صوت الماتور عالى و فية خشونة

**Ahmod** · 24-01-2012 01:40 PM

المشاركة الأصلية كتبت بواسطة kareemz

خمس سنين .. انت بتهرج طبعا .. و ليه عامل فى نفسك كده؟

فاضى بس تشترى استيكرات :-)

مش الفكرة

انا كل مرة اقول هروح التوكيل وبعدين اقول طب بعدين شوية ,, قدام كمان حبة

وبعدين بيني وبينك لما بتلاقي عربيتك شغالة ومافيهاش حاجة بتكبر دماغك

تاني نقطة اني من ساعت ماجبت العربية وانا بسوق ومش فاهم اي حاجة انا مابدأتش افهم ان فيه صيانات دورية وكشف وحجات لازم تتغير وابقى عارف الدنيا ماشية ازاي الا لما بدات ادخل نايل موتورز اما قبلها كنت في الجلاش

والاستيكرات سعرها رخيص والمحل جمب البيت عشان كدة كل فين فين اروح عامل شغل جديد

المشاركة الأصلية كتبت بواسطة hany63

نفس احساس الخشونه عندي بعد ما غيرت الزيت في التوكيل و حطوا موبيل 1 لدرجة اني فكرت اني ارميه رغم اني ما مشتش بيه غير 2000 كم غالبا الزيت مغشوش
مع العلم اني مركب فلتر هوا k&n ستوك ولسه منضفه ومزيته بنفسي بالاسبيريهات الاصليه

طب وبعدييييييييييييين ؟ انت عملت ايه نزلت الزيت ولا فضلت ماشي بيه ؟

انا الخشونة ظهرت من اول ماغيرت الزيت مباشرة ! !

يعني بمجرد غيرته ونضفت فلتر الهوا وانا مروح من البنزينة حسيت ان فيه غشونة في صوت الماتور

مش فاهم ده من فلتر الهوا ولا من الزيت ولا من ايه بالظبط

وفيه نقطة تانية ان الخشونة دي سعات وسعات

يعني سعات كدة الصبح بدري تلاقي العربية فايقة وصوتها ناعم وزي الفل

وسعات خشونة وصوت الماتور عالي

**devil_storm** · 25-01-2012 11:25 AM

المشاركة الأصلية كتبت بواسطة mshmshm3

اولا عندي سؤال عربية حضرتك علبة الشكمان الصغيرة ولا الكبيرة ؟

مش فاهم قصد حضرتك, بس لو قصدك الشمكان بتاعى اللى مرفوع والا اللى نازل انا عندى المرفوع ذى اللى فى التاكس الابيض

المشاركة الأصلية كتبت بواسطة verna2008auto

1- نوع الزيت ... جرب حط تخليقي مش زيت معدني
2- جرب بوجيهات ngk 6 بيسموها (( شرطة حضاشر ))
3- اخيرا ... ممكن تروح لبتاع شكمانات ..(( ممكن السستة )) تبقي عاوزة تتغير او بنطة لحام ...
بس

معتقدش المشكلة فى كدة يا باشا, علشان معتقدش كل سواقين التاكس اللى ركبت معاهم و صوت ماتورهم هادى حطين البوجيهات دى

المشاركة الأصلية كتبت بواسطة ahmod

مش ممكن يكون من فلتر الهواء ؟

وبعدين انا بدات احس ان فيه خشونة في الصوت من ساعت ماغيرت الزيت ! !

يعني معقولة اول ماحطيت زيت جديد يعمل مشكلة ؟ وانا بحط نفس الزيت موبيل 1 يعني ماغيرتش في حاجة

بس وانا بحط الزيت نضفت فلتر الهواء ومن سعتها وصوت الماتور مش عاجبني خالص

المشكلة بقى منين ؟

(مع العلم اني فلتر الهواء عندي في الضياع ومسود ومتبهدل اخر بهدلة وبقاله خمس سنين)

انا كمان غيرت الفلاتر و البوجيهات فى صيانة التوكيل, بس المشكلة موجودة من قبل تغيرهم و بعدهم

المشاركة الأصلية كتبت بواسطة ahmazong

أظن الخشونة ديه من نوعية الزيت الرديئة ..

