الموضوع: اشتريت لمض فيليبس رالي بركولي

الحمد لله اشتريت لمض فيليبس رالي بس انا عايز ارجع فلاش باك من ساعه ما اشتريت فيرنتي زيرو
اول حاجه بعد ماشتريت العربيه زيرو النور كان ضعيف فغيرت المض الاصليه الي لمض تنجسرام 100\140 واط اللمبه ب30 جنيه
طبعا النور اختلف تماما وعلي فكره انا كنت مركبهم من غير كتوات وفضلو حوالي سنه ونص وماسروش علي حاجه خالص ولا علي دراع النور
المهم بعد كده قولت اجرب الزينون جبته 8000 كلفن 35 واط عالي ووطاي
عمل 500 جنيه طبعا فرق شاسع النور صراحه مفيش بعد كده
بس صراحه كان رخم انك لما تكون المض مش منوره وحبيت تقلب بالعالي
مكنش بيسعفك خالص لازم تكون اللمض سخنه فكان لازم تفضل مولعه عال الفاضي والمليان ده غير كل الي جاي في وشك يفضل يقلب في نور علشان اطفي النور وطبعا بتلعن بالتييييييت لما اقول بس
فصراحه اعد ادور علي حل لقيت كزا حل بس كلهم مكلفين
1 اركب عدسات التكلفه 1300 جنيه
2 اركب زينون 75 واط 5000 كلفن تكلفه حوالي 650 الي 750 جنيه ومشكلته ان كل 3\4 شهور الجهاز بيضرب البياع هو اللي قالي كده
قمت كبرت دماغي وبايع الزينون
وجبت زينون للفجات صراحه احلي بكتير وكمان كانو 5000 كلفن 55 واط
يعني نور ولا كلمه والاضائه بيضه مش زرقا ومخليه منظر العربيه
وهممممممممممممم
المشكله الي قبلتيني اني لما رجعت اللمض التنجسرام كنت حاسس انهم لمض سهاري بعد ماتعود علي اضائه الزينون وفضلت مده كبيره جدا علشان ارجع اتعود عليهم
وفضلت ادور في المنتدي ومنتديات تانيه علي اضائه بديله للزينون
فلقيت في اجماع ععلي ان اقوي لمض هالوجين هيا فيليبس رالي
قلت نشفها ونجربها
لما دورت علي مين بيبعهم في الاسكندريه لقيت محل قباري الي ش محمد نجيب
في سيدي بشر بجوار مؤمن
خليت زميل ليه يسال عليهم لقاهم ب160 جنيه يعني اللمبه ب80 جندي اوفر قويييييييييييييييي
بس ملقتهمش عند حد غيره قلت اجيبهم والسلام لما نشوف يمكن يستهلوا
وانا رايح النهارده اشتريهم قلت افوت علي محل اسمه الزراني في جمال عبد الناصر دخلت سالت عليهم لقيتهم وبكام!!!!!!!!!!!!!!!!!!!!!
100 جندي بس --يامنت كريم يارب=== وفرنا 60 جنيه
اختهم وعلي فكره الراجل مكنش يعرف اسمهم لان اول مقلتلو رالي قالي مفيش الاسم ده
بس انا لمحتهم في الفترينا قلتلو هما دول قالي انا اول مره اعرف ان اسمهم كده
المهم اختهم وخلعت
وانا ماشي ركنت وقمت مغيرهم علشان اشوف ال100 جندي حيعملو ايه
راي بقا
النور الواطي فارش قوي ومنور الاجناب كويس
النور العالي قوي محدد ومستقيم فتحس انه جايب ابعد
اللون مش اصفر ومش ابيض قوي يعني لونه حلو وفي ناس قالت ان بعد مده بيتزيد درجه الابيض سنه
قوه الاضائه زي التنجسرام بس مع العلم التنجسرام 100\140
بس توزيع الاضائه مختلف تماما عن التنجسرام خالص في فرق كبير
.... فعلا اللمبه تستاهل ال100 جنيه
لو حد عايز يجيبهم يروح علشان يلحقهم انا شفت عند الراجل حوالي 15 لمبه
((( معلش طولت قوي عليكم بس انا قلت احكي الحكايه علشان الكل يستفاد)))
وشكرا ليكم

[QUOTE=m7mda7md;3874067921]ألف مبروك يا باشا بس عاوز اقولك كده انت مشوفتش الاداء الصح بتاع التنجسرام لأنك مركبتش كت آوت.......لو عندك 50 جنيه مستغني عنها ركب الكت آوت و شوف التنجسرام هتعمل ايه......انا مركبها ف فيرنا بردو و بصراحه فرشه النور مجنونه و اصلا بطلت افتح النور الواطي حتي عشان مزعج للناس جدا.......فعلا ما شاء الله الفانوس مش عارف يودي النور فين ولا فين مع اني عامل حواجب للفانوس مغطيه حوالي ثلثه[/Q

مين قالك اني مكنتش مركب كتوات
انا مركبهم اول مركبت الزينون ولما شات الزينون ركبت التنجسرام علي الكتوات