ربنا كرمنى اخر كرم ورزقنى ببنوته وعايز اعملها عقيقه انشالله
فهل لابد من الزبح وهل لازم خروف ولا ينفع جدى
وياريت لو حد يقولى عن محلات التسويه زى التقوى وحضرموت لو حد جربهم او لو فى افكار تانيه
عرض للطباعة
ربنا كرمنى اخر كرم ورزقنى ببنوته وعايز اعملها عقيقه انشالله
فهل لابد من الزبح وهل لازم خروف ولا ينفع جدى
وياريت لو حد يقولى عن محلات التسويه زى التقوى وحضرموت لو حد جربهم او لو فى افكار تانيه
أولاً مبروك عليك البنوتة وتتربى في عزك ان شاء الله وتكون قرة عينك وعين والدتها
ثانياً لابد في العقيقة من الذبح وممكن تذبح جدي طبعا ، والمحلين اللي حضرتك ذكرتهم ممتازين في التسوية وخصوصا التقوى. انا ماسويتش عنده انما كلت عنده وحقيقي اكله مذهل.
ثالثاً هي العقيقة امتى علشان اجي ؟؟؟؟؟؟
ألف مبروك بارك الله لك فيها
الله يبارك فيك واى حد من المنتدى هنا طبعا يشرفنى ومش عايز عزومهاقتباس:
المشاركة الأصلية كتبت بواسطة mido51eg
عملت عند التقوى (الشيف سرحان) مرتين لولادى الاتنين ... ممتاز جدا
سؤال خارج الموضوع
هو فين محل التقوى ؟
هوفين التقوى ده
أنا أول مرة اسمع عنه
الله يبارك فيك واى حد من المنتدى هنا طبعا يشرفنى ومش عايز عزومهاقتباس:
المشاركة الأصلية كتبت بواسطة mido51eg
معلش انا عايز التفاصيل يعنى بتوديله اللحمه وهو بيسويها وبيديهالك تانى ومعاها رز وبتبتقى طريقه التعبئه عباره عن ايه وكمان حضرتك لما بتروح البيت بتوزع ازاى فى الاطباق ولا عاملهم وجبات معلش اعزرونى الموضوع مش جديد عليا دانا اول مره اتعرضله اصلااقتباس:
المشاركة الأصلية كتبت بواسطة mohamed_selim
وبالنسبه لمكان التقوى فى فى مصر الجديده ومدينه نصر والرحاب
اولا بارك الله لك فى المولدة وربنا يجعلها من حفظة كتابه الكريم
انا اخويا عمل عقيقة ابنه عند حضر موت مصر الجديدة اللى فى شارع الحجاز
حضرتك بتوديله اللحمة بتاعة الخروف وبتطلب منه اللى انت عاوزه وهو بيجيب الرز من عنده وباقى الحاجات
ممكن تخليه يعملهالك على نظام وجبات - كل وجبة فرد
ممكن تخليه يعملهالك صوانى (وهو بيديك صنية من عنده بس بتدفعلها تأمين) وحضرتك تحدد عدد الصوانى وحجمها
ممكن تخليه يعملك جزء صوانى وجزء وجبات
ملحوظة : لو انت هتوزع على الناس فى بيوتهم يبقى تعملها وجبات - أما لو هتعملها فى المسجد أو هتعزم الناس فى بيتك يبقى تعملها صوانى
طبعا انت ممكن تجيبله اضافات زيادة (زبيب - مكسرات) بتخلى طعم الاكل أحلى
------------------------------------------------------------
عندى واحد صاحبى بقى عمل العقيقة بتاعة بنته عند حضر موت عمارات الفاروقية بجسر السويس
بس المرة دى كانت مختلفة شوية
هو وداله اللحمة واتفق معاه على ميعاد وعزم صحابه كلهم وروحنا كلنا بربطة المعلم (كنا حوالى 25 واحد) عند حضرموت واكلنا عنده
ده طبعا كان أغلى شوية من انك تاخد الحاجات فى ايدك بس اهو احسن من وجع الدماغ بتاع النقل والشيل والحط للناس والاطباق وغسيلها - حضر موت هو اللى كان بيخدم علينا
مرة تانية الف مبروك على المولدة وماتنساش تعزمنا
وديتله اللحمه و هو جاب الرز و سواهم ... بتتفق معاه يوزع اللحمه ازاى ... يهنى مثلا حضرتك عندك كام واحد؟ بتحسب مثلا لكل فرد (هو هيحسب معاك) كام جرام رز و كام لحمه و بيعمل فى صوانى و يقولك كل صينيه ل 4 او ل 5 فلو مثلا حسبت ان لكل فرد 300 جرام لحمه يبقى كل صينيه هتاخد كيلو و نص ل 5 افراد و انت هتودى مثلا 30 كيلو يبقى تعمل حسابك هيجيلك حوالى 20 صينيه
