السلام عليكم
انا عاوز اروح من القاهره و حتى المنصوره "ش العباسي مع ش بورسعيد" بالمواصلات
برجاء توضيح اماكن مواقف المواصلات المختلفه من القاهره
و كيفية الوصول للمكان المذكور بعد النزول بالمنصوره
و جزاكم الله كل خير
عرض للطباعة
السلام عليكم
انا عاوز اروح من القاهره و حتى المنصوره "ش العباسي مع ش بورسعيد" بالمواصلات
برجاء توضيح اماكن مواقف المواصلات المختلفه من القاهره
و كيفية الوصول للمكان المذكور بعد النزول بالمنصوره
و جزاكم الله كل خير
متابع عشان رايح انا كمان ؟؟
حضرتك ممكن تركب ميكروباص المنصورة من رمسيس او من عبود الطريق بياخد حوالى ساعتين والاجرة فى حدود 10 او 12 جنيه
واول ما تنزل المنصورة ممكن تاخد تاكسى للمكان اللى انت عايز تروحه والتاكسى هناك مش بياخد اكتر من 5 جنيه مهما كان المشوار ممكن اقل بس مش بياخد اكتر نهائى
العباسى فى اول شارع بورسعيد و الجمعية الشرعية فى اخر الشارع
بص يا فندم هو انا مش عارف الموصلات من القاهرة للمنصورة اوى اللى اعرفه انك ممكن تركب من رمسيس ( قطر او اتوبيس او مكروباص ) او تروح عبود تركب من هناك مكروباص المنصورة
القطر : هاينزلك فى المحطة بتاعت طلخا .. او محطة المنصورة اللى عند ميدان ام كلثوم ( فى ناس بتسميه ميدان المحطة )
الاتوبيس : هاينزلك عند الاستاد ( يعتبر اول البلد ) و ممكن تكمل معاه لحد المحطة و هاينزلك عند مصر للطيران .. الاستاد و مصر للطيران فى نفس الشارع بينهم و بين بعض اقل من 5 دقايق
المكروباص : هاينزلك عند الاستاد (زى الاتوبيس ) يا اما هاينزلك فى الموقف الجديد ( نادرا )
لو انت نزلت عند الاستاد هاتخد تاكسى و هاتقوله مديرية الامن اللى على البحر هاينزلك على اول طريق المشاية تحت كوبرى طلخا و هاياخد بالكتير 3 جنيه .. المفروض التاكسى هايخدك من عند الاستاد و هايمشى فى طريق واحد طوالى و هاتعدى على مصر للطيران و هاتكمل فى نفس الشارع لحد المحافظة و هاتلاقى الطريق بيلف معاك شمال و بعدين هاتفضل ماشى طوالى برضه فى شارع واحد و هايعدى عليك كوبرى القطر و بعديه كوبرى العربيات ( كوبرى طلخا ) هاينزلك تحت الكوبرى و انت هاتعدى الشارع و تطلع السلالم هاتلاقى مديرية الامن فى الناحية التانية من الشارع
شارع بورسعيد يا فندم هو الشارع اللى جنب المديرية على طول و هاتلاقيه فى وش الكوبرى على طول و العباسى هاتدخل شارع بورسعيد اول حودة يمين هاتدخل فيها هاتلاقى نفسك فى اول العباسى
يعنى من الاخر مديرية الامن اللى على البحر فى ضهرها العباسى و على شمالها شارع بورسعيد :Y_hi_3[1]:
اما بقى لو نزل الموقف الجديد هاتركب اى ميكروباص من اللى هما ابيض و احمر بس اتأكد انه هايدخل من طلخا و هايعدى على كوبرى طلخا
و هايبقى قدامك خيارين يا تنزل قبل ما يعدى الكوبرى و تعديه انت مشى هاتلاقى شارع بورسعيد فى وشك يا اما يعدى بيك الكوبرى و لو هو رايح ناحية الجامعة (يمين ) هاينزلك قدام المديرية و لو رايح ناحية الاستاد ( شمال ) هاتنزل فى محطة اسمها عدن اول محطة بعد الكوبرى و هاترجع الحتة مشى لحد الكوبرى
يا رب الوصف ده يفيدكو بحاجة و تيجوا بالسلامة ان شاء الله و تنورونا فى المنصورة
استاذى الفاضل استاذ صبحى
انا قريت الموضوع بتاعك
بص يا صديقى اسهل حاجة ليك انك تركب ميكروباص من رمسيس و اتأكد انه هايقف فى الموقف الجديد فى طلخا مش الاستاد هاتنزل الموقف الجديد هاتلاقى هناك تاكسيات كتير و بيتخانقوا على الزباين :affection:
هاتركب منهم واحد و قله ودينى مصنع عقل اللى على اول طريق دمياط هايمشى بيك طوالى فى طريق واحد لحد المصنع و هاينزلك قدام الباب و هو قريب من الموقف الجديد يدوب 10 دقايق بالعربية ( لو هو المصنع اللى فى بالى ) و ممكن تتفق معاه مثلا يجيلك بعد فترة او يستنى معاك حسب ظروفك بقى و الاجرة لو هايوديك بس من 4 جنيه ل 7 جنيه بالكتير زى ما تتفقوا
و لما تحب تروح شارع بورسعيد هاترجع الموقف الجديد تانى و تاخد مكروباص لحد كوبرى طلخا زى ما وصفت فى المشاركة اللى فاتت و اجرة المكروباص نص جنيه و لو هو من النوع الاستغلالى هايخد جنيه للفرد
تنورنا فى المنصورة يا استاذ صبحى
انا المفروض عندى شغل فى اسوان بس مش عارف هاسافر امتى لسه فا لو حضرتك جيت و انا هنا يبقى نتقابل ان شاء الله
جزاكم الله كل خير