سؤال عن صلاة العشاء

**AhMeD EzZ** · 22-01-2012 05:34 PM

سلام عليكم

انا دورت في الموضوع دة كتير و ملقتش رد مقنع الصراحة سواء لاي فريق

هل الافضل لصلاة العشاء ان تصلي في وقتها و لا التاخير لي ثلث الليل ؟ و ازاي اقدر احسبة ؟ و هو حاليا كام ؟

**som3aa** · 22-01-2012 05:43 PM

طبعا الصلاة فى معادها , كل الصلوات تتصلى فى ميعادها , امال ربنا عملها مواعيد ليه , دى حاجة مفيهاش اراء
مش فاهم بقية السؤال , ايه المقصود بهو كام و ايه اللى حضرتك تقدر تحسبه؟

**faragebraheem** · 22-01-2012 05:50 PM

افضل الصلاة الصلاة على وقتها يعنى فى اول وقت الصلاةويقول الرسول الكريم لولا ان اشق على امتى لامرتهم بتأخير العشاء بس ممكن نصلى العشاء فى اول وقتها ونترك السنن لوقت متأخرمن الليل وبذلك ننال ثواب قيام الليل وهناك كثير من الناس يفعلون ذلك والله اعلم

**AhMeD EzZ** · 22-01-2012 06:26 PM

المشاركة الأصلية كتبت بواسطة som3aa

طبعا الصلاة فى معادها , كل الصلوات تتصلى فى ميعادها , امال ربنا عملها مواعيد ليه , دى حاجة مفيهاش اراء
مش فاهم بقية السؤال , ايه المقصود بهو كام و ايه اللى حضرتك تقدر تحسبه؟

العشاء في حديث عن الرسول صلي الله عليه و سلم انه مستخب تاخيرها للثلث الاخير من الليل عشان كدة بسال ايهم افضل في وقتها ام تاخيرها للثلث الاخير من الليل

**mohamedbook** · 22-01-2012 06:38 PM

ياريت تذكر نص الحديث عشان نعرف اذا كان ضعيف ام صحيح وهل ورد عن النبي انه كان يؤخر صلات العشاء عن وقتها ام لا
ولو كان فية خير لسبقنا اليه رسول الله
وان احب الاعمال الي الله الصلاة لوقتها
وهل الانسان ممكن يضمن عمرة ان يستمر الي ثلثل الليل كي يصلي العشاء
في انا كنت في المدينة ومكة كانت العشاء تصلي في الحرم النبوي والحرم المكي في وقتها وعمري مشفتهم بياخروها لثلث الليل

**maka** · 23-01-2012 02:53 AM

انا اللى اعرفه ان قيام الليل هو اللى مستحب تاخيره للثلث الاخير من الليل و ليس العشاء

وعن عمرو بن عبسة قال ، سمعت رسول الله صلى الله عليه وسلم يقول : ( أقرب ما يكون العبد من الرب في جوف الليل الاخير فإن استطعت أن تكون ممن يذكر الله في تلك الساعة فكن ) رواه الحاكم وقال : على شرط مسلم والترمذي وقال : حسن صحيح ، ورواه أيضا النسائي وابن خزيمة .

أفضل وقت لقيام الليل – أفضل

اما الفروض فعلى اوقاتها , إن الصلاة كانت على المؤمنين كتابا موقوتا

ثبتنى الله و اياكم