بتتفق معاه الرز ساده ولا يحط مكسرات و كده و طبعا كله بسعره ... وانا بتفق نصحنى قالى المكسرات مصاريف كتير خليك فى الساده للتوفير و فعلا كانت هتفرق كتير و الرز كان عامله ممتاز و طعمه حلو جدا ... و بعد ما تخلص بترجعله الصوانى الفاضيه
فى مكان الاكل كنت جايب اطباق و معالق بلاستك و الناس بتغرف من الصينيه لنفسها ... بالهنا و الشفا و تتربى فى عزك :)
عايز افكار تانيه ياشباب ربنا يجعله فى ميزان حسناتكم
طب ولو مش عايز اخد صوانى من عنده هيدينى الاكل ازاى عشان مارجعلوش تانى وكمان هتبقى شيله وعايزه عربيه نقل طويله
ممكن تتفق مع شيف احسن يجيلك البيت ويعملك اللى انت عاوزة والحاجه تبقى تحت عينيك
حضرتك انا عملت عند حضر موت اللى جنب مستشفى النزهه فى مدينه نصر , بس الحقيقه انا وكلته فى كل حاجه , هو اشتري الخروف و دبحه و عملهولي علب اربع صوانى رز و كانت التكلفه الاجماليه 2000 جنيه
الصوانى كانت بلاستيك متغطيه بفويل , يعننى مش محتاج ترجعها تانى
اللحمه معجبتنيش طعمها شخصيا لكن معظم اللى اكلها عبجته (اذواق)
فى حاجه تانيه سمعتها من واحد صاحبى , ان الدور بتاعت الجيش بتعمل نفس الموضوع باسعار اقل و بتكون الجوده ممتازه و بيضيفك عليها عينات محشى و سمبوسك و كلام كده , اعتقد كان دار المركبات اللى فى صلاح سالم , لو عاوز اتاكدلك يا ريت تقولي
هو بيوصلهالك لحد المكان اللى انت عايزه ... بعد كده و انت بترجعها مبتحتاجش مكان كبيرو افرش اى حاجه على الكنبه و حطهم فوق بعض
فى ناس بتوزع اللحمه و الرز مش مطبوخين و بتعمل جزء صغير فى البيت للعيله و خلاص بس معرفش كده صح و لا لأ
لو مش هتعب حضرتك وربنا يجعله فى ميزان حسناتكاقتباس:
المشاركة الأصلية كتبت بواسطة ahmadyusuf
انا سالت لحضرتك يا فندم , هو كان دار المدرعات و كان سعر تسويه الخروف شامل 4 سرفيس كبير بالرز و المكسرات 250 جنيهاقتباس:
المشاركة الأصلية كتبت بواسطة mado83
متشكر جدا لاهتمامك وانا هجيب رقمهم واكلمهم انشاللهاقتباس:
المشاركة الأصلية كتبت بواسطة ahmadyusuf
مبروك و ربنا يجعلها ذرية صالحة لك و لوالدتها يا رب
من شهر عملنا عقيقة لان اخويا
احنا دايما بنتعامل مع حضرموت بس اخر مره في العقيقة دي كان وحش جدا
و دايما بنعمل اوبن بوفيه لكن بردوا المره دي طلبنا منه وجبات لان البوفيه بيبهدل الدنيا جدا
و طلعت الوجبات مش حلوة خالص فابعد عنها احسن
التقوي طبعا حلو جدا و له فرع في شارع الحجاز بعد ما تعدي ميدان الحجاز و انت طالع علي اسكواش نادي الشمس قبليه هتلاقيه علي ايدك الشمال
دا الفرع اللي انا اعرفه
و اي حد انت بتوديله الخروف او الجدي و بحاسبك علي التسويه و علي الرز لو سادة او بالمكسرات
و لو هتاخده متسوي كامل او حتي متقطع 4 تربع بتاخده في صينيه كبيرة مغلفه
اما الوجبات فبتاخدها زي ما كانك بتشتري من عند حضرموت وجبه بالضبط
السلام عليكم ,
أنا تعاملت مع التقو ( الشيف سرحان ) أكثر من مرة و ممتاز جدا , الجدى و عليه 5 كيلو أرز على ما أذكر كان ب 850 جنية و عملت عندة العقيقة لان عندة قاعة طعام كبيرة و عملتها فى فرع الرحاب و اتكلفت حوالى 1400 جنية بالميه و الساقع و الحلويات و كله
متابع لانى بجهز لعقيقة ابنى
طيب ممكن اسعار علشان الصورة تبقى واضحة يعنى هو بيحاسب على الدبيحة ككل ولا بالكيلو ولا ايه ؟
طبعا فكره انى اعملها فى المطعم دى مش هتنفع فلازم تبقى عندى فى البيت ان شاء الله
وكمان انا مش عارف طيب ماهو مش كل الناس هتيجى مع بعضها
يعنى مش هينفع نعمل اربع صوانى
