و اللي يقف في وش ثوارها ما هايورث الا ذلها و عارها ( ضحكة المساجين )

اغنية جميلة من كلمات المبدع عبد الرحمن الابنودي و غناء علي الحجار و الحان فاروق الشرنوبي

اغنية معبرة جدا عن حاجات كتير في واقعنا الحالي

‫على الحجار - ضحكة المساجين الكليب الاصلى‬‎ - YouTube

محدش شاف الاغنية

فعلاا اعنيه جامدة بسمعها كل يومم في العربيه

اقتباس:

---

المشاركة الأصلية كتبت بواسطة maryano

فعلاا اعنيه جامدة بسمعها كل يومم في العربيه

---

كل يوم !!!!!!!!! هي نازلة من امتى ؟؟

انا اول مرة اشوفها و اسمعها انهاردة

علي الحجار كان ليه اغنيه جامده جدا قبل الثوره وكانت تقريبا ممتوعه م العرض اسمها مالك يامصري كلك تخابيط
حاجه زي كده بس جامده جدا جدا جدا

الاغنية جاااااامدة باسمعها كل يوم تقريبا انا سمعتها من فترة بسيطة مش عارفة نزلت امتى

شكراً على المشاركة دونزي أغنية حلوة يلا علشان تسخنوا 25 يناير قرب .

اغنية تحفة, انضف و اقوى اغنية نزلت من اول الثورة لحد دلوقت
معاني و اداء و حتى اخراج الكليب جميل جدا
و مؤثرة :)

مش عارف نازلة بقى لها قد ايه بس انا عارفها بقى لي شهر مثلا

http://www.nilemotors.net/Nile/263629-a.html

انا كانت اول مرة اشفها انبارح و افتكرتها لسة نازلة عشان كدا جيبتها في موضوع هنا و فعلا انا شايفة انها اقوى اغنية بتعبر عن الثورة فعلا

الابنودي كتبها عشان علاء عبد الفتاح لما كان محبوس

خدى دى بقى اجمد كتير و من زمان ومحدش عارفها كتير
قصيده للشاعر سيد حجاب

يا مصري ليه دنياك لخابيط و الغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفاياك تبليط
صعبة الحياة والحل بسيط ... حبة تخطيط
فتحت باب استيرادك
وصرفت فوق ضعف إيرادك
حِلي للخواجة استكرادك
سابك بتقرا في أورادك
وده قشّطك ونزل تشفيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
ومهولاتي تحب تزيط
ساعة الفرح زغاريد تنطيط
وفي المياتم هات يا صويت
وفي المظاهرات سخن تشيط
و في الانتخاب تنسى التصويت
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
وليه بترشي وتتساهل
وتضيع حقوقك بالساهل
تستاهل النار تستاهل
يا غويط ويحسبك الجاهل
سهل وساهي وغبي وعبيط
يا مصري ليه دنياك لخابيط و الغلب محيط
و العنكبوت عشش ع الحيط و سرح ع الغيط
يا مصري يا للي الغلا عاصرك
والنهب في عصرك حاصدك
قوم للحياة واسبق عصرك
ولا حاجة هترجع مصرك
إلا ان تكون شغال ونشيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفياك تبليط
صعبة الحياة والحل بسيط ... حبة تخطيط

http://www.youtube.com/watch?v=_iGLXEU3vow

من 2009 او ممكن من قبلها كمان

انا اول مرة اشوفهااا كانت علي o tv ايام احداث شارع مجلس الوزراء و نزلتهاا من ساعتهاااااا بس بجد روعه سواء كلمات او غناء او الحااان حتي الفيديو كليب معبررر فعلاا اجدم اغنيه من بعد الثورةة