الموضوع: الشكمان مزمّد و إنا لله و إنا إليه راجعون

من شهرين ركبت الشكمان كامل من أول الوصلة الأمامية اللي فيها السوستة إلى العلبة الخلفية بما فيهم بديل عليبة البيئة ( الرنان) ماركة العتيبي السعودي عند الغباشي في السيوف في الإسكندرية.....
بعد ما ركبت الشكمان لقيت العربية على عدد لفات معين غالباً عند ال 2 أقل أو أكثر قليلاً و خصوصاً في التهدئة يكون هناك صوت و إهتزازة في العربية تدّيك إحساس كأن العربية خشنة بتبان أكثر و الموتور بيهدى....
المهم رجعت للراجل اللي ركب الشكمان و قال لي كله تمام مفيش مشكلة ، و روح للميكانيكي يبص لك على قواعد الفتيس ...مع العلم إن الموضوع ده بيحصل و العربية واقفة و خصوصاً الصبح لما بدورها عشان عدد اللفات بيبقى عالي شوية لحد ما العربية تسخن....
رحت للميكانيكي (رغم إني مكنتش مقتنع لأن الموضوع حصل بعد تغيير الشكمان كله على طول) و بص لي على قواعد الفتيس و قال لي مفيهمش حاجة و قال لي أرجع لبتاع الشكمان و أقول له" الشكمان مزمّد"!!!!!!
رجعت للراجل بتاع الشكمان و كان مش مقتنع المهم بعد محايلات و إنكار إن أصلاُ فيها زنة و الإهتزازة دي... ريح حاجة كدة تحت و العربية إتظبطت.....
مع الوقت بدأت المشكلة تاني ترجع و زادت أكتر في اليومين اللي فاتوا عشان العربية بتبقى باردة قوي و بردوا ممكن المية و الطينة...... رحت للرجل بتاع الشكمان تاني و مرة تانية قال لي مفيش حاجة و كله تمام التمام و شوف قواعد الفتيس و الموتور و روح تاني للزفت الميكانيكي يشوف الزفت الفتيس و قواعد الموتور

رجعت للزفت الميكانيكي قال لي روح لواحد تاني غير الرجل ده و قال لي على واحد تاني بتاع شكمان و برضو قال لي نفس الكلام إن مفيش حاجة .....
رحت لزفت تالت بتاع شكمان و قال لي كاوتشات قواعد الشكمان مش حلوين و غيرهم و " نحمد الله على كل شيء" و برضو مفيش تغيير...... و برضو قال لي أشوف قواعد الفتيس عشان هو حاسس بتنميلة في القاعدة اللي في النص ( اللي أنا معرفهاش طبعأ!)
رحت للميكانيكي و قال لي خلاص نبص عليهم و نشوفهم واحدة واحدة و اللي نلاقي فيه حاجة نغيره و نشوف!!!!! و طبعاً دي حاجة أنا مش بحبها ......أحب أغير حاجة متشخّص إن فيها مشكلة لأن فلوسي مش من حرااام
النهاردة الصبح لقيت في صوت كأن " سسسسسسسسسسس " قدام قريب من مكان السيور و رحت للميكانيكي و قال لي غالباً بلية دينامو و أشوف الكهربائي.....هل ليها دعوة بالتزميدة؟؟؟
المهم دلوقتي الشكمان مزمد و مضايقني جداً و محسسني إن العربية خشنة كدة و مش ناعمة و مش هادية كدة
أغيثوني أغاثكم الله