لو عملت عقيقه قريب ياريت تقولنا عملت ايه

**أبو ياسين** · 26-01-2012 12:31 PM

انا عملت فى سلطنه مدينه نصر
اتكلف 300 ج تسويه جدى + 5 سرفيس كبير فته + 2 سيرفيس و سط و عزمت الناس فى مطبخ الشغل
و كان تحفه فى كل حاجه

**mado83** · 26-01-2012 12:44 PM

المشاركة الأصلية كتبت بواسطة أبو ياسين

انا عملت فى سلطنه مدينه نصر
اتكلف 300 ج تسويه جدى + 5 سرفيس كبير فته + 2 سيرفيس و سط و عزمت الناس فى مطبخ الشغل
و كان تحفه فى كل حاجه

ياباشا شكرا على المعلومات
بس ليا استفسار رفيع لانى فى الامور دى بطيخه وقرعه كمان مش حمرا
الجدى يكفى كام فرد وهل ينفع ارجع اسخن اللحمه تانى عشان انا هعمل الموضوع ده فى البيت وطبعا مش كل الناس بتيجى مع بعضها فمش معقول ناس تاكل الاكل سخن وناس تانيه تاكله بارد
ياريت ياجماعه تقولوى تجاربكو فى الموضوع ده
يعنى لو انا هسوى اللحمه فى البيت هيبقى فى شوربه وممكن نرجع نسخن اللحمه لما ناس تيجى انما لو اتسوى بره مش هيبقى فى اى حاجه خالص ولا الكلام ده غلط

**azmeralda** · 26-01-2012 02:14 PM

فى واحد معرفة اشترى جديين من سينا رخيص جدا بحوالى 300 ج التنين بس دبح ووزع هناك

**mado83** · 26-01-2012 04:15 PM

المشاركة الأصلية كتبت بواسطة azmeralda

فى واحد معرفة اشترى جديين من سينا رخيص جدا بحوالى 300 ج التنين بس دبح ووزع هناك

صعبه شويتين الفكره دى

**mado83** · 28-01-2012 09:54 AM

هل ممكن اللى يجى ياخد العقيقه معاه اعملها فى وجبات يعنى ولا هيبقى شكلها وحش

**Mado_2005** · 28-01-2012 10:22 AM

بص هو ينفع تجيب تيس بدل الخروف وطبعا هو واحد بس... لكن هو ليه شروط في العمر أعتقد...
عامة احنا عندنا بنفضل ندبح ونوزعه كله على الناس الغلبانين ممكن لو عايز تأكل أهل بيتك تسيب الفخدة مثلا تعملها على رز وتعمل عزومة على الضيق... أو احنا بنعمل زي سبوع فيه حلويات شرقية ومشروبات وطبعا سبوع بسيط من غير بقى البدع بتاعته وبنوزع زي ما قلتلك على الغلبانين لأنهم أولى... وده رأيي... عامة بتمن التسوية والفرق بين الجدي والخروف ممكن تعمل سبوع بسيط في البيت...

**mado83** · 28-01-2012 03:26 PM

المشاركة الأصلية كتبت بواسطة mado_2005

بص هو ينفع تجيب تيس بدل الخروف وطبعا هو واحد بس... لكن هو ليه شروط في العمر أعتقد...
عامة احنا عندنا بنفضل ندبح ونوزعه كله على الناس الغلبانين ممكن لو عايز تأكل أهل بيتك تسيب الفخدة مثلا تعملها على رز وتعمل عزومة على الضيق... أو احنا بنعمل زي سبوع فيه حلويات شرقية ومشروبات وطبعا سبوع بسيط من غير بقى البدع بتاعته وبنوزع زي ما قلتلك على الغلبانين لأنهم أولى... وده رأيي... عامة بتمن التسوية والفرق بين الجدي والخروف ممكن تعمل سبوع بسيط في البيت...

اتصلت بلارين قالى هنحاسبك الكيلو ب15ج
ومطعم التقوى بيقولى الخروف كله بيسووه ب120 فهل الكلام ده صحيح ولا هيشتغلونى