الماروتى غلبتنى عقبال ما دارت ممكن مساعده؟؟

**tito2020** · 22-01-2012 12:08 PM

السلام عليكم

النهاردة الصبح عربيه الدام الماروتى غلبتنى عقبال ما عرفت ادورهلها هيا بقالها 3 ايام واقفه فا قلت يمكن بارده قوى بس غلبتنى جامد عقبال ما دارت بتاع 20 دقيقه لحد ما عرفت ادورها

ممكن مساعده لو فيه اجرأت معينه للماروتى فى البرد ده علما ان العربيه موديل 2011

**alking_2006** · 22-01-2012 01:02 PM

نفس الموضوع حصل معايا النهاردة الصبح مع العلم انى لسه مغير بطارية جافة من شهرين و مظبط طقم الكهربا و مدارتش الا لما رميت لها

برجاء الإفادة يا جدعان

**Eng_hatemfathy** · 22-01-2012 01:12 PM

جرب تزود بنزين كام مره قبل ما تطفى العربيه بحيث تخلى حبة بنزين فى الكاربراتير جاهزين للحرق عند بداية التشغيل او تخلى فلتر البنزين عالى شوية اعلى من الكرابراتير سنه علشان يحضر بنزين للعربيه وده عن طريق تطويل الخرطوم قبله وربنا ييسرلك الحال

**dr.hazem** · 22-01-2012 05:23 PM

قواعد تشغيل الماروتي في البرد
سمي الله
حط المفتاح في الكونتاكت ودوره لحد وضع ماقبل التشغيل
انتظر لما عداد البنزين يثبت
شد الشفاط على درجتين (الشفاط زرار مدور اسود على شمال الدركسيون بيتسحب وهوا تلات درجات)
دوس دوسة بنزين للاخر وشيل رجلك

دور

المفروض تدور علطول وياريت اول اما تدور تديها شويتين تلاته بنزين

ومتنساش تبقى ترجع الشفاط بل متمشي

لو مدارتش كده يبقى شيك عالبواجي وظبطة الكهربا

تحياتي

**alking_2006** · 23-01-2012 09:34 AM

مرضيتش تدور خالص النهاردة
بس انا ملاحظ حاجة انها بتعتل فى الدوارة زى ما يكون البطارية نايمه
مع انى مغير البطارية من شهرين و لسه جديدة
مش عارف ايه السبب
على العموم ربنا يكرم انا هروح للميكانيكى اخر الاسبوع دا و اشوف و ابقى اقولكوا

يا رب سلم

**tito2020** · 23-01-2012 11:02 AM

يا جماعه العربيه امبارح وهيا مروحه وماشيه تمام قامت فاصله منها وقعدت تجرب تحاول تدورها لحد ما دارت النهارده الصبح غلبتنا شويه بس مش كتير زى امبارح بس الجديد ان الشكمان بيطلع دخان ابيض ولما بتشد الشفاط او تدوس بنزين الدخان بيزيد سبته شويه يمكن عشان العربيه بارده بس دا دخان مش عادى ومبطلش المهم وصلتها انا ومردتش احرك العربيه ليكون فيها حاجه غلط
يا ريت تقولولى ايه الموضوع ده
ودى معلومات عن العربيه ماروتى 2011 جبناها شهر 6 2010 وبتمشى قليل جداا عملنا صيانه الالف من 4 شهور تقريبا
ارجو المساعده

**alking_2006** · 23-01-2012 12:58 PM

المشاركة الأصلية كتبت بواسطة tito2020

يا جماعه العربيه امبارح وهيا مروحه وماشيه تمام قامت فاصله منها وقعدت تجرب تحاول تدورها لحد ما دارت النهارده الصبح غلبتنا شويه بس مش كتير زى امبارح بس الجديد ان الشكمان بيطلع دخان ابيض ولما بتشد الشفاط او تدوس بنزين الدخان بيزيد سبته شويه يمكن عشان العربيه بارده بس دا دخان مش عادى ومبطلش المهم وصلتها انا ومردتش احرك العربيه ليكون فيها حاجه غلط
يا ريت تقولولى ايه الموضوع ده
ودى معلومات عن العربيه ماروتى 2011 جبناها شهر 6 2010 وبتمشى قليل جداا عملنا صيانه الالف من 4 شهور تقريبا
ارجو المساعده

الدخان الابيض دا علشان الجو بارد و الشكمان بيطلع هوا سخن فدا طبيعى
الاحتمال التانى بس دا بيحصل للعربيات القديمة و هو ان الماتور بيبقى خفيف و بيبقى عايز طقم شنبر و دا بتحدده عن طريق انك تشوف هل العربية بتاكل زيت و لا لأ بس استحالة يكون الحوار دا عندك

**tito2020** · 23-01-2012 01:26 PM

يعنى افضل مدورها قد ايه عشان الدخان يبطل وتسخن وبعدين شكل الدخان مش عادى دا كتير ؟؟؟

-

-

الموضوع: الماروتى غلبتنى عقبال ما دارت ممكن مساعده؟؟

LinkBack

أدوات الموضوع

عرض

-

المواضيع المتشابهه

العربيه بتاعتي دارت دارت

هل ممكن عمرة ماتور الماروتى تفشل ؟

الماروتى ممكن يركبلها جنوط اسبور ؟؟؟

هى الماروتى ممكن تشيل اربع ركاب؟؟

ممكن مقارنة الماروتى والالتو

الكلمات الدلالية لهذا الموضوع

المفضلات

المفضلات

ضوابط المشاركة