الاسكندرية
موديل 2011
ماشية / 8000 كيلو
رخصة سارية حتى شهر يناير 2014
ضمان سارى حتى شهر يناير 2014
صيانة دورية فى التوكيل حتى شهر يناير الحالى 2012
اول يد
اللون فضى
السعر المطلوب 56.500
الاتصال / معتز ياسر علوى 01017270666
عرض للطباعة
الاسكندرية
موديل 2011
ماشية / 8000 كيلو
رخصة سارية حتى شهر يناير 2014
ضمان سارى حتى شهر يناير 2014
صيانة دورية فى التوكيل حتى شهر يناير الحالى 2012
اول يد
اللون فضى
السعر المطلوب 56.500
الاتصال / معتز ياسر علوى 01017270666
لو قلت اسباب البيع تبقي بتطمن اللي قدامك و في نفس لوقت بتريح نفسك من المداخالات بتاعت اي حد بيهيص .....
موفق في البيع ان شاء الله
على فكرة سبب البيع انى قدامى عرض كويس لعربية نيسان صنى موديل 2010 فابريقة..ولا يوجد سبب اخر للبيع اكبر دليل على ذلك انى لسه مرخص العربية يوم 27/12/2011 لمدة سنتين.. ازاى ارخصها سنتين وانا ناوى ابيعها ؟؟؟.
الاستاذ معتز / بعد التحية
انا جاد فى الشراء
على 50 الف جنيه
وده رقمى 01147321377
لو حضريتيك موافق
وربنا يخسن بيعها ليك
استاذ محمد فهيم
ولا بتخسوا الناس اشيائهم
اشكرك على عرضك وربنا يرزقك بحاجة بالسعر ده ولكن حضرتك بتفاصل ب6500 جنيه
ماهو حاجةمن اتنين
يانا نصاب وعايز اضحك عليك ف 6500 جنيه (ف حالة لو انا قبلت بسعرك )
يا حضرتك عايز تضحك عليا وتاخد العربية بسعر اقل من سعرها ( اعتقد ان سيادتك تاجر ) لان ده كلام تجار
ربنا يوفقك بس لو سمحتوا يا جماعة اللى حيتكلم بالطريقة دى ياريت ميبعتليش اساسا
الواحد مش ناقص حرق دم بصراحة كفاية اللى الناس فيه
وعايزين البلد تطلع لقدام واحنا لسه بنتعامل مع بعض كده ؟؟
لا حول ولا قوة اللا بالله
انا ماعنديش مشكلة فى التفاوض بس بالعقل مش بالسرقة
سيدى العزيز
اولا انا مش تاجر
ثانيا حضريتيك بتتكلم عن سيارة صينى
وانت عارف اساسا ان اسعار المستعمل بتنخفض حتى لو لسه جيبها من الصالة
وبعد كدة هدى نفسك شوية ده مش اسلوب بيع
مش عاجبك السعر خلاص بلاش مفيش حد غصبك على حاجة
وشكرا
سيدى العزيز
اولا بما ان السيارة صينى كده زى ماحضرتك بتقول عايز تشتريها ليه ؟
ثانيا انا هادىء يا سيدى الفاضل
ثالثا يا استاذى العزيز بدل حضرتك تقول دى مش طريقة بيع قول لنفسك دى مش طريقة شراء
رابعا انا مش مستنى سيادتك تقولى ان محدش يقدر يغصبنى على حاجة
حضرتك هدى نفسك انت شوية وبما ان الصينى بيقل اوى كده فى البيع انصحك ماتشتريش صينى
وربنا يوفقك ف حاجة المانى او يابانى
علما بان العربية الصينى زى الفل و الحمد لله وانا عارف انك حتسالنى انا عايز ابيع ليه
ولو حضرتك لم تسال حاقولك برضه مافيش مشكلة
انا بابيع لانى عايز اشترى عربية يابانى وعليها عرض حاليا من المعرض
ولو انى ماكنتش ناوى ابيع فعلا والدليل على كده انى لسه مرخص سنتين بداية من شهر يناير الحالى و لو كان ف بالى ابيع ماكنتش رخصت سنتين
ربنا يوفق الجميع
بالتوفيق فى البيع ان شاء الله
استاذ معتز حضرتك كنت عامل اعلان على كونتكت وكنت كاتب سبب البيع السفر للخارج وبعت لحضرتك على 50 وحضرتك رفضت
