النهاردة شوفت موقف دايقني وندمان اني متصرفتش

النهاردة راجع من اكتوبر على الدائري وعند نزلة الطريق الزراعي او شبرا الخيمة شوفت عربية كيا سيراتو عاملة حادثة وطالعة على الرصيف الفاصل بين النزلة والطريق الدائري
وانا معدي بقى شوفت كام واحد كدة راكنين تروسيكل قدام العربية وشغالين تقليب فيها
فكوا الفوانيس والمرايات والجنوط ال 17 وكل ده لقطه كدة يادوبك ثانيتين بس وتنحت من اللي شوفته ومخي وقف مقدرتش افكر انزل ولا منزلش خصوصا اني معايا عصاية البيسبول
وانا مكمل في طريقي لقيت عربيتين لوجان شرطة وموتوسيكل واقفين على اليمين ونزلت طبعا اقولهم على اللي شوفته ولا حد فيهم اتحرك وردهم كان ( اتصل ب 122 وبلغ )
مشيت طبعا وانا قرفان من اشكالهم روحت ماسك الموبيل واتصلت على 122 وبلغت على اللي شوفته
بس حاسس ان محدش اتحرك ولا عمل حاجة وزي مايكون كدة بتاع التروسيكل ده واللي معاه خلعوا قبل ماحد يوصلهم
وحسبي الله ونعم الوكيل انا بجد مخنوووووووووووووق جدا
ياريت اللي يعرف حاجة عن الموضوع ده او لاحظ حاجة يقول

أنت كده عملت الصح
ممكن لو كنت وقفت وحد فيهم معاه سلاح كانوا قلبوك أنت كمان

اقتباس:

---

المشاركة الأصلية كتبت بواسطة ahmed_h_g

أنت كده عملت الصح
ممكن لو كنت وقفت وحد فيهم معاه سلاح كانوا قلبوك أنت كمان

---

اللي يغيظ بقى يااستاذ احمد ان الدنيا كان فيها ناس كتير
الساعة 2 العصر والطريق مكانش واقف بس فيه ناس كتير على الدائري

المشكله ان الناس بتخاف ومفيش حد عنده أستعداد يصلح الغلط
الناس بتحب تتفرج فقط يعنى لو حادثه أو أى شكل مقرف تلاقى الطريق أتقفل من الناس علشان الناس عايزه تتفرج وتصور الحادثه
لكن لو موقف زى ده لو وقفت مفيش حد هيقف معاك كله هيقول يا نفسى

مكنش ينفع تعمل غير الى انت عملته
الا كدة كان هيبقى عليك ريسك جامد
وهما اكتر من واحد
هو كان فى حل كنت ممكن افكر اعمله لو انا مكانك
اروح اتكلم مع ناس شايفة الموقف معاك استجدع اتنين تلاتة كدة وانا معاهم
وفى ناس مابتوصاش وعايزة تطلع غلها فى الناس دى مثلى تماما
ونروحلم ونظبطهم العلقة التمام
وناخدهم على النقطة الى حضرتك بلغت فيها دى

انت مش غلطان و خاصة انك لوحدك بس لو كان معاك اتنين تلاتة صحابك ولا حاجة كان ممكن تحاول تخوفهم عشان يمشوا قبل ما يكملوا على العربية كلها

و ربنا يسهل و الشرطة تتعدل بقى عشان نعرف نعيش في امان

انت كدة صح وربنا يستر يارب

طالما كنت لوحدك يبقى انت عملت الصح لكن لو كان مع اتنين او 3 اصحابك كنتو تنزلو ترنوهم علقه محترمه و بصراحه الشرطه من زمان و هما معندهمش دم ولا اي احترام و لا عمرهم هيبقى نظاف مع العلم ان في ظباط نظيفه بس قليله و عموما ربنا يستر على صاحبها و ميحصلوش صدمه من اللي هيشوفو

حسبى الله ونعم الوكيل

لا حول ولا قوة إلا بالله

ربنا مع صاحب السيراتو

موت وخراب ديار

ربنا يستر علينا .. اللي إنت عملتوا ده صح

اقتباس:

---

المشاركة الأصلية كتبت بواسطة ahmed_h_g

المشكله ان الناس بتخاف ومفيش حد عنده أستعداد يصلح الغلط
الناس بتحب تتفرج فقط يعنى لو حادثه أو أى شكل مقرف تلاقى الطريق أتقفل من الناس علشان الناس عايزه تتفرج وتصور الحادثه
لكن لو موقف زى ده لو وقفت مفيش حد هيقف معاك كله هيقول يا نفسى