بس كويسه فكره ان الصينيه وهما ياخدو منها بس لسه محتار لانها هتبقى على يومين عشان يوم للاقارب ويوم للاصدقاء وهل هينفع الاكل يتسخن تانى ولا ايه
ممكن تتفق مع جزار يجيبلك الجدى او الخروف حسب ما حضرتك عايز و فى جزار جوا الرحاب عند ساليه سوكريه هتديله الفلوس و هو هيجيب الجدى او الخروف و يدبحهولك و يستحسن تحضر الذبح و يوديه عند اللى هيسويه كمان و انت تتفق مع المحل اللى هيسويه و هو هيجيبلك الارز و الصوانى و ممكن يجيبهولك دليفرى كمان على البيت بس فى تاكسى و انت بتدفع مصروف التوصيل او تروح تستلمه بنفسك زى ما تحب و أنا جربت الحاتى اللى فى الرحاب و كان كويس قوى بس ما عنديش فكره عن الاسعار لان ده كان من كام سنه و الف مبروك على المولوده
الف مبروك و تتربى فى عزك انا لسه عامل عقيقة لابنى من اسبوعين عند الشيف سرحان(التقوى) اللى فى المعادى هوه اكله ماشاء الله عليه جامد
خد فى تسوية الخروف الواحد 120 جنيه
و كيلو الارز الساده ب 20 جنية
وكيلو الارز بالمكسرات 45 جنيه
بص هيه الصنية بتاخد كيلو أرز و على كل صينيه بيتحط ربع الخروف او الجدى.
و لو عايز تعرف أى تفاصيل انا تحت أمرك.
التقوة جامد طبعا لكن بجد اسعاره مبالغ فيها
الف مبروك المولود،
انا فى ابنى روحت المدبح فى السيدة وجبت جديين وتم دبحهم وتقطيعهم وختهم البيت والطبخ كلة فى البيت مفيش احسن منة ههههههههههههه
لو على يومين وديله نص الجدى فى يوم و شيل التانى فى التلاجه و خليه عارف انك تانى يوم هتوديله النص التانى و كده تاخد الحاجه سخنه فى اليومين لأن الصوانى مش هتتسخن (بلاستيك)
طلع الفلوس للصومال لأنهم محتاجين الاكل و الشرب اكتر مننا
لسه محتار
التقوي ارخص من حضرموت
خليك في التقوي احسن
انا عملت فى سلطنه مدينه نصر
اتكلف 300 ج تسويه جدى + 5 سرفيس كبير فته + 2 سيرفيس و سط و عزمت الناس فى مطبخ الشغل
و كان تحفه فى كل حاجه
ياباشا شكرا على المعلوماتاقتباس:
المشاركة الأصلية كتبت بواسطة أبو ياسين
بس ليا استفسار رفيع لانى فى الامور دى بطيخه وقرعه كمان مش حمرا
الجدى يكفى كام فرد وهل ينفع ارجع اسخن اللحمه تانى عشان انا هعمل الموضوع ده فى البيت وطبعا مش كل الناس بتيجى مع بعضها فمش معقول ناس تاكل الاكل سخن وناس تانيه تاكله بارد
ياريت ياجماعه تقولوى تجاربكو فى الموضوع ده
يعنى لو انا هسوى اللحمه فى البيت هيبقى فى شوربه وممكن نرجع نسخن اللحمه لما ناس تيجى انما لو اتسوى بره مش هيبقى فى اى حاجه خالص ولا الكلام ده غلط
فى واحد معرفة اشترى جديين من سينا رخيص جدا بحوالى 300 ج التنين بس دبح ووزع هناك
صعبه شويتين الفكره دىاقتباس:
المشاركة الأصلية كتبت بواسطة azmeralda
هل ممكن اللى يجى ياخد العقيقه معاه اعملها فى وجبات يعنى ولا هيبقى شكلها وحش
بص هو ينفع تجيب تيس بدل الخروف وطبعا هو واحد بس... لكن هو ليه شروط في العمر أعتقد...
عامة احنا عندنا بنفضل ندبح ونوزعه كله على الناس الغلبانين ممكن لو عايز تأكل أهل بيتك تسيب الفخدة مثلا تعملها على رز وتعمل عزومة على الضيق... أو احنا بنعمل زي سبوع فيه حلويات شرقية ومشروبات وطبعا سبوع بسيط من غير بقى البدع بتاعته وبنوزع زي ما قلتلك على الغلبانين لأنهم أولى... وده رأيي... عامة بتمن التسوية والفرق بين الجدي والخروف ممكن تعمل سبوع بسيط في البيت...
اتصلت بلارين قالى هنحاسبك الكيلو ب15جاقتباس:
المشاركة الأصلية كتبت بواسطة mado_2005
ومطعم التقوى بيقولى الخروف كله بيسووه ب120 فهل الكلام ده صحيح ولا هيشتغلونى