...:::: بالصور ---- تجربتي مع الكاركير بالصدفة!!! ::::...

السلام عليكم ورحمة الله



كنت غيرت خرطوم زيت الباور بسيارتي بنفسي واحتجت ان أغسل حوض المحرك بعد هذه العملية لإزالة آثار الزيت وللتاكد من عدم وجود أي تسريب جديد بالجزء الذي تم تغييره

ولطبيعة عملي التي تقضي العودة يوميا لمنزل حوالي 9 مساء زوغت بدري شوية وذهبت لأحد محطات وطنية بالقرب من منزلي لغسل المحرك وأنا أتمني أن أجد الغسيل مفتوح لأن الوقت كان متاخر والحمد لله العامل قاللي الغسيل شغال ولكن مافيش غسيل عادي للمحرك يعني فوم أو جاز ومياه وكده لأنه بيبوظ الكهرباء وخطر للعربيات الحديثة وممنوع من الإدارة لكن فيه غسيل كيماوي ب 25 جم للمحرك فقط تبع قسم الكاركير.... قلت له ...هه؟؟ كاركير !!!!

أنا أصلا نفسي من زمان جدا أعمل كار كير كامل للعربية ولكن بسبب إن تقريبا ماحدش شكر في مكان معين للموضوع ده كنت مأجله لما ألاقي مكان كويس قلت له طب لو العربية كلها كاركير شامل قاللي 146 جم قلت له طيب بتاخد وقت قد إيه قاللي حوالي 45 دقيقة قلت له إزاي يعني؟؟؟ قاللي بالكتير ساعة قلت له طب ينفع دلوقت ولا الصبح ؟ ...كانت الساعة 8.30 بالليل قاللي ينفع دلوقت ..... الصراحة قلت في بالي ساعة معقول أروح اكل لقمة في أي محل أكل قريب وأجي تكون خلصت فقلت له ماشي إبدأ الشغل بس طلبت منه يركز زيادة في الحوض علشان موضوع الزيت ده قاللي حاضر والصراحة كان مهذب جدا ومش بيمل من طلباتي الكتيرة فضلت معاه لحد لما خلص الحوض وإبتدي يخش علي الصالون رحت آكل في مطعم جنب المحطة بس المفاجأة الجميلة إن الحوض لوحده اخد تقريبا ساعة قلت يعني الصالون مش أقل من ساعة كمان وكنت تعبان جدا ونفسي أروح أستريح لكن الصراحة الصالون عندي كان حالتة منتهي السوء وطبعا كل ملاك BYD-f3 فاهمين قصدي لون الصالون البيج بيبقي عامل إزاي خصوصا مع استعمال مستمر زي حالاتي فصبرت نفسي والصراحة كانت مفاجأة ليا إني أعمل الكاركير كده وعل غفلة لكن رُب صدفة خير من ألف ميعاد فمالحقتش أصور العربية قبل الكاركير كانت عاملة إزاي وبيني وبينكم أحسن لأنها كانت شكلها لا يسر عدو ولا حبيب لكن صورتها بعد الكاركير أسيبكم دلوقت مع الصور:-


http://up.7cc.com/upfiles/OqU72997.jpg



http://up.7cc.com/upfiles/CR172998.jpg



http://up.7cc.com/upfiles/CmO72998.jpg



http://up.7cc.com/upfiles/YVQ72999.jpg



http://up.7cc.com/upfiles/AIb72999.jpg



http://up.7cc.com/upfiles/6Iv73000.jpg



http://up.7cc.com/upfiles/IHi73502.jpg



http://up.7cc.com/upfiles/rdv73503.jpg



http://up.7cc.com/upfiles/niE73503.jpg



http://up.7cc.com/upfiles/Rki73503.jpg



http://up.7cc.com/upfiles/IqZ73504.jpg



http://up.7cc.com/upfiles/6My73504.jpg



http://up.7cc.com/upfiles/DZS75434.jpg



http://up.7cc.com/upfiles/YPr75434.jpg



http://up.7cc.com/upfiles/5R675435.jpg



http://up.7cc.com/upfiles/6UQ75435.jpg



http://up.7cc.com/upfiles/0iC75436.jpg



http://up.7cc.com/upfiles/peT75436.jpg



وأعتقد واضح في الصور إن النظافة مش قد كده قصاد الكلام اللي بنسنعه عن الكاركير لكن الصراحة نسبة لما كانت عليه قبل الغسيل نقدر نقول نسبة الرضا حوالي 60% أو 65% بالكتير ورغم إن ملاحظاتي للعامل كانت كتيرة جدا طول ما هو شغال لكنه تعب جدا جدا ده غير أنه شغال من الصبح ودول عساكر يعني بيصحوا من الساعة 4 صباحا فماقدرتش أضغط عليه أكتر من كده علي الرغم من انه كان بينفذ كل طلباتي قدر طاقته وكان باله طويل ومهذب جدا وخلصت الساعة 12.15 بعد نص الليل وكنت انا خلصت كمان والجو تلج وعاوز أروح بأي ثمن