---

اقتباس:

---

المشاركة الأصلية كتبت بواسطة el_nahal2004

مكنش ينفع تعمل غير الى انت عملته
الا كدة كان هيبقى عليك ريسك جامد
وهما اكتر من واحد
هو كان فى حل كنت ممكن افكر اعمله لو انا مكانك
اروح اتكلم مع ناس شايفة الموقف معاك استجدع اتنين تلاتة كدة وانا معاهم
وفى ناس مابتوصاش وعايزة تطلع غلها فى الناس دى مثلى تماما
ونروحلم ونظبطهم العلقة التمام
وناخدهم على النقطة الى حضرتك بلغت فيها دى

---

اقتباس:

---

المشاركة الأصلية كتبت بواسطة donzi

انت مش غلطان و خاصة انك لوحدك بس لو كان معاك اتنين تلاتة صحابك ولا حاجة كان ممكن تحاول تخوفهم عشان يمشوا قبل ما يكملوا على العربية كلها

و ربنا يسهل و الشرطة تتعدل بقى عشان نعرف نعيش في امان

---

اقتباس:

---

المشاركة الأصلية كتبت بواسطة elawany13

لا حول ولا قوة إلا بالله

ربنا مع صاحب السيراتو

موت وخراب ديار

---

كل دول صح
خلاص بقينا نخاف نعمل الصح و فين فى ام الدنيا مصر بلد الجدعنة كلها و الشهامة
حسبى الله و نعم الوكيل ربنا يرجع مصر تانى لينا
ما تزعلش انت عملت اللى عليك و عملت الصح

حسبى الله و نعم الوكيل

لا حول ولا قوه الا بالله
المشكله انك لو وقفت كلمتهم ان دول بلطجيه وتلاقيهم سوابق كمان
يعنى غالبا معاهم سلاح
وممكن كانوا يكسروا عربيتك
او يضربوك ويسرقوا عربيتك
انا لو منك كنت دخلت فيهم ودوستهم وريحت البلد من الاشكال الضاله دى

بيقلك المثل العجل لمن يوقع تكتر سكاكينو ... وما صدقو لقو العربية عمله حادثة علشان يسنو سكاكينهم عليها ..

فكروني بفيديو أيام الثورة ... وفي ثورة وناس بتطالب بحقوقنا وبتضحي بحياتها علشانا ... وناس رايحه على كارفور المعادي علشان تنهبو هههههههههههههههههه مش حاجة دحك والنبي الفكر المتخلف ... من الهم ما اضحك وأبكى ، ناس كل الي همها تملى كرشها ، أما انو يفكر حلال حرام مش فارقة معاه ، ومع الاسف في أمهات كتيرة بتشجع عيالها من صغرهم أذا لقت ابنها معاه لعبه مش بتاعتو بتقولو جبتها منين يقولها شأطها من حسام زميلي يا ماما تقولوا جدع ، علشان هو ما بيعرفش يحافظ على حاجتو ... ههههههههههه نموذج زي ده لمن يكبر هيكون أيييييييييييييييييييييه دكتور ولا مهندس . أكيد حرامي .

نفسي كده يبعتو يجيبو سيبرتو من بره ويطهرو البلد بأه من الاشكال دي ... بجد بجد عيب بلدنا الوحيد هما الناس الي زي كده ، ما يصدقو يلاقو حاجه مش من حقهم ويقوموا ياخدوها .

زي بالضبط برضو في احداث الثورة الناس الي جم وكسرو بيوت في سته أكتوبر وشقق ودخلو عاشو فيها ... ويقولك أيييييييه عاوزين حقنا كتكسر حقكم ، بيوت لناس مغتربين وشقى عمرهم وتحويشت عمرهم ، والي مجمعه في الشقة جهاز لبنتها من شقاها وعرقها وتمن غربتها يروحو كده في غمضت عين ... ويقولك حقنا ...

لا وأيه الجيش جه وقام طرد الناس دول يافرحتي يافرحتي ... بدل ما يتسجنو ولا تقطع ايديهم علشان يتعلمو ميمدوش ايديهم على حاجه مش بتاعتهم لا طردهم وبكده استرد هيبة الدولة .ياااااااااااافرحتي .