حاول تستخدم زيت ليكوي مولي top tech أو high tech مع اضافة mos2 .. إن شاء الله هتلاقي فرق كبيييييييير قوي إن شاء الله

ممكن يكون نوع الزيت بس انا بعمل الصيانة فى التوكيل بزيت شيل 5000 و معتقدش التوكيل حيحط زيت سيىء خصوصا ان العميل اللى بيدفع ثمنة و لو الزيت مش كويس حيعمل للتوكيل مشاكل.

على العموم متشكر ليكم على الردود الايجابية و محاولة المساعدة.

**devil_storm** · 25-01-2012 11:27 AM

المشاركة الأصلية كتبت بواسطة freeman207

اكشف على الشكمان كويس احتمال يكون فيه عيب صناعة ومخروم عن تجربة

انا فعلا حاسس ان المشكلة ممكن تكون من الشكمان... ان شاء الله حكشف علية و متشكر على رد حضرتك

**original** · 25-01-2012 03:42 PM

حضرتك تعمل صيانة كاملة للسيور والبيل وتتأكد إن مفيش بلية هيا اللى عاملة الصوت ده حتى طرمبة الباور والدينامو وطبعا فلتر الهواء حرام عليك دا الواحد مايسيبوش 5 شهور حتى

**verna2008auto** · 26-01-2012 10:52 AM

بعد كل خير ..عليكم
( وبناء عن تجربة )
وبعد تغيير ( فلتر الهواء ) + نوع الزيت .... صوت الموتور رجع هادي زي الاول والحمد لله

**hany63** · 26-01-2012 12:06 PM

المشاركة الأصلية كتبت بواسطة verna2008auto

بعد كل خير ..عليكم
( وبناء عن تجربة )
وبعد تغيير ( فلتر الهواء ) + نوع الزيت .... صوت الموتور رجع هادي زي الاول والحمد لله

ايه نوع الزيت؟

**verna2008auto** · 26-01-2012 12:14 PM

المشاركة الأصلية كتبت بواسطة hany63

ايه نوع الزيت؟

اي نوع من (( معدني )) الي (( تخليقي ))
بالبلدي ... من زيت الي بيسموة (ال3000 )او زيت( ال 5000) كيلو .. الي زيت 10000 كيلو موبيل او شيل او فالفولن
انا غيرت الي
http://www.....l.com/home/......./pr...x_ultra/ultra/

**samirsaid1** · 26-01-2012 03:32 PM

انا ساعات بيحصلى دة وبتبقى خشنة وساعات بتلاقيها زى الحرير

انا عندى زيت شيل الترا 10000 مشيت علية 4000 كيلو
بقالة 6 شهور متغير

**verna2008auto** · 26-01-2012 04:10 PM

المشاركة الأصلية كتبت بواسطة samirsaid1

انا ساعات بيحصلى دة وبتبقى خشنة وساعات بتلاقيها زى الحرير

انا عندى زيت شيل الترا 10000 مشيت علية 4000 كيلو
بقالة 6 شهور متغير

مومبية ... الزيت بيتغير لو انتا مشيت بية كيلومتراتة او عدي علية وقت طويل ( يعني اعتقد انة بيتغير صفاتة الكيميائية مع التخزين وعوامل الهواء داخل الموتور اصلا )
(الافضل تغييرة + فلتر الهواء )
اعتقد انة كل 4 شهور او 7.000 كيلو
حد عندة رأي تاني ..

الموضوع: صوت الماتور عالى و فية خشونة

LinkBack

أدوات الموضوع

عرض

-

-

-

-

-

-

-

المواضيع المتشابهه

صوت الماتور عالى

الماتور صوته عالى

االعربيه هتضيع من ايديا :( ,,, الماتور صوته بقى عالى

صوت الماتور عالى شوية

صوت الماتور عالى

الكلمات الدلالية لهذا الموضوع

المفضلات

المفضلات

ضوابط المشاركة