تشطيب محل

**mohammedabdallh** · 23-01-2012 08:01 PM

المشاركة الأصلية كتبت بواسطة أبو صلاح

الاسعار دي قديمة قوي
مبقاش حد بيشتغل بالاسعار دي خالص

لا يا ابو صلاح
لسه عندنا فى الارياف كدا
ما هى دية ميزة الارياف

**mohammedabdallh** · 23-01-2012 08:06 PM

المشاركة الأصلية كتبت بواسطة aif

اكيد قصده 2000 جنيه
مش بقوللك انت بتاخد بالك من حاجات غررررريبة :-))))))

بالظبط كدا يا حج احمد
2000ج مقدم ومش عاوزهم بنفس اللفظ
و5 ج زياده على الايجار كل سنه بس عقد مدى الحياه

**wassim_nasser** · 23-01-2012 11:41 PM

ابو فارما يا برنس .. مقصر معاك انا والله يا حاج بس غصب عنى ظروف .. ألف مبروك ع المكان الجديد وربنا يجعله فاتحه خير عليك .. بالنسبه لشغل التشطيب الجماعة المخضرمين أفادوك .. انا عندي نفس مشكلتك بالنسبه لصاحب الملك ومبيعاتي اعلي منك حاجه بسيطه بس هو عايز يرفع الايجار ل 4 ف الشهر ( 4000 جنيه عشان ماحدش يفتكرهم 4 مليون) الظاهر انه فاكر انى باطبع فلوس ف المعمل .. نصيحتي ليك من صيدلي لصيدلى حاجتين تركز فيهم :
أول حاجه تحاول تمد عقد الايجار شوية يعنى 20 25 سنة حتي لو هاتدفع مبلغ زيادة وصدقنى انت الكسبان لأنك كده هاتأمن لنفسك دخل ثابت لمده معقولة بحيث لو عايز تاخد خطوة تانية ف حياتك ( جواز مثلا أو صيدلية تانية) هايبقى عندك وقت كفاية

تانى حاجه وأهم حاجه تركز فيها قبل حتي التشطيبات انك تنقل الرخصة من المكان القديم للجديد ( باستخدام عقد الايجار الجديد) من غير الراجل مايحس بحاجه عشان نتجنب اي حاجه طارئة وانجز الخطوة دي بسرعة (آس فاست آس يو كان) .. وربنا يوفقك و يكرمك انت تستاهل كل خير

**A7MED_PHARMA** · 24-01-2012 12:25 AM

بص ياسوما
انا هكتب العقد بتاع التجديد مع المقطوع بكره بالسعر الي هو عاوزه
وبكره برضوو هكتب عقد ايجار المحلات الجديدة .. وهنجز في تشطيبهم وورقهم علشان النقل
ويوم ماقوله اني ماشي.. هقوله يلعن ابو بنتك... الحرامية الــ$@%$@%@$% بنت التيتتتت
وطبعا العقد الي هيتكتب بكره معاه.. أخدت بالي ان العقودات الجاهزة دي بيكون مكتوب فيها ان المستاجر لما يحب يسيب المكان... لازم يدفع باقي مدة الايجار كاملة
شوفت
انا بقا هروح بكره مكتبات الجامعة..واعمل واحد زيه بالظبط ع الكمبيوتر... ومش هكتب فيه البند ده
وممكن أكتب فيه اي حاجة احبها تانية

ربنا يعدي الايام السودا دي على خير

**wassim_nasser** · 24-01-2012 02:16 AM

ربنا يوفقك بس انجز حوار النقل ف صمت و بسرعه قبل مانلاقي صاحب العمارة قاعد معانا ف الموضوع بيضيف رد سريع

**احمد المصرى** · 24-01-2012 08:53 AM

غلط جدا انك تكتب عقد مهما كانت بنوده وانت عارف انك خلال كام يوم هتسيب المكان الحل الامثل انك تقوله اسبوع هظبط الفلوس وربنا يسهل من عنيا يا حج بس اهم حاجه انك تكتب عقد المحل الجديد باسرع وقت وفى سريه تامه حتى البنات ال فى الصيدليه ميعرفوش اى حاجه

بالنسبه للتشطيب انا مش هقول جديد عن الاعضاء بس مبلغ 3000 ال انت حاسبه البورقه والقلم هيبق حوالى 5000 على ارض الواقع وبرضوا انا شايف انه مش كتير والله لان كل الظروف بتقول انك لازم تنقل يعنى فى حاجه انت نستها بسيطه ومش مكلفه ان الرفوف ال عندك وغالبا خشب محتاجه وش دهان كنوع من النظافه علشان مكان جديد وكدا