بسم الله الرحمن الرحيم

انا لسه ربنا رازقنى بعربية ماروتى زيرو مو 2012 امبارح بليل
و كنا بعنا اللانسر 2007 خليجى 1600 سي سي :b4_048: من شهر...
المهم: انا لما رحت اجيب العربية من المعرض لاقيت كام ملاحظة:-
- حسيت انى اول مره اركب عربية ( و دا سببه الاختلاف الكبير بين اللانسر و الماروتي )
- الماتور صوته عالى مقارنة بانها عربية جديدة( و احد صاحبى قالى انه سببه التليين !! )
- دواسه الفرامل لازم ادوسها للاخر مش على الشعره ( و مش عارف ايه سببها / يمكن بتيجى كده )
- العربية فعلا عاوزه طقم جنوط
*انا لسه مش رخصتها ( يمكن على الخميس كده بعد عيد الثورة كل سنة و انتو طيبين )

انا مش عارف خالص اعمل ايه ولا ااخد بالى من ايه ؟؟؟

خصوصا, ان فيه ناس فى المنتدى لاقيتها بتشتكى من تدوير العربية فى الصبح و انا محتاج اروح بيها الشغل الصبح ( و ايه حوار الزراير الكتير اللى فى العربية دى ؟؟!!)
*-* مهم اوى حوار الزراير الكتير ده :) عاوز اعرفه اعمل ايه ؟؟؟

عاوز نصايحكم اعمل ايه ؟؟؟؟
اخد بالى من ايه ؟؟؟
 و جزاكم الله كل خير

احمد