ربنا معاك يا يوكو
و لما تنزل اللينك قولى علشان اتفرج عليه
عرض للطباعة
من 3 شهور عملت تعديلات في عربيتي من سمكره وعفشه وتسقيط ماتور لانشيا 1600
انا مش مع تسقيط ماتور اعلى من كده لان هيظهر مشاكل كتيره والعربيه مش هتبقى ماسكه نفسها فتره طويله , انا هتكلم عن بعض المشاكل اللي واجهتني :
مشكله فتح الشاسيه , قمت بمعالجه الشاسيه باضافه شاسيه على الشاسيه القديم (دوبل شاسيه ) , وقمت بعمل تقويات حوالين الحوض , وايضا قمت بعمل قاعده للماتور اضافيه من ناحيه الفتيس ودي بتبقى مش موجوده في ال 128 اصلا .وتشغيل الشداد العلوي وده مهم . كمان قمت بعمل شداد داخل الكرتيره وشدادين سفلي موازيين للقنطره وشداد علوي بين البطاحتين الاماميين لان البطاحتين بيحصل ليهم شروخ فيجب وضع مع الشداد حلقه او رينج داخل ماسكين مع مسامير المساعد والخلفي كذلك.
مشكله الفرامل , تغيير جمبين كاملين اماميين بريجاتا مع الفرامل وده هيساعد على تقويه اداء الفرامل , لان فرامل الريجاتا اكبر من ال 128 مع العلم ان الفرامل مش هتبقى قويه بردو كما قبل عمليه تسقيط الماتور , لان الماتور عزمه زاد فيجب تغيير الفرامل كما ذكرت , وتشغيل الفرامل الخلفيه لو كانت معطله عشان نحصل على افضل اداء للفرامل, والحمدلله الاداء عندي كويس ومرضي لهذه النقطه.
مشكله السخونيه , انا لاحظت ان السخونيه للماتور بتزيد وده بسبب حجم الرادتير الصغير وكمان الشكمان القديم بيكتم الماتور , فقمت بتغيير ماسوره الشكمان الى حجم اكبر تقريبا بوصه ونصف , وتغيير علبه الشكمان (المصفى) , حسيت بفرق في السخونيه ويجب ايضا صيانه الرادتير جيدا واستخدام المياه الخضراء.واستخدام نوع زيت محرك نضيف مثل ليكوي مولي :)
مشكله الكبوت !! , قصدي غطاء الكبوت مش بيقفل بسبب ارتفاع الماتور وتحديدا عمه الكربراتير كبيره , وحل المشكله انك ممكن تستخدم عمه اصغر زي عمه ال 128 ولكن انا فضلت عمل تعديل على الكبوت فقمت بفتح فتحه في منتصف الكبوت وعملت فتحه تهويه اعطت شكل جميل للعربيه .
أنا كنت بفكر اسقط ماتور عالي عن كده لكن بعد التجربه لقيت الحمدلله كان اختياري صح لان لو الماتور اعلى من كده كان هتفضل مشاكل اللي ذكرتها بالاعلى مستمره ولا حل لها او هتستمر في الصرف والذهاب للصنايعيه وكل يوم تظهر مشكله .. الخ
متابع ورجالة الفيات سواء استاذ لوىء الكنانى وسمسم ويوكو عمليين شغل ومقدرش اقول حاجة بعدهم
هو ينفع الواحد يفضل طول عمرووو ياكل فول وطعميه ويجى بعد ما شبابه خلص ودخل فى مرحلة الشيخوخه ياكل سندوتشات تيك اواى وحاجات سمينه الكلام ده خرافى بمعنى الكلمه ازاى يعنى
انسب موتور يا احمد و من غيير مشاكل الاونو التربو 1.3 او 1.4 و مع بعض التعديل هتبقى جامدة بس لازم تعديل الفرامل كمان لانه مهم جدا انك تعرف توقافها, و الاونو التربو لو مش مظبوط صح يبقى زى قلته
يا باشا انا خلاص وثقت فى كلامك على فكره يا استاذ لؤى
و انا كده كده لو حضرتك هتروح مقابله الفياتويه انا هروح هناك بس بلهوندا
لو كده اقابل حضرتك هناك لو فاضى و ممكن نقعد نفهم شويه حاجات منك كده
لو مش هضايقك و اكيد يوكو هيبقى موجود علشان الراجل ده انا بحترم كلامه جداااا
و على رأى المثل اسأل مجرب و متسألش طبيب ^_^
انا انشاء الله هبقى موجود فى المقابلة و ربنا يسهل و تلاقى الاجابات اللى انتا عايزها عندى
المواصفات دى بتاعت ال 1400 اونو ولا بونتو hgt ؟؟ لانى مش لاقى اى حاجه عنه خالص الموتور ده و هل موجود فى مصر اقدر اسقطه لانى موتورى للاسف خلاص جاب اخره و اتجنن و صوته بقى غريب فانا مضطر اسقط قبل الصيف اليومين دول .هيه العربيه 1400 سيننا 2002 عاديه مش بلاس.و هل تنصحنى بالعمره للموتور القديم ولا التسقيط؟؟ و هل الموتور الاستيراد بيكون فى حاله معقوله ولا بيحتاج تغيير بساتن و حاجات كدا ؟؟؟ و شكراً