ازاى اروح بورسعيد؟

**aymansaad** · 22-01-2012 02:17 PM

ازاى اروح بورسعيد من عين شمس ؟ وايه احسن الاماكن التى تستحق الزيارة فى بورسعيد ؟
وشكرا

**mohamed_selim** · 24-01-2012 09:52 AM

من عين شمس تطلع على جسر السويس فى اتجاه الحرفيين و تكمل طوالى هتعدى على السلام و العبور و العاشر من رمضان و هتوصل عند اسماعيليه ... كل ما يقابلك كوبرى تطلعه ... بعد قيادة الجيس التانى عند اسماعيليه هتلاقى مطبات و يافطه بورسعيد شمال ... تخش شمال و تمسك الطريق و على طول هتوصل بورسعيد ...
بالنسبه لتروح فين ... حسب انت رايح يوم ولا اكتر و عايز تعمل ايه ... على العموم بورسعيد مش كبيره قوى يعنى ممكن تعمل كل حاجه فى وقت مش كتير

**aymansaad** · 26-01-2012 04:30 PM

جزاك الله كل خير على الوصف الرائع

**Amo0o0oRa** · 26-01-2012 05:25 PM

ولو حضرتك طالع فى وقت هتكون البلد زحمه ممكن تطلع دائرى من المرج وتنزل منه من عند موقف العاشر

احسن من زحمة جسر السويس

بعد كده نفس الوصفه

**mohamed_selim** · 26-01-2012 05:41 PM

مفيش نزله لطريق اسماعيليه عند موقف العاشر فى الاتجاه الصح ... يا هينزل فى اتجاه المطار من فوق نفق السلام يمين و يلف من تحت كوبرى الحرفيين (لو زحمه هياخدله ساعه) او يكمل على الدائرى و يعدى من نفق السلام و ياخد اول يوترن و يرجع ينزل طريق اسماعيليه