الموضوع: مش عارفا لعيب من ايه

السلام عليكم ورحمة الله وبركاته
حبايبيى واساتذتى السياتويه القدام والله ليكو واحشه
انا عندى عيب غريب شويه
باختصار شديد انا غيرت بطاريه من شهر 7 الى فات علشان كانت بتموت واوقات مكانتش بتجمع وكشفت عليها قالولى ان فيها ربع
المهم البطاريه الجديده كويسه وزى الفل بس بقيت اسمع صوت خروشه فى الراديو لما بدوس كالكس او بدى اشاره (قولت عادى) دلوقتى حصل مرتين حاجه قوى لما بنزل من العربيه بحس انى بتكهرب لما بقفل الباب ( استاتيك ) وبعد كده كل كام يوم العربيه بتدور زق اى نعم من زقه خفيفه قوى بس برده الموضوع مش كويس
روحت كشفت على البطاريه عند اكتر من واحد البطاريه كويسه والشحن كويس واحد بس الى قالى ركب كتاوت دينمو الشحن عندك هيزيد وواحد تانى قالى اوعى تركبه علشان ده بيبوظ البطاريه
انا مش عارف اعمل ايه خصوصا ان انا شارى العربيه وهيا فيها شوية اسلاك مش راكبه فى اى حته يدوب معموله ب شاكرتون هل ده من البرد القارص الى احنا فيه ولا ده عاوز تظبيط فى الضفيره ولا اعمل ايه ولو حد يعرف كهربائى كويس ومصنعيتة كويسه قريب من عين شمس او جسر السويس يقولى
وشكرا
ربنا يستر طريقى وطريكم

على فكره ممكن يكون عندك حاجه عامله قفله فى العربيه هى اللى خليتك تتكهرب وكمان بتاكل الشحن بتاع البطريه لو البطريه سائله هتلاقى المياه بتنشف وبالنسبه للكلاكس والخروشه ممكن يكون الكلاكس والكاست وخدين من خط واحد يعنى على سلك واحد وهذه وجهت نظرى التى ليس لها اى قيمه