عاوز اغير من a4 2003 ل كورولا 2004 او 2005 ايه رايكم
عرض للطباعة
عاوز اغير من a4 2003 ل كورولا 2004 او 2005 ايه رايكم
في البداية احب اقولك سوقها الاول وبالذات في السرعة العالية يعني طريق مفتوح وشوف وضعها اية وانت هاتستريح ولا لاء لاني جربت الموضوع دة وطبعا في فرق كبييييييييير جدا
هي طبع النعومة لصالح التويوتا واسعار قطع الغيار ارخص بس القوة واثبات وجينات الذكورة في الاوكتافيا
وبعدين انا عندي تساؤل لية لية هاتغير 2003 ب 2004 يعني مش مثلا هاتغير بموديل عالي وعامل كيلو متر قليل
طب اية الميزة دي وجهه نظري
وتقبل مروري
انا جربت التويوتا عارف انها مش ثابته بس مريحه جدا جدا جدا في السفر وناعمه جدا وبالنسبه للموديل لو 2007 مثلا هي هي العربيه مع اختلاف شكل البودي بجزء بسيط و2008 وانت طالع فيها عيب الفتيس
السلام عليكم
طبعا طبعا وبدون شك الأوروبي يعلو عن الياباني وبالأخص لما يكون مع حضرتك عربية محترمة زي a4 وطالما مريحاك وحالتها كويسة، هتكون أفضل لحضرتك من الكورولا 2005 لأن فارق السنين مش كبير أوي وبالنسبة لسكودا أوكتافيا a4 هتتميز عن كورولا في:
- معدلات الأمان
- وكفائة المحرك
- ومتانة الصاج
- ورحابة الشنطة
- والعلو عن الأرض
- والإتزان في السرعات العالية
ركبت كورولا 2007 وركبت أوكتافيا 99، 2005، 2006 وبصراحة أنصحك خليك في الأوكتافيا.
والله أعلم
مقارنه غير عادله حط الموضوع في قسم التويوتا وشوف الاراء هتشوف القطط الفطسانه في الاوكتافيا
حضرتك اتفضل انقل الموضوع للقسم العام او لقسم المقارنات
اخي العزيز لا انصحك بهذا
أنا كان عندي كورولا ٢٠٠٧ وكنت شاريها زيرو احسن مميزاتها الاقتصاد في استهلاك البنزين تكييف ممتاز ناعمة جداً ولكن في المقابل خفيفة على السرعات العالية بعد ١٢٠ تبدا تقلق منها وليست مريحة في السفر الطويل باختصار هي سيارة اكثر من ممتازة داخل المدينة
اما الاوكتافيا فهي موضوع اخر من حيث الثبات و الفرامل و الأمان في السفر
بص لو حضرتك عايزها كعربية مشاوير داخلية مش سفر
ممكن لكن بصراحة الاوكتافيا في رايي اعتماديتها اعلي بكتير من التويتا
شكرا لكل الاخوه اللي شاركوني برايهم
ياباشا انا رأى ان حضرتك كده بتنزل بالعربية مش بتطلع لفوق
بدون نقاش اليابانى يتفوق بالإقتصادية فقط فى البنزين وبعض قطع الغيار مش كلها ( انا كان معايا لانسر ووالدى معاه أوكتافيا a5 والعربيتين كانت صيانتهم فى التوكيل شوف مثلا تيل الفرامل كنت بأجيبه للانسر ب 450 ج أمامى فقط وكنت بأغير السكودا ب 840 ج أمامى وخلفى لكن الحاجات الميكانيكيه طبعا الأوربى اغلى) لكن فى كل حاجه تانيه الأوكتافيا بلا شك هى الأفضل
انا بس عندى راى بعد اذن الرجالة
الكورولا ال2004-2005 احسن عربية تويوتا عملتها فعلا حمالة اسية وواسعة وثابتة جدا وهى اول عربية فى حياتى سافرت بيها على 180 كم/ساعة
الفرق بينها وبين الوكتافيا ان الاوكتافيا اضيق من ورا ولكن شنطتها اكبر طبعا جدا
هى قريبة جدا من الa4 بس الصاج اضعف وبالتالى التغيير مش هيبقى فارق يعنى لو زهقت من الاوكتافيا هاتها بس بردو سوقها الاول