الموضوع: تعمل اية لو شفت الانابيب بتتسرق قدام عينك ؟

السلام عليكم .

من ساعة تقريبا كنت بوصل واحد صاحبي الهضبة الوسطي قدام كارفور المعادي . المهم
بعد ماوصلتة وانا راجع برجع من الدائري . في فتحة هناك عند دجلة فيو بتخرج علي الدائري
والدنيا هنا ضلمة علي الاخر .
لقيت عربية من بتاعت الانابيب الكبيرة اوي الي بتنقل الانابيب من المستودعات واقفة وجنبها انابيب كتير
نازلة علي الارض ووراها عربية نقل كبيرة بياخدوا الانابيب فيها وكام موتوسيكل وكام واحد .
طبعا للاسف المنظر دة شفتة وانا جنبهم . ومعرفتش اخد رقم العربية للاسف .
طبعا عرفت ان الانابيب بتتسرق . ومشيت وانا مضايق جدا مش عارف اعمل اية .
وانا بلف من عند كارفور المعادي لقيت عربيتين شرطة واقفين هناك . نزلت وقولتلهم ووصفت لهم المكان بالظبت .
بعد ما خلصت قالي (متشكرين جدا ياباشا ! ) . وطبعا متوقع انهم مش هايتحركوا .

انا عاوز اعرف المفروض اما الواحد يشوف حاجة زي دي يعمل اية ؟

المشاركة الأصلية كتبت بواسطة wassim_nasser

اللي حضرتك عملته أنسب وأصلح حاجه ( ربنا يكرمنا بعقلك وسرعه تصرفك) بس انا عايز أوضح حاجه لحضرتك .. الانابيب ماكانتش بتتسرق ولا حاجه دي بدل مابتروح المستودع بتتوزع ع التجار السوق السودا وكل واحد يبيع بمزاجه 50 70 35 وكل تاجر جايب عربيته ياخد فيها بس طبعا لازم الحكاية دي تتم ف حته متطرفه عشان الناس ماتاخدش بالها .. و ف الاخر سواق العربية الكبيره وصاحب المستودع مالهمش غير فلوسهم و يطلعوا حسنتهم .. ربنا ينتقم منهم

كان نفسي اعمل اي حاجة .
حسبي الله ونعم الوكيل في كل واحد بيسرق وبيغش الناس ويستغل الظروف