النهاردة كانت بمون بنزين وهو بيضع فى البنزين فى التنك تحس انك بتضع مياة مش بنزين حسبى الله ونعم الوكيل بس مش عايزين نسكت ع كدا لان كدا البنزين هيطير بسرعة وفلوس بتترمى ع الارض وغش
عرض للطباعة
النهاردة كانت بمون بنزين وهو بيضع فى البنزين فى التنك تحس انك بتضع مياة مش بنزين حسبى الله ونعم الوكيل بس مش عايزين نسكت ع كدا لان كدا البنزين هيطير بسرعة وفلوس بتترمى ع الارض وغش
هنعمل ايه يعنى
حسبى الله ونعم الوكيل
يعني ايه حسيت انه مياه مش بنزين
انا مبقتش حاسس بالسحب بتاع العربية زي زمان ... والعربية عندي عماله بتكركر كل ما أديها أولاني ومحدش يقولي عيب سواق هههههههههههه ده أكيد عيب بانزين
غش البنزين بالماء وارد خصوصا هذا الأيام التي أدعو الله ان تصير للأفضل إن شاء الله
وسمعت عن جهاز يركب للسيارات التريلا الديزل يفصل الماء من السولار بمعني انك لو مونت سولار مغشوش بالماء بعد لما تمشي مشوار وتستهلك فيه التانك تجد الجهاز فصل لك أي كمية مياه مخلوطة مع السولار في وحدة منفصلة وبكده تعرف منها إن كان الوقود اللي مونته مغشوش ولا لأ علشان تختار المحطات بعد كده ولكن مافيش منه للعربيات البنزين حاليا
أنا كمان حطيت بنزين من الوطنيه ومتأكد إنه مغشوش لإنه بيبان عندي في سحب العربيه والإستهلاك على طول
طيب ممكن البنزين يتغش 92 والعربية تسحب معاك اول تاني وكده من غير تسقيف ويبقي اسمه مغشوش لأن العربية عندي مفولها 50 لتر 1600 انجكشن عملوا 350 كيلو بس وسواقة من غير حرق عالغيار انا تفكيري الوحيد انه مغشوش لأني مغير البوجيهات من 1000 كيلو كده
من بداية الثوره والبنزين زباله عربيتي ادائها مش زي الاول نهائي
كدة كتيير اوي يا ايهاب
المفروض اقل ما فيها تمشي بيك 500 كيلو
انا عندي ماشي بيها 275 كيلو بحوالي 28 لتر وكدة بردو كتير اوي بالموتور ال1400 بس البوجيهات خربانة
انا كمان نفس الموضوع
الأستهلاك زاد اوي خصوصا جوة البلد مش علي السريع
واداء العربية زي الزفت
للناس الي خايفة من البنزين
حط بنزين من بنزينة total
انضف بنزين في العالم :)
انا مثبت كام بنزينة بمون منهم وانا مطمئن
انا لسة امبارح مفول من بنزينة طاقة بنزين زي الفل
حطيت 38.5 ليتر :d
طب ممكن كل واحد يقول ايه المحطات اللى بتغش علشان منتعاملش معاها ؟
انا حطيت من موبيل النحاس حلو ولا وحش سحب العربيه مش بطال فمقدرش اعرف ان كان وحش ولا حلو خصوصا انى مكنتش بركب العربيه لمده شهرين ولا حاجه فكنت نسيت ادائها هههههههه :)
طيب انا هتكلم عن شبرا:-
بنزينة طاقة اللي على الدائري ممتازة
بنزينة موبيل اللي في الخلفاوي ممتازة
بنزينة شيل اللي على طريق احمد حلمي بين المؤسسة وعبود ممتازة
بنزينة موبيل اللي على الكورنيش وانت رايح باتجاه شبرا الخيمة ممتازة
احسنهم بصراحة بحس ان العربية عايزة تنط من على الارض بنزينة طاقة لذلك بحاول امون منها على طول
لي تجربة وحيدة مع توتال ومكررتهاش لأنها كانت تجربة وحشة
كالتكس ليا تجربة وحيدة معاها وتجربة جيدة مش وحشة
استر يا رب
أنا مونت من أسبوعين من بنزينة أويلليبيا في البدرشين في طريق مصر أسيوط الزراعي والبنزين كان عليه ماء والعربية باظت وإتكلفت 1400 جنيه ( طقم رشاشات + صباب + جوان وش سلندر + روديه عند خراط ) ...
حسبي الله ونعم الوكيل ..
وكل ما أفتكر إن الموضوع كان ممكن يدخل في عمرة كاملة ( زي ما إتقال لي ) أتحسبن فيهم ....
ههههههههههههههههههههه
مع أحترامي للأعضاء بس دحكتوني ... لأني كنت فاكر كده زيكم زمان أن كل شركة ليها بانزينها الخاص بيها ، وكنت فاكر كده لحد ما أتعرفت على صديق ليا هو صاحب أحد بانزينات شيل ...وفهمني الفولة ...
قلي ياسيدي بالحرف الواحد أن البانزين ده بيجي مباشرة من خلال خزنات الدولة العمومية وليس عن طريق الشركة التابعه لها المحطة ... والشركات دي اللهم بتدي المحطات منتجاتها ومعداتها من مضخات وخلافو وأسمها وبتدرب العمالة +يونوفورم فقط لا غير ... وكل محطه تابعه لشخص واخد حق الامتياز من الشركة الام ... وبدليل قلي عمرك شفت ناقلة نفط مكتوب عليها شيل ولا كلتيكس ولا موبيل ولا هيا ناقلت بترول بتودي بترول وبترجع بانزين وسولر وخلافه . فالبنزين الي بيجي المحطه بتاعتو هو هو البانزين الي بيروح موبيل وكالتكس والتعاونية والوطنية والامراتية وأي محطة ... لأن الدولة هيا صاحبة خزنات النفط .
أما الغش الي بيعملوه المحطات مش أنو بيحطو مية على البانزين والا العربية مش هتشتغل خالص ... لكن بيبعلك 92 مخلط او 80 على انو تسعين أو يضفلك شوية سولار وجاز ... وساعتها تلاقي عربيتك بتكركر وبتسقف كده وهيا ماشية وصوتها يعلى ومفيش سحب ...
وهو ده الي قالهولي بالزبط . حسبي الله ونعم الوكيل فيهم .