عارفين لو أحنا بنطبق حكم ربنا على السارق ... هتلاقي الحرامي يفكر ألف مره قبل ما يمد ايدو على حاجة مش بتاعتو ، وعلى الاقل لو سرق هيسرق في الخباثة مش عيني عينك كده ... ويخاف على ايدو لا تطير وتتقطع ، مش نقوم ساجنينو كم شهر كده علشان يتعرف على عصابة جديدة ويعمل علاقات وشلل أجرامية جديدة وندية فرصة انو يحدث أسلوبوا ويحدث فريق الحرامية بتوعو التيم وووورك هههههههههه ... ويطلع ويكون كسب خبره من المجرمين صحابو .

ربنا يصبر صاحب العربية على مابلاه وكلو أمتحان من رب العالمين .
وانا سعيد بروح ولاد البلد والناس الشرفاء الي موجودين هنا في المنتدى وياريت كل الناس كده ضميرها يقظ ... وتحياتي ...

اقتباس:

---

المشاركة الأصلية كتبت بواسطة blazer

لا حول ولا قوه الا بالله
المشكله انك لو وقفت كلمتهم ان دول بلطجيه وتلاقيهم سوابق كمان
يعنى غالبا معاهم سلاح
وممكن كانوا يكسروا عربيتك
او يضربوك ويسرقوا عربيتك
انا لو منك كنت دخلت فيهم ودوستهم وريحت البلد من الاشكال الضاله دى

---

تصدق ان لو كان خبطهم كانت الشرطه هتعملوا محضر وهو الغلطان وعجبى
حضرتك عملت اللى فى وسعك فى الظروف الحاليه اللى احنا فيها ده الصح انت لوحدك مهما كانت شجاعتك بس الكترة تغلب الشجاعه وهم بلطجية تفتكر اللى واقف يسرق قدام الناس كلها على طريق عام ممكن يكون رد فعله ايه او السلاح اللى معاه ايه ده مش جبن لكن الظروف تحتم كده
العيب فعلا على رجال الشرطه المحترمين اللى حضرتك طلبت منهم المساعدة كان اولى انهم يطلعوا معاك لحد مكان العربية وكفاية انهم يهدوا بالقرب من العربية كانوا منعوا اذى هيسألوا عنه يوم القيامه وخصوصا ان ده واجبه اللى عاهد الجميع عليه واقسم انه يؤديه يوم تخرجه انا مش عارف هما مستنين ايه علشان يشتغلوا
اقولك على موقف تانى انا باشتغل فى مركز فى شمال الشرقية بينه وبين الزقازيق 60كم المهم فيه طريق فى المنطقة اشتهر بسرقة السيارات عليه وللأسف الناس عرفت العصابه ومين هما عربيه اتسرقت من اسبوعين فى نفس المكان صاحب العربية خد اهله وطلعوا على المركز وقاللوهم على اللى حصل وقالوا على اسماء العصابه واماكنهم تخيلوا ايه رد الشرطه احنا مش بنقبض على حد احنا مش عندنا قوة اللى عارفهم يروح يقبض عليهم .... ود اللى حصل فعلا عربية نصف نقل اتسرقت فعلا وساوموا صاحبهم على 25الف ج ووافق ويوم التسليم صاحب العربية اتأكد من اللى سارق العربية وراح واخد فلوسه وقالهم انا مش عاوز العربية ورجع واخد عيلته واتصرفوا فى كام حته سلاح وطلعوا على المكان اللى غالبا فيه العصابه وطبعا دارت معركه مات فيها 2 من العصابه ورجعوا العربية ......

سبحان الله
أنا بردو كنت معدي من الحته دي بعدك بساعتين
استغربت جدا العربية متنضفة مفيش جنوط و لا فوانيس لدرجة إني معرفتش نوعها ايه
كنت فاكرها النترا بس استبعدت السرقة لأنها كانت متغطية و في الحالات اللي زي دي صاحبها بيأجر غفير
جزاك الله خيرا و ربنا يخلف على صاحبها احسن منها

لو مكنش الدائري كنت وقفت في الشارع بالعرض و اخد معايا 2 او 3 و نظبطهم العلقة التمام و الافضل و بتكلم بجد و الله نرميهم من فوق الكوبري و نمشي و بعدين ابلغ اني شفت بلطجيه نطو من عالكوبري لما الناس كانوا هيمسكوهم

لازم نشيل سلاح

انصحك كمان و بشدة من باب عدم السكوت عن الحق و مينفعش نسكت على هبل الشرطه ده انك تدخل على موقع وزارة الداخلية و تبعت شكوى في افراد الشرطة الي قالولك اتصل بـ 122 ,,,
و لو فعلا حاسس انك معملتش حاجه متهملش في الشكوى دي و يا ريت تبعت جواب مسجل او برقية او فاكس او اي حاجه لوزير الداخليه لاتخاذ اللازم مع الاشكال الي كانت واقفه دي و لازم يتسرحوا فورا , و اتمنى نكون ايجابيين بعد كده شوية يعني متزعلش مني مش قصدي اقول انك غلطان انت صح بس كنت تحاول تاخد حد او توقف حد يروح معاك مجرد محاولة جايز كنت تقدر تعمل حاجه او عالاقل علشان البجاحة اللي الحرامية بقو فيها دي
بطارية عربية لادا اتسرقت من العربية الساعة 10 الصبح و الناس ماشية عادي ..

