وحاجة مهمة أوي
تكلفة التشطيبات هتتخصم من الإيجاااااااااااااااار
ودي نقطة مهمة جداااااااااااااا
عرض للطباعة
وحاجة مهمة أوي
تكلفة التشطيبات هتتخصم من الإيجاااااااااااااااار
ودي نقطة مهمة جداااااااااااااا
طالما كده ما تستناش و انقل فورى
و شوف عندك فى محطة المية و الكهربا نقل العدادات يتكلف كام وزمن اد ايه ؟
و ماتكسلش و اسال عليهم بدرى
وطالما فى قرية اكيد هتعرف المهندس المسؤل و توصله و توصيه بالاسراع فى الاجراءات
و رايى اكتب عقد بسرعة عشان التانى مايوصلوش الخبر و يشيع فى المنطقة انك كنت ماجر منه ب 1500 جنية
عشان يقفل عليك و ترجعله تانى و يطمع فيك الخلق
و اسرع فى تجهيز المحل ممكن ياخد اقل من 10 ايام للتجهيز
بص يا احمد باشا
متر المحاره من 4 الى 5
اضرب بقى وشوف الناتج
متر السراميك فرز 3 ب 18 الى 20
متر تركيب السيراميك من 7 الى 10 اقصاها لو حد نضيف
الباب الصاج تكلفته من 800 الى 2000 ج حسب المساحه بتاعة الباب
الدهان من 5 الى 7 حسب برده الصنايعى
وربنا معاك
وانقل ياعم وتوكل على الله
وحاول مع صاحب المحل الجديد اديله الف ولا اتنين وخلى العقد مدى الحياه زى ما انا عامل كنت دافع لصاحب المحل 2ج مقدم ومخلى العقد مدى الحياه وكل سنه 5ج زياده
2 جنيه و 5 جنيه جبس و لا ايه بالظبط؟؟؟؟
بصوا يارجالة
صاحب المحل الجديد أنا جبتهاله على بلاطة
قولتله أنا سايب المحلات دي.. علشان صاحب البيت طالب الضعف
إيه رأيك ؟؟
قالي يادكتور أنا هحسابك حساب المحلات ف المنطقة .. مش حساب الصيدليات
قولتله والله إنت راجل محترم
المهم
المحلين في المنطقة لأي محل ..بــ 250-300
الصيدليات 500-600
بس الراجل طبعا يتمنى صيدلية في بيته .. فيحاسبني كمحل عادي
و
العقد 9 سنين
والتكاليف من الإيجار .. يخصم 150 ج كل شهر .. ويندفع 150 ج
========================
وسألت صنايعي كان داخل الصيدلية من نص ساعة
قالي
السيراميك فعلا فرز تالت .. بــ 14 ج... مصنعيته 8 ج
420 سيراميك+240 مصنعية + 200 ج اسمنت =860
مصيص ف السقف = حوالي 250 ج بسسس
وش محارة لــ 80 متر ... 8 شكاير اسمنت بــ200 ج + مصنعية 280 ج
محارة =480 ج
كده 1590 ج
تقريبا 1600 ج
وقول 1000 ابواب صاج من واحد معرفة
أدي 2600 ج
يعني الموضوع بتحابيشه .. مش هيعدي الــ 3.000 ج إن شاء الله
حاول يا فارما تخلي العقد اطول من كدة وتديله مبلغ زي ما الزميل قال
والعقد في الحالة دي لو اكتر من 9 سنوات بيتوثق في المحكمة مش اثبات تاريخ في الشهر العقاري .... لكن كدة تبقى كأنك واخد المحل تمليك ...... وده ح يعمللك استقرار
طبعا ده لو المكان عاجبك كموقع للصيدلية
وانت بتوضب ياريت لعمل شباك حديد تتعامل منه مع زباين آخر الليل بتوع الترامادول :Copy of majd(4):
لزوم التأمين ..... وكمان اعمل حساب انك لازم تجيب كلب محترم لارهاب كل من تسول له نفسه بالاستظراف .... اعمل حساب مكان للكلب بحيث يبقى بعيد عن الزبائن ويمكنك ان تصل اليه وتفك رباطه بسهوله ....... وهو بقى يبقى يتولى امور المصارعة اللي انت عمال تحكيهالنا دي :-))))
وان كان وجوده ح يخلي اساسا محدش م الاشكال دي يهوب ناحية صيدليتك