الموضوع: يا شعب فيات العظيم-اجيب قطع غيار فيورا اصلية منين

أهلا بك فى عالم السوبر فيورا مبروك على العربية
=====================
بص يا باشا المرايات الاصلية مش حا تلاقيها جديدة الا بالصدفة البحتة دة لو لقيتها و كانت المرايا الواحدة ب 140 جنية زمان
= مقاس الكاوتش الاصلى 135-13-80
=المساعدين فية نوع أسمة ((( أليكو ))) او مايلى انا كنت مركب مايلى ألمانى بس من زمان طبعا سعر المساعدين تقريبا من 360 الى 420 جنية
المساعدين الخلفين مش عارف حاليا سعرهم كام
= لو عصاية الفتيس بتعض شوف كدة المعلقة بتاعت الفتيس
لكن لو الغيار التانى فقط هو الى بيعمل صوت دة عادى لان فتيس السوبر فيورا أكثر حاجة بتتأثر فى الشجرة بتاعت الفتيس الترس بتاع الغيار التانى و أمشى بيها كدة و انساة مصمم تغيرة لو حاولت تصلحة ممكن تدخل فى 400 جنية لو اشتريت فتيس استيراد تمنة حوالى 900 جنية
=مساند الرف الخلفى انا كنت جايب 2 و كانو صاج مش فيبر تقريبا كانو زمان ب 40 جنية شوفهم كدة فى شارع دمشق احتمال تلاقيهم
أكر الابواب الاصلية مش حا تلاقى الايطالى بس فية محل واحد عندة أكر اعتقد تركى بس كويسة جدا دة محل امام دار القضاء العالى على مدخل شارع التوفيقية بس بيبع الاكرة بالقلب بتاع المفتاح و كانت ب 70 جنية تقريبا و مرة جبت اكرة فقط من محل تصليح ابواب كانت ب 35 جنية و كانت ممتازة
= الكراسى حا تتنجد صعب تلاقى كراسى اصلية و تكون بحالة جيدة
= فية محل فى العزبة أنا اعرفة عندة حاجات لل 127 زى الفوانيس الخلفية و حاجات اخرى
ابعتلك رقمة على العام و لا المشرف يعملنا مخالفة ههههههههههه
= المرايات صدقنى اسهل حاجة ركب مرايات شاهين الجوز ب 80 جنية و تعديلها سهل جدا و حجمها كبير
و فية شكل مرايات اخر كويس ينفع يركب لها حا اشوف لة صورة
= و اربط الكشافات الامامية بسلك او كولية بلاستيك لانها راكبة بكلبسات لو حد شدها بايدة من الخارج ممكن تتسرق

دة شكل المرايات

بالنسبة لموضوع مساند الرف لو ما لقيتش السنادات الصاج ممكن تجرب حاجة كدة
لو عندك قطعة خشب صغيرة حطها من تحت تحت اليد بتاع السنادة بين جسم العربية و السنادة حا تلاقى السنادة أتظبطت
الصور دى انا كنت مركب رف خشب تقيل و القطعة الخشب الى تم قصها من الرف مكان السماعات استفدت بيهم و ركبتهم فى الجناب علشان المسند ما يتقوسش و يبقى ثابت زى الطوبة