عربيتي كانت هاتتسرق بس ربنا سترها

**Sehsss** · 23-01-2012 07:28 PM

النهاردة الساعة 11 صباحا صحيت من النوم مفزوع على صوت الإنذارين بتوع العربية (السرينة + الكلاكس) طبعا معنى إن الكلاكس ضرب يبقى الزجاج اتكسر، أخدت الطبنجة ونزلت جري لقيت عيل بيجري ببص على العربية لقيته كسر الهواية اليمين والباب مفتوح بس ما لحقش يعمل حاجة لأن الناس كلها طلعت من الشبابيك على صوت الإنذار شوفوا الفجر الساعة 11 الصبح، روحت واخد العربية وركبت هواية وفيمتها زي الناحية التانية، والنتيجة (60 جنيها هواية + 10 جنيه تفييم الهوايتين لأن الدرجتين كانوا مختلفين فخليته يعملهم زي بعض) وشوفت وحد جنبي مسور حتة أرض كده وعاملها جراج واتفقت معاه.. والحمد لله إنها جت على كده

**M.Nabeeh** · 23-01-2012 07:32 PM

المشاركة الأصلية كتبت بواسطة sehsss

النهاردة الساعة 11 صباحا صحيت من النوم مفزوع على صوت الإنذارين بتوع العربية (السرينة + الكلاكس) طبعا معنى إن الكلاكس ضرب يبقى الزجاج اتكسر، أخدت الطبنجة ونزلت جري لقيت عيل بيجري ببص على العربية لقيته كسر الهواية اليمين والباب مفتوح بس ما لحقش يعمل حاجة لأن الناس كلها طلعت من الشبابيك على صوت الإنذار شوفوا الفجر الساعة 11 الصبح، روحت واخد العربية وركبت هواية وفيمتها زي الناحية التانية، والنتيجة (60 جنيها هواية + 10 جنيه تفييم الهوايتين لأن الدرجتين كانوا مختلفين فخليته يعملهم زي بعض) وشوفت وحد جنبي مسور حتة أرض كده وعاملها جراج واتفقت معاه.. والحمد لله إنها جت على كده:copy of majd(4):

ربنا ستر

بصراحه المقطم ده لبشش

**Dr'AhmZZong** · 23-01-2012 07:33 PM

الحمد لله ربنا ستر يا sehsss مش عارف إيه المصايب اللي عمالة طرف علينا ديه .. شكلها عين بجد .......

**Amr2004IBM** · 23-01-2012 07:51 PM

الحمد لله وربنا سترها
بس قولى الانزار الى ضرب بتاعها الاصلى ( صوت الكلاكس) ولا انته مركب جهاز انزار تانى؟؟؟؟؟

**FBIAhmed** · 23-01-2012 08:02 PM

قدر الله ما شاء فعل و معلش نحاول نحط العربيات في مكان منور و اودام محل مثلا بيسهر كده يعني او اودام قهوه من الي بيسهروا

**Ahmed.TV** · 23-01-2012 08:11 PM

قدر الله ماشاء فعل .. والحمد لله انك مركب انذار للعربية .. وكمان كويس ان نومك خفيف وقدرت تسمع الصوت
وقومت بسرعة

واهم حاجة انك ضربت طلقتين فى الهواء عشان يخاف يعتب المكان ده

وياريت تعمل بلاغ فى القسم .. عشان يلفوا شويتين فى المقطم والشرطة تركز شويتين

الحمد لله انها جت على قد كدا يامحمد

وقدر الله ماشاء فعل

**Sehsss** · 23-01-2012 08:24 PM

المشاركة الأصلية كتبت بواسطة amr2004ibm

الحمد لله وربنا سترها
بس قولى الانزار الى ضرب بتاعها الاصلى ( صوت الكلاكس) ولا انته مركب جهاز انزار تانى؟؟؟؟؟

الاتنين مع بعض، أمال هو جري ليه (اتسرع)

**Sehsss** · 23-01-2012 08:30 PM

المشاركة الأصلية كتبت بواسطة mohamedbook

الحمد لله ياسحس انها جت علي الهوايه بس ابن الذينه ده كان هيدور العربية ازاي يعني ممكن يعمل الحركات بتاع الاسلاك ويدور السيارة ويخلع بيها ولا هو كان عايز يسرق حاجة جوا السيارة

هو ما كانش عاوز يدورها، شكله كان عاوز يقلبها بس لأنه حرامي غشيم بيسرق الصبح فاستحالة يدورها ويمشي بيها الصبح، وعلى فكرة دي تاني مرة تحلي في نفس المكان بس كانت العربية القديمة وماكانش فيها إنذار فالراجل قام بالواجب ساعتها