عرض للطباعة
السلام عليكم :):)
كنت عايز اعرف اية هيا عمرة الموتور وبتتعمل كل كام الف كيلو
و اية الأعراض اللي أعرف بيها ان العربية عايزة عمرة
عربيتي 128 موديل 85 1100سي سي مالك اول
عاملة 90 الف كيلو عمري ما عملتلها عمرة
بس لاحظت ان استهلاك البنزين فيها عالي
و الموتور سحبة قل مع ان صوت الموتور كويس و
الميكانيكي قال ممكن عايزة نص عمرة
اية هيا العمرة ؟
و اية هيا النصف عمرة ؟
مع الشكر :):)
د/ عبدالرحمن
ممكن تتكلف كام ؟؟
علشان نفهم معنى العمرة لازم الاول نعرف دواعى الاحتياج لها
المحرك ودون الدخول فى تفاصيل معقدة يتكون من مجموعة من المكابس تتحرك داخل سلندرات التى تتلقى الضغط الناتج عن حرق الوقود وتحوله الى حركة عبر مجموعة من الوصلات والمفصلات المختلفة، كما يتحكم فى دخول وخروج الوقود الى حيز الاحتراق مجموعة من البلوف تسمى صبابات ، يتحكم فى حركتها عمود توقيت (عمود كامة)
عند نهاية عمر المحرك يحدث الآتى:
1- تتآكل شنابر الحبك الموجودة بين المكابس والسلندرات وقد تتآكل السلندرات نفسها مما يسبب هروب الشحنه المحترقة عبر الخلوص بين المكبس والسلندر بدلا من ان تدفع المكبس ومن ثم السيارة كلها، مما يسبب ضعف اداء المحرك
2- بسبب نفس التآكل يتسرب زيت التزييت الى حيز الاحتراق مما يؤدى لاحتراقه ومن ثم نفاذه من المحرك وخروجه على هيئة دخان ابيض مزرق من فتحة الشكمان، كما ان تسربه لحيز الحريق يؤدى لتدهور خواص الشحنة المحترقة ومن ثم تدهور اداء المحرك
3- تآكل رقائق الحماية (السبيكة)لمفصلات منظومة نقل الحركة(عمود الكرنك والبييلات) ومن ثم ضياع ضغط طلمبة الزيت التى تضغط الزيت داخل هذة المفصلات ، كما يؤدى تآكل المفصلات الى سماع اصوات تخبيط اثناء الحركة
4-تآكل الصبابات مما يؤدى لعدم احكام الكبس وهروب جزء من الشحنه ، وتأكل الحشوات المطاطية(كاوتش الصباب) التى تمنع دخول الزيت من حيز الصبابات الى حز الاحتراق
5- تآكل الجوانات مما يؤدى لهروب الزيت الى خارج المحرك
وفكرة العمرة تقوم على تغيير كل الأجزاء المتآكلة بأجزاء جديدة، فمثلا لو كانت السلندرات سليمة يتم تغيير شنابر الحبك المركبة على المكابس، هو ما يسمى نصف عمرة، اما لو كانت متآكلة فيتم توسيعها بالخراطة الى المقاس الأوسع وشراء مكابس وشنابر جديدة تناسب المقاس الجديد وهو ما يسمى عمرة كاملة، وفى الحالتين يتم تغيير رقائق الحماية(السبيكة) لكل مفصلات السيارة ، وطاقم الصبابات ودلائل الحركة الخاصة بها وكاوتش منع الزيت الخاص بها ، وفى حالة تآكل عمود الكرنك يتم تقليل قطره بالخراطة الى القطر الأقل مع شراء السبيكة الجديدة مناسبة للقطر الجديد، وكذلك يتم تغيير طرمبة الزيت لو حالتها سيئة ، وبالطبع تغيير الجوانات بالكامل
اما بالنسبة لعدد الكيلومترات قبل اجراء العمرة فتختلف بحسب نوع السيارة واسلوب القيادة والاهتمام بالصيانة ،فبينما يمكن ان تقطع سيارة مرسيدس يمتلكها قائد هادئ يعتنى بصياناتها مليون كيلومتر دون الاحتياج لعمرة، فان سيارة اكسيل يقودها قائد عنيف قد لا تتحمل مئة الف كيلومتر قبل مطالبتها بالعمرة
لكن عموما سيارات ال 128 مع القادة الهادئة تستطيع انجاز 200 الى 250 الف كيلومتر قبل الاحتياج للعمرة، لكن القيادة العنيفة واهمال الصيانة قد تقلل من هذا الرقم بشدة
ارجو ان اكون قد افدت
طيب يا بشمهندس سبعاوى السيارة اللانوس 2002 بتحتاج عمرة بعد متوسط كام كيلو مع العلم ان القيادة عادية و السرعة اثناء السفر لا تتعدى 120 كم
جزاكم الله خيراً
شكراً للمهندس سبعاوى
معلومات مفيده جدا شكرا لاخونا سبعاوى
استفاده هايله يا سبعاوى باشا
انا عندى نفس المشكله ( الدخان الأبيض من الشكمان) والمشكله التانيه انى بتخنق من رائحه العادم داخل العربيه
الميكانيكى قالى انها محتاجه طقم شنبر وده هايتكلف بالمصنعيه بين 500 و700 جنيه.
ياترى ايه الفرق هو طقم الشنبر هو النصف عمره وازاى حكم عليها انها بس طقم شنبر مش عمره كامله
وياترى لحد ما اعمل طقم الشنبر فى طريقه انى اتخلص من رائحه العادم الى جوه العربيه على الرغم انى شايل خرطوم الفايز من العمه وموجهه الى اسفل العربيه
عربيتى ريجاتا 88
اسف للاطاله
والف شكر
سبعاوى بيك
اسف عاوز اسالك عن حاجه تانيه
عاوز اشد العربيه . ناس كتير خوفونى من السمكريه والبوهياجيه
ناس قالتلى ان ممكن ان البوهياجى ممكن يحط قطن ويمعجن عليه مكان البرومه
فى البوهياجيه الى بيقولوا ان العربيه ممكن تتكلف من 800 الى 1200 جنيه بويه ازاى اقدر اعرف لو انا اتفقت على ابو 1200 جنيه انو هايدينى نفس البويه مش اقل منها
ينفع اشتريها انا واديله المصنعيه بس
وتفتكر ان العربيه تاخد كام كيلو وايه نوع البويه الكويسه
اسف مره تانيه على الأطاله
طيب ايه احسن اجراء للتليين ؟
يعنى ناس تقول صفيحة على السلانسيه
و ناس تقول صفيحتين (40 لتر ياخدو من 30 ل 45 ساعة تشغيل حسب العربية)
و ناس تقول بعدد ساعات معين من 7-12 ساعة
وهل التشغيل اثناء البرودة افضل
و هل هناك جدوى لاستمرار التشغيل على السلانسيه بعد ما العربية تسخن و لا الافضل انتظار برودتها و اعادة التشغيل مرة ثانية ....لان الخلوصات بتوسع مع السخونة و مفيش جدوى للتطبيع مع السخونة
؟؟؟
محتاجين معلومات أكتر من فضلكم علشان نتعلم