أعتقد إذا كان تم بالنهار ومع جهد أكبر كانت حتكون نسبة الرضا حوالي 85% وعلي فكرة الخامات اللي بيشتغلوا بيها مصري وأنا حاطط صورتها


خالص تحياتي للجميع

مبروك يا باشا نعيما
بس الموضوع اتكلف كام ومكان البنزينه فين انا نفسى اعمل كاكير من زمان

اقتباس:

---

المشاركة الأصلية كتبت بواسطة a7mous

مبروك يا باشا نعيما
بس الموضوع اتكلف كام ومكان البنزينه فين انا نفسى اعمل كاكير من زمان

---

الله ينعم عليك يا باشا .... المكان بنزينة وطنية زهراء مدينة نصر اللي جنب الشبراوي والتكلفة 146 جم بس أعتقد الأماكن التانية ممكن تكون أحسن شوية والله أعلم


تحياتي

حمام الهنا !!!!!!!!!!! ان شاء الله تعمل لها كار كير صح الصح وتأخذ وقتها لان الكار كير عايز صبر ووقت لكن النتيجه دائما مذهله عن تجربه شخصيه .

اقتباس:

---

المشاركة الأصلية كتبت بواسطة harmadan

حمام الهنا !!!!!!!!!!! ان شاء الله تعمل لها كار كير صح الصح وتأخذ وقتها لان الكار كير عايز صبر ووقت لكن النتيجه دائما مذهله عن تجربه شخصيه .

---

الله يهنيك يا باشا وده فعلا سبب أني كنت مأجل الموضوع ده لمدة كبيرة ولما لقيت البنزينة قدامي والعربية كانت سيئة للغاية من جوة الولاد مبهدلينها جامد جدا قلت يلا نجرب ومش حنخسر كتير والحمد لله مش سيء اوي أهو تقضي شوية وبعدين أكون لاقيت مكان متخصص شوية

تحياتي

يظهر انه يوجد توارد افكار يوم ماقرات تجربة سيادتك عن الكار كير كنت افكر مع نفسى ماهو الكار كير فوجدت سيادتك كتبت عن هذا الموضوع ارجو ياباشا شرح ماهو المفروض وماهى الخطوات التى يجب ان يتبعها الصنايعى وهو يعمل كار كير وماهى فوائده وشكرا جزيلا

تحت أمرك يا دكتور

الكاركير بإختصار شديد هو عبارة عن عملية غسيل وتنظيف شاملة ومتخصصة للسيارة من الداخل والخارج تتم بإستعمال مواد كيميائية خاصة وفرش تنظيف كهربائية لتسهيل هذه العملية

وجودة أي مكان يقوم بهذه العملية تعتمد علي مدي توغله في تنظيف جميع الأماكن وإعادة لون الأجزاء لحالة الزيرو مع الحفاظ علي طبيعة مكونات الصالون والفرش من التلف ونوعية الخاملات المستخدمة في هذه العملية


تحياتي

مبروك يا باشا ... ونعيما للجميلة ... اخيرا حنيت عليها وودتها للكوافير ... بس بصراحة الموضوع يستاهل تكلفتة ...

اقتباس:

---

المشاركة الأصلية كتبت بواسطة sv065

تحت أمرك يا دكتور

الكاركير بإختصار شديد هو عبارة عن عملية غسيل وتنظيف شاملة ومتخصصة للسيارة من الداخل والخارج تتم بإستعمال مواد كيميائية خاصة وفرش تنظيف كهربائية لتسهيل هذه العملية

وجودة أي مكان يقوم بهذه العملية تعتمد علي مدي توغله في تنظيف جميع الأماكن وإعادة لون الأجزاء لحالة الزيرو مع الحفاظ علي طبيعة مكونات الصالون والفرش من التلف ونوعية الخاملات المستخدمة في هذه العملية


تحياتي

---

لا يامر عليك ظالم ابدا طول حياتك
هذا ما يتم ببنزينة كالتكس بالمنيا ولكنى ازيد على عملهم بشفط التراب بمكنسة كهربائية خاصة بالسيارة وانظف المقاعد بفوطة نظيفة وببخاخة تنظيف الزجاج وانا ملاحظ ان سيادتك محتفظ بالفرش الاصلى حسب الصور ولكن فى البنزينة يضعون على الابواب من الداخل سائل ابيض يجعلون التابلوه والابواب يبرق لفترة طويلة وفى النهاية ياتى دور تشميع السيارة وعندما تستعمل شمع للسيارة بعد تنشيف السيارة ثم فرك الشمع ياخذ مجهود عضلى شديد ولكن يوجد سائل لغسيل السيارة wash and wax يوجد صنف امريكى الجركن ب 50 جنيه الجركن يكفى العديد من المرات ويجعل السيارة وخصوصا اللون النبيتى عند سيادتك يصير مثل المراة ويوجد صنف ايضا اسمه رابيدو wash and wax فى كارفور مصنوع يتكنولوجى انجليزى وكان ثمن اللتر قبل الثورة 4 جنيهات فقط ولكن لاتشترى الشمع السائل احسن نوع شمع اسمه turtle يليه اصناف كثيرة مثل ال high-shine بعد التشميع سوف تجد ان سطح السيارة املس جدا
هل يوجد خطوات زيادة سيادتك تعرفنى

