كنت عايز اعرف ازاى افك باب الالنترا عشان وانا ماشى بسمع اصوات تكتكة(ترييح) جاية من ناحية القائم اليمين بس لما فكيت باكتة القائم بالكامل ملقتش اى حاجة تعمل الصوت دة فغالبا الصوت دة من الباب.
فكنت عايز اعرف طريقة الفك لانى خايف اجرب ممكن اكسر كلبس او اى حاجة.
ارجو الافادة
وشكرا للجميع
اتأكد الاول ان الصوت جي من الباب مش من اي حتة في الصالون شوف رف السماعات و شوف مسامير الباب و كذلك المفصلات
اتاكد ان الصوت اصلا من الباب لأن الصوت ده كان عندى و كنت فاكره برضه من الباكتة اللى انتا فكتها و بعدين اكتشفت انه من مسند راس الكرس الامامى اللي جنبى ..
شيل المسند من الكرسى خالص و شوف الصوت موجود و لا لا
انا عملت كل حاجة ومفيش فايدة والصوت دة منرفزنى جدا وخصوصا وانا قافل الزجاج
- انا بصيت على المفصلات وقفل الباب وجلد الباب الداير ومسند الكرسى وناقص اشيل الكرسى نفسه واجرب)
والصوت دة وانا ماشى بس لكن العربية وهى واقفة قعدت اهز فيها فيها مفيش.
الصوت بيجى مع الطلعة والتهدئة والفرامل لكن مش مع المطبات بحس انه ترييح اجزاء ولا ايه
ارجو الافادة من اهل الخبرة
مش ممكن يكون الصوت من الكرسي !!!!