الحقونى عدد لفات المحرك بيتأثر بكهرباء التابلوه والانوار

**aboharb** · 22-01-2012 12:35 PM

الموضوع باختصار العربيه عندى الميكانيكى وطى عدد اللفات على اول شرطه يعنى 350 لفه على السلنسيه طبعا ده خلى العربيه فى الضياع وبتفصل على طول المهم رحت عند بتاع الكربيراتير وقولته عايز اضبط الموضع لحسن الميكانيكى لعب فيه راح علا العربيه على الشرطه التانيه حوالى 650 لفه والعربيه بقت معقوله قلته ارفع شويه قالى العربيه كده مظبوطه واكتر من كده هتعلى المهم مشيت ورحت مشوار والمفاجأه العربيه وهى ماشيه الاقى على السلنسيه العربيه توطى وتعلى لوحدها وانا رحت مشوار وبعدين بليل بدور العربيه وانا نازل الاقى العربيه رجعت على 350 تانى طبعا قعدت متعكنن ورحت مشوارى وجعت طفيت الانوار والتابلوه لقيت العربيه عليت تانى على 650 لفه اولع النور توطى على 350 لفه يعنى باختصار الكهرباء بتاعة التابلوه بتخفض عدد اللفات المحرك

**aboharb** · 23-01-2012 01:06 PM

مشاهدات كتير ومفيش ردود ده بردك اسمه كلام

**rotanamasoud** · 23-01-2012 04:26 PM

انا عندى السلانسيه بيتغير عند تشغيل مروحه الرداتير او مروحه التكييف(بيقل) وده شئ طبيعى عشان فى حمل بيزيد على الدينمو فبيحصل كده بالنسبه للعربيات العاديه اما الانجكشن اعتقد لا لانه بيثبت السلانسيه حتى مع تغير الحمل فلو انت انجكشن روح للميكانيكى يظبطهالك ولو كاربرتير ده شئ طبيعى

**mrastra** · 26-01-2012 11:06 AM

الموضوع يكاد يكون عادى لكن اللى مش عادى هو عدد لفات السلنسية
من المفترض ان العربية على السلانسية تكون على 750 لفة/ دقيقة
اقل من كدة الدينامو مش هايشحن على السلانسية وقواعد الموتور هاتتقطع وهاتحس برعشة فى جسم العربية كولة وخصوصا التابلوة
الحل
ظبط عدد لفات الموتور على 750 لفة / دقيقة
تنظيف سير الدينامو من اى مواد زيتية
شد سير الدينامو
تركيب كتاوت نور لو مش راكب كتاوت
تقبل مرورى

**aboharb** · 27-01-2012 09:32 AM

المشاركة الأصلية كتبت بواسطة mrastra

الموضوع يكاد يكون عادى لكن اللى مش عادى هو عدد لفات السلنسية
من المفترض ان العربية على السلانسية تكون على 750 لفة/ دقيقة
اقل من كدة الدينامو مش هايشحن على السلانسية وقواعد الموتور هاتتقطع وهاتحس برعشة فى جسم العربية كولة وخصوصا التابلوة
الحل
ظبط عدد لفات الموتور على 750 لفة / دقيقة
تنظيف سير الدينامو من اى مواد زيتية
شد سير الدينامو
تركيب كتاوت نور لو مش راكب كتاوت
تقبل مرورى

شكرررا لسيادتكم على الرد