ضغط إطارات الصني

**Sehsss** · 24-01-2012 08:30 PM

طبعا كلنا عارفين يا صقور إن الصني ليها ضغطين 32 قدام و29 ورا، أو 36 قدام و33 ورا.. أنا كنت ماشي على الضغط اللي مكتوب على القايم (36 / 33) علشان العربية 2011 والشباب كانوا بيقولوا إنه أفضل بالنسبة للباور واستهلاك البنزين، امبارح بعد محاولة السرقة اللعينة اللي كانت هاتحصللي بعد ما غيرت الهواية، وفيمتها زي اختها، قولت طيب ما أجرب الضغط التاني (32 / 29) روحت عند بتاع كاوتش مشهور جدا في عابدين وعنده 3 أو 4 عدادات ديجيتال حاططهم بره وقولتله اظبط يا عمنا، والنتيجة إن العربية بقت أفضل في المطبات وما بقتش بترزع زي الأول، مالقيتش فرق في موضوع الباور ده ما حسيتش بيه خالص، استهلاك البتزين عادي جدا، وحسيت العربية بقت راسية أكثر على الأرض.. فقولت أنقل التجربة للصقور علشان لو حد حب يجرب الضغط ده (طبعا من اللي بيظبطوا على 36 / 33) هايحس العربية بقت أفضل.. وشكرا على حسن تعاونكم

**Sehsss** · 24-01-2012 09:26 PM

المشاركة الأصلية كتبت بواسطة wshawky

فعلا يا باشا أنا حسيت انه احسن برضه و هتلاقى العفشه بقت اريح و كمان الفرامل هتبقى احسن كتير و مش لازم تدوس على الاخر علشان العربيه تقف و الباور مش متاثر بس هو ممكن تلاقى شكل الكاوتش كانه مريح شويه

**M.Nabeeh** · 24-01-2012 11:31 PM

المشاركة الأصلية كتبت بواسطة sehsss

طبعا كلنا عارفين يا صقور إن الصني ليها ضغطين 32 قدام و29 ورا، أو 36 قدام و33 ورا.. أنا كنت ماشي على الضغط اللي مكتوب على القايم (36 / 33) علشان العربية 2011 والشباب كانوا بيقولوا إنه أفضل بالنسبة للباور واستهلاك البنزين، امبارح بعد محاولة السرقة اللعينة اللي كانت هاتحصللي بعد ما غيرت الهواية، وفيمتها زي اختها، قولت طيب ما أجرب الضغط التاني (32 / 29) روحت عند بتاع كاوتش مشهور جدا في عابدين وعنده 3 أو 4 عدادات ديجيتال حاططهم بره وقولتله اظبط يا عمنا، والنتيجة إن العربية بقت أفضل في المطبات وما بقتش بترزع زي الأول، مالقيتش فرق في موضوع الباور ده ما حسيتش بيه خالص، استهلاك البتزين عادي جدا، وحسيت العربية بقت راسية أكثر على الأرض.. فقولت أنقل التجربة للصقور علشان لو حد حب يجرب الضغط ده (طبعا من اللي بيظبطوا على 36 / 33) هايحس العربية بقت أفضل.. وشكرا على حسن تعاونكم

قولت كدا ومحدش صدقني