عرض للطباعة
انا عندى مجموعة مشاكل فى العربية (سكورت 1600 كربرتير ) مش عارف اذا كانوا ليهم علاقة ببعض ولا كل حاجة مستقلة ندخل فى الموضوع
1 العربية بتغيب جدا فى الدوارة مع العلم انى ظبط الكرباتير اكتر من مرة وبردو بتغيب بس انا عندى الادلر والتي بي اس مش شغالين مش عارف اذا كان ليهم علاقة بالموضوع ده من عدمه
2 عندى ريحة عادم نى بتدخلى الصالون لما اكون فاتح الزجاج لما اقفلة تروح
3 العربية بتسخن
افيدونا افادكم الله
اقتباس:
المشاركة الأصلية كتبت بواسطة mostafa_aziz
طالما فيه ريحة عادم ني يبقى الكربراتير مش مظبوط برغم انك ظبته اكتر من مرة. محتاج حد متخصص يشوف لك موضوع الكربراتير ويظبطه لأن عدم الضبط معناه ان البوجيهات مهببة وبالتالي مش بتحرق البنزين كله فده يخليها تغيب في الدوارة وهيخليها تسخن لأن عدم ضبط خليط البنزين والهواء وتهبيب البوجيهات هيخلي العربية مبرجلة كهرباء وتسخن. انصحك اعمل زيارة لمركز الصفا. وافيدنا بالنتائج.
+11111111111111اقتباس:
المشاركة الأصلية كتبت بواسطة mido51eg
و برده لازم تشغل المنظومة كاملة
كلام ميدو وجو تمام كمان خد بالك ان الادلر هوا الي بيظبط دخول الهوا للمتور فلو فية مشكلة هتلاقي الار بي ام بيعلي وينزل ودي وظيفة الادلر انو يظبطو بين 850 و950 فالعربية هتبطل كل شوية فممكن تجيب واحد استيراد في حدود 150 وهيبقي كويس.
السخونية وكمان في الشتا اعتقد الردياتير عايز يتنظف وشيك علي المروحة بجد هتحس بفرق كبير جدا لما تعمل الحجات دي وهتنسي السخونية.
والله اعلم