هو انا لازم اغير البلي بتاع الكايتنة مع السيير ؟؟ يعني امتي بغير البلي ده لاني شايف ناس بتقول انه بيتغير علي 80 الف ؟
عرض للطباعة
هو انا لازم اغير البلي بتاع الكايتنة مع السيير ؟؟ يعني امتي بغير البلي ده لاني شايف ناس بتقول انه بيتغير علي 80 الف ؟
المفروض يتغير على 80 الف بس برضو و انت بتغير السير اكشف على البليه لو صوتها عالى لازم تغيرها طبعا حتى لو كانت ما وصلتش ل 80 الف
الوقاية خير من العلاج
MMamdouh
لو سمحتم ياشباب
انا عضو جديد معاكم وعندى استفسار صغير بخصوص سيرالكاتينه
رحت لميكانيكى وقولتله شوف سيرالكاتينه لو عاوز يتغير نغيره
قالى لا طالما العربيه كويسه سبيه
وانا مش عارف اعمل ايه
ياريت حد يفيدنى عن اهميه تغييره؟؟؟
انا هاقول لكم خلاصة كلام الاساتذة هنا
لما تشتري عربية مستعملة ضروري تغير سير الكاتينة و البلية بتاعته كمان لأنك ما تعرفش المالك السابق غيرهم اخر مرة امتى , و البلية غيرها مع السير سواء سليمة او لأ, تقسيمة الكاتينة خطيرة و لو جرا لها حاجة بتبقى مشكلة كبيرة اوي زي ما بيقول الاستاذ ahmedcar
انا لما اشتريت عربيتى النوبيرا
وكنت مكسل اغير السيور
بس سمعت نصيحه الاعضاء الكرام هنا وروحت اغيره
لاقيت الكاتينه مشققه ! يعنى كانت ممكن تنقطع فى اى وقت
من فضلكم انا معايا لانوس2001 ايه نوع وماركة سير الكاتينه والبليه بتاعته الاصليين وعاملين اد ايه فلوس وايه الفرق بين المقص الانوس والنوبيرا لاننى اشتريت مقص شمال فطرد العجله الشمال للخارج من ناحية الارض وايه الحل للمشكه ديه انا خايف ليكون المقص ده للنوبيرا
انا اسف على المداخله لانها بره اساس الموضوع
بس انا مغير سير الكاتينه من سنه و شاريه gm أصلي من المنير فيصل ب 120 جنيه.
الفرق كبير قوي بين 45 جنيه و 120 جنيه
هوا حضرتك بتشتريه ماركه تانيه غير gm
لو صح
طب ايه هيه الماركه دي و هل كل السيور اللي بتجبها (تكييف + دينامو) من نفس النوع
الف شكر على الافاده لكننى وجد ان المقص اليمين والمقص الشمال القديم (المخلوع)متشال منه 3-2سم من ناحية تركيب بيض المقصين ومسامير ربط البيض متزحزحه3-2سم الىالداخل انا مش عارف الى كانت معاه العربيه قبلى عامل المقصات كده ليه (الجنط14 والكاوتش 195\60r14 والمقص االاستيراد الى انا اشتريته اظبطه ذى القديم ولا اروح افتح الجنب الشمال على المكبس زى ما بتاع الزوايا قلى والمقص اليمين لو غيرته هتواجهنى نفس المشكلة ممكن اعرف المقاسات الصحيحه لاماكن ربط المقصات والبطحات وابعادهم ومقاس زاوية الجنب(بين المساعد ومكان تركيبا الطنبوره) انا اسف على الاطاله
واضح انك اشتريت العربية من واحد %#$@^
شراء جوز مقصات تايوانى احسن من كل الحلول اللى انت قولتها دى... و خللى بالك الكاوتش اللى راكب فى العربية مقاسة غلط
MMamdouh
وراجع علي قياسات الشاسيه احتمال العربية دي واخدة خبطة في الشاسيه ولم يتم فرد الشاسيه بالطريقة الصحيحة او المقاسات الصحيحة لان بتاع الزوايا قالك (( فتح الجنب الشمال على المكبس زى ما بتاع الزوايا قلى ))
شكرا على الافاده لكن قياسات الشاسيه الصحيحه الاقيها فين ولو فى خطأ فى القياسات اروح للسمكرى يظبطها ولا مين...... انا متصور انه ظبط المقصات كده علشان الكاوتش يكون الى الداخل من تحت الرفرف علشان الكاوتش 195/r14-60
بتاع زوايا نظيف يعرفلك مقاس الشاسيه صح
شكرا على الاهتمام
انا معايا لانوس وغيرت سير الكتينه اليوم.... بتاع قطع الغيار قال لى انه توجد بليه واحده بس الى بتشد سير الكتينه ونوعها كورى وفعلا والميكانيكى بيحل سير الكتينه لقيت البليه الى اشتريتها الى بتشد السير ....البليه الثانيه بتاعة ايه الى اتكلم عنها م.ممدوح ت.29\1\2012
شكرا لكم جميعا لكن انا ركبت البليه الكورى ان شاء الله هغيرها على 40 الف كيلو
لو كان بلى الكاتينه اصلى يتغير بعد 80الف كم والسير بعد 40الف كم اما لو كان مش اصلى يتغير مع السيركل 40الف كم
شاكرين لكم لا خاب من استشار