الموضوع: محتار ؟؟؟؟؟؟؟؟؟؟؟؟!!!!!!!!!!!!!!!!!

بص يا باشاالجديد جديد يعنى النوبيرا تبقى رقم واحد
وراها يبقى (طبعا دى وجهه نظر)
التويوتاالعيون ثم السيفيا لكن ابعد عن الاسبكترا
بالنسبة للالنترا قطع الغيار قليلة شوية
النيسان معرفش عنها حاجة

الياباني ثم الكوري

المشاركة الأصلية كتبت بواسطة osamram

محتار جداً وأرجو المساعده فى الاختيار بين بعض الموديلات :
للعلم اريد سياره واسعه وعمليه وعفشه قويه لأنى أسكن فى منطقه كلها مطبات وتكون قطع غيارها معمره حتى لو كانت غاليه قليلاً وليس جدا ً .
والموديلات هى :
نيسان صنى موديل 2000
تويوتا كورولا عيون 1998
تويوتا كرولا الملكه موديل من ( 1993 - 1996 )
هيونداى النترا موديل ( 1998 - 2000 )
نوبيرا ( 2005 مانيوال )
كيا سيفيا
كيا سبكترا
-----------------------------------------------
ارجو من الخبراء سرعة الرد مع اظهار المميزات والعيوب الشائعة لكل موديل ومتوسط سعرها !!!!!!!!!!!!!!!!!!

الصنى معلوماتى عنها قليلة لكن كانت معصديق عربية بوجه عام عملية و جيدة بس قطع الغيار غالية شوية, و سيارة نادرة شوية مش منتشرة.

كورولا عيون فى رايى هى الأكثر مناسبة لحالتك, معلوماتى عنها عربية حمالة قاسية وبتاعت شغل قطع غيار مناسبة, كنت اعرف ثلاثة من ملاكها كلهم شكروا فيها و مسمعناش عن مشاكل بها.

كورولا الملكة, عربية طبعا بنت سمعن الكورولا فى مصر و عربية قيادات الجيش, مشكلتها انها قديمة و ماسكة سعر عالى فى السوق لغاية دلوقتى (سعر غالى مقارنة بقدم الموديل) طبعا لو لقيت حالة جيدة منها و بسعر مناسب ممكن تتوكل على الله و تخلص.

النترا (1998 - 2000) نصيحة استبعدها تماما, رغم انها سيارة قوية لكنه نادرة جدا و بالتالى ممكن تتعب فى قطع غيارها, و اسمع انها حراقة بنزين.

نوبيرا 2005 مانيوال, ملاكها يفيدوك اكتر منى, عربية اسمع ان عفشتها بتتعب بسرعة و بتجيب طنابير كتير, لكن سقتها على طريق السخنة كانت رائعة بصراحة و ثابتة, لكن من الممكن تحطها فى الاعتبار فى حالة انك وجدت الحالة الجيدة.

سيفيا و سبكترا, تجربتى الشخصية كانت مع السبكترا و هى عربية كانت بتتقفل فى مصر, عربية ساحرتنى بماتورها و تتفوق على كثير من السيارات من حيث الجرى (انا كسرت بيها ال 200 اكتر من مرة), يعيبها عفشتها ضعيفة و مبتعمرش و شكمانها علطول بيعطل و بعض الأفراد منهم انا اشتكوا من ثباتها على السرعات( واحد بس الأعرفو مشتكاش), و قطع غيارها مش متوفرة زى السيفيا, بس بشكل عام فكك منهم هما الأثنين, خصوصا ان السيفيا كلو قديم, و بدام بدور على القديم يبقى خليك فى اليابانى.

اقتراح: دور بردو على اللانسر كريستالة م 98 أو 99, عربية جيدة جدا, جراية و ثابتة و قطع غيار معقولة, و شكل محبوب عن الكورولا عيون.