ايه المشكله فى موضوع سبب البيع سواء للسفر للخارج او للتغيير او لظروف ليه لازم نعرف سبب البيع الفاصل فى الموضوع لو شاكك فى البيع انك تكشف على العربيه انما سبب البيع دة متهيألى مايخصش حد وفعلا 50 ألف قليل على سعر العربيه جدا والراجل دافع سنتين ضريبه وتامين ووجع قلب وهما دول مش بفلوس برضو ولا ايه ؟؟؟؟؟؟
السلام عليكم و رحمه الله و بركاته
استاذ رامبو
انا الحمد لله كيميائى و رئيس قسم ف شركة بترول ومستقر فى الاسكندرية بحمد لله والاعلان بتاع كونتاكت مش انا اللى كنت عامله وانا اسف ان اللى كتبه للاسف كتب فيه انه لظروف السفر للخارج ولكننى حقيقة مش مسافر اللا اذا ربنا اراد...وبالنسبة لحكاية انى رفضت 50.000 فاعتقد ان عندى حق ...يا جماعة لا تبخسوا الناس اشيائهم عربية عاملة 8000 كيلو و فيها سنتين رخصة و انا باعمل لها صيانة كل 3 شهور وفيها ضمان سنتين وفابريقة بالكامل وانا اطلب 65.500 والاقى حد بيفاصل ف 6500 جنيه ؟؟؟ بالله عليكم ده حلال ؟ حتى لو بيع و شراء ..ماهو اما انا نصاب و عايز اخد فى العربية اكتر من حقها او اللى عايزنى انزل فيها 6500 جنيه عايز يضحك عليا و ياخدها بثمن اقل من ثمنها ويعمل عليا ناصح ( انا اسف انا ماقصدش حضرتك تحديدا ) بس الفصال بالاصول وانا قولت ان معنديش مانع للتفاوض و لكن فى حدود و بعدين احسبوا انا دافع صيانة كام وانا مرخصها سنتين بالف حنيه ولو كنت ناوى ابيع من الاول ماكنتش رخصت سنتين ( واللا ايه ؟؟؟ ) مش كل دى فلوس واللا انا غلطان ؟؟
استاذ semsem hamada
انا متشكر جدا لردك غيبتى و ردك على الناس و انا مقدر جدا لرايك وصراحتك واشكرك على ذوقك وياريت كل الناس تفكر بهذه الطريقة...وياريت مش كل واحد عايز يبيع يفترى وكل واحد عايز يشترى يعمل فيها ناصح على قفا اخوه
ياريت نتغير بقى ف مصر و تكون عندنا ثقافة الاحترام المتبادل وان كل واحد يعطى كل حاجة حقها ...وعلى فكرة للاسف انى اتعاملت بتعامل السوق انى حاطط سعر وممكن انزل عنه شوية ولكننا ف مصر اتعودنا على كده
للامانة منى عشان ماحدش يتهمنى بانى لست امين او انى باغالى فى سعر العربية
العربية يا جماعة فيها خدوش بسيطططططططططططططة جدااااااااااا فى الرفرف الخلفى شمال تكاد تكون مش ملحوظة لان لون العربى الفضى مش بيخللى الخدوش اللى فيها تبان اوى زى اى لون تانى غامق
وفيها حتة فى الرفرف الامامى يمين كان اتخبط وهى واقفة ( الحتة دى لا تتعدى 10 او 15 سم ) وانا رديتها على البارد وهى فى الحتة اللى فى الرفرف اللى فوق العجلة على طول وتكاد تكون مش باينة برضه اللا اذا انا قولت للى بيتفرج على العربيه عليها...اكتر من كده مافيش فى العربية و ذلك للامانة
والسعر النهائى للعربية عشان اكون امين برضه ومن غير فصال عشان الناس اللى بتبعتلى اسعار كل شوية
هو 55.500
واتمنى التوفيق لى و لغيرى فى البيع و الشراء
اصدقائى الاعزاء
تم البيع بحمد الله بسعر اعتقد انه متاسب لى وللمشترى
اشكركم على ردودكم عليا و مشاركتكم .....وانا عارف ان فيه حتسالنى بعت بكام
تم البيع ب 55000 الحمد لله وانا راضى الحمد لله
ممكن بقى حد يقوللى ازاى امسح الموضوع من اوله عشان مش عارف
يا جماعة لو سمحتم حد يقولى رائيه ف 516 2008 عشان رايح اشترى واحده بكره هيه ولا الفيرنا 2004
حد حيرد يا جماعه ولا لأ