لنا الله و ربنا ينتقم من الفاسدين في الداخلية قبل الحرامية

اقتباس:

---

المشاركة الأصلية كتبت بواسطة eng f3lix

النهاردة راجع من اكتوبر على الدائري وعند نزلة الطريق الزراعي او شبرا الخيمة شوفت عربية كيا سيراتو عاملة حادثة وطالعة على الرصيف الفاصل بين النزلة والطريق الدائري
وانا معدي بقى شوفت كام واحد كدة راكنين تروسيكل قدام العربية وشغالين تقليب فيها........................

---

السلام عليكم و رحمة الله و بركاته

فعلا, ديل الteeeeeeeeeet عمره ماينعدل و لو علقت فيه قالب.

معلش, أصلنا داخلين على 25 يناير و الشرطة عاوزه تظهر بنفس الشكل اللى كانت عليه فى 25 يناير اللى فات.

العربية دى عملت الحادثة اول امبارح بليل... ولغاية انهاردة الصبح العربية دى لسة موجودة.. دا طريقى اليومى

هل الحرمية و البلطجية أصبحوا أقوى من المصريين الجدعان و كام واحد غيرك شاهد هذا الموقف و لم يتحرك ساكننا ، و لماذا نرمي اللوم على الشرطة فقط . فعندما تتدخل الشرطة و تقتل أحد المجرمين تقوم القيامة و جماعة حقوق الأنسان و يصبح الشرطي أو الضابط هو المجرم . و هل من يقومون بتخريب البلد كل يوم بمظاهرات وو قفات أحتجاجية و مليونيات فارغة و قطع طرق على أقل حاجة هايفة هم أقل من سارقي السيارات ؟ انا عن نفسي أشاهدهم متساويين لأن وجودهم اليومي أعطى الفرصة لهولاء السارقين أن يعملوا بحرية لأنهم يعلمون أن الأمن يتفرغ لفض المظاهرات و الوقفات و الأعتصامات الهايفة.

المهم الشرطة جابت بي إم
المواطنين بقى يخلصوا على بعض مع نفسهم
و الشرطة هاتبقى تيجي تلم الأشلاء

مش عارف بس انا لو كنت مكانك كنت نولت عملت فيها تبع صاحب العربيه وضرب في الرجاله وزي ما تيجي

اقتباس:

---

المشاركة الأصلية كتبت بواسطة donzi

انت مش غلطان و خاصة انك لوحدك بس لو كان معاك اتنين تلاتة صحابك ولا حاجة كان ممكن تحاول تخوفهم عشان يمشوا قبل ما يكملوا على العربية كلها

و ربنا يسهل و الشرطة تتعدل بقى عشان نعرف نعيش في امان

---

++++++++1111111111

واضح ياجماعة ان الموضوع ده منتشر جدا الايام دي
النهاردة بردو كنت راجع من اكتوبر وكملت لحد مدينة نصر .. وقبل نزلة المطار بحوالي 3 كيلو لقيت عربية هوندا سيفيك موديل قديمة ( تقريبا 84 ) خضرا كانت من غير عجل خالص ومرمية على الارض بس من الواضح انها مكانتش عاملة حادثة او انا اللي مخدتش بالي لاني كنت ماشي +140 .. وكمان كان وراها ونش شرطة


ارجوكم محدش يسيب عربيته على الدائري مهما حصل حتى لو كانت لاقدر الله حادثة
وحسبي الله ونعم الوكيل في اللي كان السبب وفي الشرطة
وطز فيك ياحسني يامخلوع

من رأى منكم منكرا فليغيره بيده
فإن لم يستطع فبلسانه
فإن لم يستطع فبقلبه وهذا أضعف الإيمان

وإنت لم تستطع بيدك لكن حاولت بلسانك - بلغت سيارات الشرطة اللوجان وإتصلت ب 122

كمان إستنكرت اللى حصل بقلبك يبقى كده عملت اللى عليك

وربنا يرحمنا من الشرطة بتاعتنا ويولى علينا من يصلح