مشكلة هايفة وسخيفة بس مجنانى

**bodo122** · 24-01-2012 02:55 PM

مشكلة هايفة قوى و عايز اخد رايكم فيها (بس بلاش تريقة لانها هايفة) انا ساكن فى منطقة مصر الجديدة و السكان كلهم ناس محترمة المهم عندنا شقة اتأجرت قانون جديد لناس مش مصريين بس عندهم ولاد اشقياء جدا و بيضربوا الجرس و يجروا المهم بعت البواب لابوهم و من بعد كدة الولاد لموا نفسهم
بس امبارح رجعوا يعملوا كدة تانى مش عارف اعمل اية ومش عايز مشاكل مع حد و مش عيز اعمل عقلى بعقل العيال

**Ahmed Eldreny** · 24-01-2012 02:58 PM

كهرب الجرس

كان لازم اهزر اعزرني بجد مقدرتش امسك نفسي

والله ياباشا مفتكرش ان قدامك حل غير انك تقول للبواب يكلم ابوهم تاني او انت تكلمه بنفسك

تحياتي

**yanassirohi** · 24-01-2012 03:07 PM

ممكن حضرتك تعزل

او

فى مثل بيقول لو مقدرتش عليهم خليك معاهم

بمعنى حاول جبلهم اى حاجة حلوة لرمزية طبعا شيكولاتة مثلا ( متزدش عن جنية عشان ميطمعوش فيك ويبقى ابتزاز) او تهزر هزار خفيف معاهم
هيخدوا عليك ويطلعوا عنيك
اسف
هيخدوا عليك ويبطلوا يضايقوك

**M.Elgergawy** · 24-01-2012 03:15 PM

كان عندي نفس المشكلة وعملت زرار فصل للجرس من جوا وعملت لمبه تنور بس ههههههه
وهما ييجوا يدوسوا مايسمعوش الجرس يفضلوا دايسين واللمبة تنور لغاية لما عملتلهم كمين :) ومسكتهم وظبطهم ومن ساعتها وانا مظبطهم :)

**Screenplays** · 24-01-2012 04:21 PM

هههههههههههههههههه نفس اللي بيحصل عندي بالظبط ......... اول ما العيل يرن افتح الباب و ابصله بنظره ناريه يروح يعيط في حضن امه علي طول و معتش يعملها تاني

**FunnyMickey** · 24-01-2012 05:03 PM

احمد ربنا
انا عندي بيعملوا حاجه انيل من كده

مفتاح الكهرباء العمومي بتاع الشقه بره
بيطلعوا عالسلم ويقفلوه
حصلت مرتين
مره مراتي كانت لوحدها وصباح الرعب
ومره كنت معاها بس نايمين وصحيت لقيت الشقه مفيش نور
ببص عالسلم لقيته منور
ولقيت المفتاح مقفول
طبعا التلاجه والاجهزه كلها بتفصل ده غير ان لا قدر الله ممكن حد فيهم يلمس السلك ويروح فيها
العيال بقت عاوزه يتولع فيها

**A7MED_PHARMA** · 24-01-2012 05:54 PM

ياااااااااااااه

كنت فعلا داخل أقول كهرب الجرز
ههههههههههههههههه

حط يافطة(إخترس من الكلب)

**icehearted girl** · 24-01-2012 05:58 PM

ههههههههههههههههههههههههه جامدة اوي موضوع لمبة تنور من جوا دا

انا مرة واحدة حصلت لا مرتين بنت رنته وجريت ونا شفتها وقلتلها هقول لباباكي

راحت كررتها مرة تاني ونا كنت نيمة صحيت وفضلت ترن رحت فتحة بسرعه ولطشاها بالقلم وزعقتلها ونا ماسكاها ولا مرات الأب

مكنش قلم جامد يعني بس قلت عشان تحترم نفسها

بس بيني وبينكم..انا كنت بعشق الحركة دي ونا صغيرة

كنت لما بكون ف عمارة مش عمارتنا بنزل جري ع السلم وارن الجرس بتاع دور آه ودور لأ

وبستمتع جدا ونا نازلة جررررررررري وبهرب.._احم_ دا كان ايام شقاوة ابتدائي بقي

**mo3tazanas** · 24-01-2012 06:18 PM

المشاركة الأصلية كتبت بواسطة bodo122

مشكلة هايفة قوى و عايز اخد رايكم فيها (بس بلاش تريقة لانها هايفة) انا ساكن فى منطقة مصر الجديدة و السكان كلهم ناس محترمة المهم عندنا شقة اتأجرت قانون جديد لناس مش مصريين بس عندهم ولاد اشقياء جدا و بيضربوا الجرس و يجروا المهم بعت البواب لابوهم و من بعد كدة الولاد لموا نفسهم
بس امبارح رجعوا يعملوا كدة تانى مش عارف اعمل اية ومش عايز مشاكل مع حد و مش عيز اعمل عقلى بعقل العيال

اقلك بقى ياسيدى انت جربت الحسنا والادب منفعش صح
يبقى الحديد بالحديد يوكل يامعلم يعنى اية؟ اقلك
عاندك اخوات صغيرين ؟ لو عاندك خليهم يعملوا زى ما هما بيعملوا
طب معندكش اعمل انت كدة واطلع رن الجرس جامد وانزل ولو طلع حد كلمك اعمل عبيط وكناك ماتعرفش حاجة وماعملتش حاجة لغاية ما تزهاهم فى حياتهم وخد من دة كتير انا مش هااقلك ازاى لحد ما يقولوا حقى برقبتى وكل دة وانت بارد جدا ولا توجع فى قلبك واى خدمة