السلام عليكم ورحمه الله وبركاته
ازايكم يا شباب
انا كنت عايز اسال انا معروض عربيه استراد يعنى نصين وتقريبا اتلحموا تمام
فكنت عايز حد يقولى ايه عيوب الموضوع ده ولا عادى موضوع النصين دا
وجزاكم الله خير
عرض للطباعة
السلام عليكم ورحمه الله وبركاته
ازايكم يا شباب
انا كنت عايز اسال انا معروض عربيه استراد يعنى نصين وتقريبا اتلحموا تمام
فكنت عايز حد يقولى ايه عيوب الموضوع ده ولا عادى موضوع النصين دا
وجزاكم الله خير
انا عن نفسي اقلق الصراحة بس فيها ميزة انها استيراد وبتكون ارخص بكتير انا شايف انك تستخير وتسمع اراء الاعضاء الخبراء
ده رأ]] البسيط
هى ايه و بكام و كده يعنى ,.. احكى
هيا 325 موديل 2004 وبى 90 كوبيه وتقريبا عامله 89 الف
دا كل الى اعرفه عنها
بص العربية دي هتتعبك في الترخيص ومبتبقاش عمرها نفس متانة او ظبطة الفابريكا
بس ياريت تعرفنا ااعبية توعها اية ومعلومات اكتر عشان نفيدك
العربية اولا هتلاقي ضريبتها عالية جدا لان معداش علي موديلها 10 سنين غير ان الموتور دا شديد فا اي غلطة في لحام العربية هتكبر بسهولة وكمان الموتور دا هيستهلك كتير غير ان بعد ما ال10 سنين يعدو هتدفع عن كل سنة في المرور 1500 جنية تقريبا
دل لو كانت مترخصة اصلا
اما لو مكانتش مترخصة فايبق ابعد عنها لانك مش هتعرف ترخصها
انا رأى ابعد عنها !!!
بلاش الانصاص دية لو الموتور حامي و جريت بالعربية مش بعيد العربية تتخلع من بعضها
هي العربيات دي بتترخص اصلا بطرق شرعيه ؟؟؟؟؟؟؟؟؟؟؟؟
يتم اخذ رقم شاسية من اختها السيدان العادية و وضعه عليها و تترخص عادي مع كام الف رشوة ---
لكن انصحك بالابتعاد عنها لان مع مطب شديد هتلاقيها فكت من بعض و انا شفت ده بعيني
السلام عليكم ورحمة الله
سياره e46 325 2004 كوبيه بمبلغ 90000 جنيه سعر ممتاز جدا. مشكلة السياره الوحيده هى إنها نصفين مما يعنى تعقيد الترخيص و يجب وجود معرفة بالمرور لكى تستطيع ترخيصها بسلاسه لكن جزء إن اللحام يفك, أو كل هذا الكلام إن شاء الله لن يحدث لأن طريقة لحم السيارات المنصفه بيكون بشكل و طريقه معينه
شوف يا باشا اولا هي كوبيه بيتم شراء ورق سيارات حوادث مماثل لها لاخذ رقم الشاسيه والنمرتيين
وبيتم تجميع النصفين بطريقة معينة بمعني يتم اللحام من الداخل في العصب ويقفل من الخارج لحام وزي ما انتو فاهمين دا لحام اكسجين مش مثلا هتكون ملحومة بامير علشان تفك
وبيتم اخذ المقاسات من عربية سليمة علشان تطلع مظبوط ودلوقتي الاناس لما بتيجي تقطع القوايم بيقطعو بعيد عن الذنب علشان ماتبانش
وانا شوفت عربيات كتير كدا
انا واحد من الناس مش بحب كدا
مع انها مافيهاش حاجة بس ممكن لو حبيت ابيعها بعد كدا تتقل في البيع معايا
اولا جزاكم الله خير على الاهتمام والمتابعه
بس بجد انا زد حيره وهيا هل اجيبها ولا لا لانى اصلن معرفش هيا اتلحمت بضمير ولا ايه وكده
طيب حد يعرف مكان محترم ممكن اجيب حد منه يشوف العربيه ويقولى اي ظروفها يعنى كويسه ولا لا
وهل فعلا لو جريت ولا لبست مطب ممكن تتفك بجد منى ولا ايه وهل استهلكها فى البنزين هيبقى عالى اوى
وهل هعرف ارخصها ولا ايه اصلى الصراحه مش فاهم النقطه دى
وجزاكم الله خير
ممكن تواجة مشاكل جامدة فى الترخيص
و بالنسبة لأنها تتفك فا دة صعب يعنى !! لكنها مش حتبقى مظبوطة و فى اى حادثة لاقدر الله ممكن تبقى كارثة
و بعدين لما تيجى تبيها حيتخسف بتمنها الأرض و ممكن متعرفش تبيعها !
انا رأى لو عاوز تركب بى ام فعلا بلاش الأنصص و الكلام الفارغ دة !!
انا مع فهد و اتفق معاه
انا كنت بجري مع واحد صحبي عربيته نصين علي طريق العلمين و في اخر الطريق كان فيه مطب
لبس المطب علي 120 تقريبا و المفاجأة العربية اتفتحت من الجمب اليمين و منفعتش تتصلح تاني .
جزاكم الله خير يا شباب انا خلاص صرفت نظر عن العربيه دى بعد الكلام الى قريته
ده احسن قرار , عارف هي الصعوبة مش في اللحام في ناس بتلحم و اتحداك لو عرفت ان العربية فيها حاجة و خصوصا لو الضيفيرة ال ماشية بطول العربية سليمة ولا انك تجري بالعربية و تفك منك , ياما ناس عملت انصاص و كانت فيها مواتير m و تخميس و تعريض و سبقات و طول النهار عجن و لا اي حاجة و بالنسبة للبيع , بتقول انها نصين و زي ما وقفت عليك بالرخيص برده حتبعها بسعر قليل . المشكلة كلها انك تلاقي ورق, عربية عاملة حادثة و تاخد رقم الشاسيه و لو لقيت بيبقى غالي عشان الناس فهمت اللعبة و في النهاية انا موافقك تماما على قرارك.