت لي اخرا و لا اعتراض علي ما اخذت منى . انك انت العليم الحكيم

**bmya** · 22-01-2012 01:42 PM

ربنا يعوضك خير ان شاء الله
ربنا يفرجها على مصر ان شاء الله

**نور القمر** · 22-01-2012 04:36 PM

الحال من بعضه عند الكثير من الاعضاء

**pro_samir** · 23-01-2012 01:32 AM

المشاركة الأصلية كتبت بواسطة tyler_durden

أكاد أجزم لك إن ٩٥ % من اللي قروا موضوعك بيمروا بظروف مادية غير مواتية

هههههه هم يضحك .. والله انا لسه بفكر اقوله إيه ولا إيه ، ولا أسكت كالعاده

هي دي مشكلة الشغل الخاص بشكل عام ، ممكن مره واحده تلاقي كل اللي عملته راح خصوصا الناس اللي طبقة وسط زينا كده

ومش انت لوحدك اللي كده فعلا الكل بيعاني ، تسألني ليه اقولك معرفش

بس فعلا الدنيا ملطشه جدا وربنا اللي عالم

بس هنعمل ايه يعني ؟ ماهو لازم تسعي تاني علشان ربنا يكرم والعجله تتحرك (مش عجلة الانتاج)

ولو قدامك فرصة سفر أو هجرة متترددش ، يمكن انت لسه مكبرتش في السن والفرص قدامك هتكون اكتر من بعد كده

انا دلوقتي 31 سنه وندمان علي كل فرص السفر والهجره اللي كانت بتجيلي علي الجاهز وبرفض وبقالي فتره مكتئب جدا بسبب الدروب اللي حاصل ، لكن محدش عارف الخير فين .. مفيش حاجه بتفضل علي حالها دي طبيعة الدنيا

بس مينفعش الواحد يكتئب وخلاص لازم يسعي ويعمل اللي عليه ، قعدة البيت غلط اتحرك وحاول تفتح شغل علشان ربنا يكرمك

واللي كنت فيه تقدر تعمله تاني ان شاء الله زي ما عملته قبل كده حتي لو في مجال تاني

**Screenplays** · 23-01-2012 01:32 AM

1000000000000 شكر لكل الناس اللي ردت و الله رفعتوا روحي المعنويه و ان شاء ابتدي اشتغل اي شغل حاليا لحد ما اقف علي رجليا من تاني ........... انا كل اللي صعبان عليا ال 80 الف دولار اللي راحو و الفلوس اللي اتفحت عشان اجيبها و العربيه اللي اتسرقت ......... كل دي مصايب انا مليش ذنب فيها و انا لو كنت مهمل و مستهتر كنت قولت دي غلطتي لكني مش كده فدي غلطه مين ؟