الموضوع: فضفضه من واحد كان ماشي جنب الحيط طول عمره

يا باشا قول يا رب
انا بسبب الثوره اتحرق لينا لودركامل و ده اتسبب فى ازمه ماليه طاحنه و بيعت عربيتى و عربيت والدتى و شقتى
و كنا على وشك الانهيار لكن قولنا يا رب و دورنا الشغل تانى و ربك مبيسبش حد متستناش السغل اسعى من اول و جديد
وسيبك من انك كنت بيه و اتكل على الله و انزل ساعد نفسك و لما ربنا يلقيك بتسعى هيكرمك عربيتك اتسرقت يمكن شالت من زنوبك كتير و الله انزل و اسعى و بدل العربيه هيكون عندك اتنين
لو فضلت تفكر فى الفات مش هتعمل حاجه انسى انك كنت بيه و ابداء من الصفر سعتها هتنجح
اتمنى تاخدكلامى بصدررحب

أولا اعزيك في مصابك ومصاب كل مصري شريف يكسب من حلال في ما أصابه في السنة المنقضية لكن عندي تعقيب بسيط جدا

الثورة لم تكن سببا في أي مما يحدث في مصر منذ قيامها وحتى اللحظة بل الجرم كله يتحمله مبارك ونظامه الفاسد الخائن لبلده وشعبه وكل سلبية تمر بها البلد الآن هي نتيجة طبيعية جدا لفساد 30 عام والثورة ما هي إلا حجرا ألقى في البركة الراكدة العفنة التى عشنا فيها عقودا لنقوم بإصلاح بلدنا ونبنيها وننهض بها لنجعلها أفضل مكان على وجه البسيطة... ونحمد الله أن من علينا بثورة رشيدة وسلمية أخف بكثير من ثورة جياع كانت ستأكل الأخضر واليابس في مصر

أدعوك أن تحتسب ما حدث لك عند الله وتبدا من جديد وبإذن الله سيجعل لك من امرك يسرا وفرجا

ما هو انت مش قدامك حل تانى غير انك تقوم من واقعتك و تدور فى دفاترك القديمة و تشوف مهاراتك و قدراتك و ايه اللى تقدر تشتغله او تعمله بنفسك

هتترك نفسك للاكتئاب و الحسرة و الندم على ما فات يبقى بتخسر اكتر ما انت خسران , المطلوب منك نقطة و من اول السطر و تكتب هبدا تانى ازاى . تذكر ان ليك عدو خفى دايما بيحطك فى حالة سيئة و يوسوس لك و يوغر صدرك و ممكن يدفعك للكفر و المعصية و دايما هيحسسك ان العمر فات و اللى راح مش هيرجع تانى و خلافه من هذه الافكار

انت ممكن تكون طلعت خسران و الحمد لله انك مطلعتش مديون

بس ايه المانع انك تبداء من جديد هل هتخسر حاجة او هتخسر اكتر من اللى انت خسرته بل بالعكس انت هتكون كسبان انت لو اشتغلت اى شغلانة هيدخل قرش جيبك هتعامل ناس و تشوف تفكير و تكسب خبرة حياتية و مكاسب اخرى الله اعلم بها

قوم صلى ركعتين و ناجى ربك فهو اعلم بك من نفسك

سوق الاستضافات للاسف فعلا مش مضمون .. بس ع الاقل خبرتك دي مستمرة معاك حاول ترجع تاني مع عملاء ونزل من سعرك عشان تلاقي أقبال ونافس .. الكل انضر من اللي حصل وقطع الانترنت وانا واحد منهم اتعرض شغلي للقرصنة علي احد المواقع الاجنبية الكبيرة يوم 23 يناير وعلي مابدات اتفاوض ارجعة النت فصل 5 ايام وحقي ضاع ومجهود 3 سنين لو كان موجود معايا دلوقتي كان خدمني جدا في شغلي.. المهم ابدأ من جديد و سوق الانترنت كبير و تأكد انك هترجع تاني احسن من الاول .. و نصيحة حاول تبقي علي قوة شركة يعني شغل الفري لانس دا مش دايم .. ممكن تكمل فية بس شوف شركات تبقي سيستم ادمن فيها وهتلاقي واهو لو سوق الاستضافة جرالة حاجة اديك في شغل اساسي وحتي لو الأجر اقل تأكد انك مستفيد اجتماعيا علاقات و تعامل مع اشخاص مختلفة ..