لازم اشاركوا فرحتى زى ما شركتونى احزانى

**أبو إياد** · 22-01-2012 09:27 AM

الحمد لله على كل حاجه لو علمتوا الغيب لأخترتم الواقع
بدايه 2012 معايا مكانتش ولا بد وخصوصا انها بداءت بسرقت العربيه واللى من يوم ما غابت عنى وانا والله ما زعلان الواحد بيفقد ناس فعلا عزيزه عليه هاتيجى ايه العربيه دى قصادهم فعن يقين انا بحمد ربنا وبشكره وبشكر كل اخواتى اللى دعوا ليا بضهر الغيب
"ما من عبد مسلم يدعو لأخيه بظهر الغيب إلا قال الملك: ولك بمثل"

الخبر الكويس بقا انا كنت شغال بعقد مؤقت من 2008 يجدد كل سنه زى ناس كتير جدا والنهارده بعد مارجعت شغلى من اجازه 12 يوم بسبب العربيه لقيت قرار تعيينى اعتبارا من 2012/1/1
وقولت انتوا اول ناس لازم تشاركونى فرحتى وعقبال كل اللى بيشتغلوا بعقود وعقبال كل اللى اتخرج لما يشتغل الشغل اللى بيحبه