حلو اوى الكار كير ده
مع انه غالى الثمن لكن لو حافظت على السيارة
بعيدا عن الماء والصابون الذى يحتوى على الصودا الكاوية
يبقى شىء عظيم جدا
لكن يبقى السؤال ؟
ماهى المواد المستعملة تحديدا فى غسيل الموتور والحوض
وهل يتم رفع السيارة ام لا؟
مع خالص الشكر

اقتباس:

---

المشاركة الأصلية كتبت بواسطة elmanahry

لا يامر عليك ظالم ابدا طول حياتك
هذا ما يتم ببنزينة كالتكس بالمنيا ولكنى ازيد على عملهم بشفط التراب بمكنسة كهربائية خاصة بالسيارة وانظف المقاعد بفوطة نظيفة وببخاخة تنظيف الزجاج وانا ملاحظ ان سيادتك محتفظ بالفرش الاصلى حسب الصور ولكن فى البنزينة يضعون على الابواب من الداخل سائل ابيض يجعلون التابلوه والابواب يبرق لفترة طويلة وفى النهاية ياتى دور تشميع السيارة وعندما تستعمل شمع للسيارة بعد تنشيف السيارة ثم فرك الشمع ياخذ مجهود عضلى شديد ولكن يوجد سائل لغسيل السيارة wash and wax يوجد صنف امريكى الجركن ب 50 جنيه الجركن يكفى العديد من المرات ويجعل السيارة وخصوصا اللون النبيتى عند سيادتك يصير مثل المراة ويوجد صنف ايضا اسمه رابيدو wash and wax فى كارفور مصنوع يتكنولوجى انجليزى وكان ثمن اللتر قبل الثورة 4 جنيهات فقط ولكن لاتشترى الشمع السائل احسن نوع شمع اسمه turtle يليه اصناف كثيرة مثل ال high-shine بعد التشميع سوف تجد ان سطح السيارة املس جدا
هل يوجد خطوات زيادة سيادتك تعرفنى

---

فعلا هم يقومون قبل البدأ بالكاركير بشفط الأتربة بمكنسة قوية وتقدر تقول مكنسة مركزية ضخمة وبتوزع لخراطيم كتير علشان تنظف أكتر من عربية في وقت واحد والمقاعد أيضا يقومون برش مادة كيميائية خاصة للجلد عليها مع إستعمال فرشاة كهربائية قوية تقوم بدعك الكراسي جيدة من جميع الجهات ومثل ذلك السقف والأبواب ماعدا الموكيت لأنهم أفادو أن المادة المستعملة بالتنظيف يمكن ان تتلفه

وهم أيضا يستعملون سائل أبيض - موجود بالصور في زجاجة بالرف العلوي- ورائحته ياسمين للتابلوه والفبر بالسيارة ككل حتي الأجزاء الفبر بالمحرك كفلتر وخرطوم الهواء وحسن سألته عن هذه المادة قال إن هذه مادة خاصة للبلاستيكات والفبر والجلد لتطريه وتحافظ عليه من التشققات

أما التشميع فأجلته لأجل غير مسمي لأني أفضل عمله عند متخصصون وبمواد أفضل من تلك التي في المحطة ولكن مشكلتي الرئيسية ضيق الوقت ولكن في الخطة إن شاء الله وفعلا حضرتك كما عودتنا موسوعة كبيرة تمدنا بالمعلومات الوافية والنافعة ومهما قلت لا أوفي قدر حضرتك ودورك الكبير في إثراء المنتدي بهذه المعلومات الغزيرة


خالص تحياتي لحضرتك

اقتباس:

---

المشاركة الأصلية كتبت بواسطة elswaha

حلو اوى الكار كير ده

مع انه غالى الثمن لكن لو حافظت على السيارة
بعيدا عن الماء والصابون الذى يحتوى على الصودا الكاوية
يبقى شىء عظيم جدا
لكن يبقى السؤال ؟
ماهى المواد المستعملة تحديدا فى غسيل الموتور والحوض
وهل يتم رفع السيارة ام لا؟
مع خالص الشكر

---

المواد كلها التي في المحطة إنتاج محلي والمواد التي استخدموها لغسيل الحوض كانت كثيرة جدا تقدر تقول عمل كوكتيل لكن منها مادة كان علبتها مكتوب عليها طار والصراحة لا أعلم عنها شيء ورفع السيارة لغسيل الشاسيه فقط وده مالوش دعوة بالكاركير



خالص تحياتي

على فكرة ياباشا السعر دة كتير لان في بنزينة وطنية اللي في طريق السويس المطار قبل مطلع الدائرى ارخص بكتير ولكن زي ما ذكرت نسبة الرضاء لن تزيد عن 70%

اللهم صل على محمد وعلى آله وصحبه أجمعين

متابع

مشكوووووور والله يعطيك الف عافيه

هههههههههههههههههههههه كل دة:new: