بعد مرور سنة على التحويل ممكن نعرف من الناس اللي حولت ايه الاخبار وهل فيه مشاكل ظهرت ؟
عرض للطباعة
بعد مرور سنة على التحويل ممكن نعرف من الناس اللي حولت ايه الاخبار وهل فيه مشاكل ظهرت ؟
ألف مبروك يا باشا ... أحب بخبرتى المتواضعة كمهندس ميكانيكا أوضح لحضراتكم حاجة ... الغاز الطبيعى بيرسب أحماض على الشميز (Liner( اللى جوة الموتور ودة طبعا بيقصف عمر العمرة بصورة كبيرة ... ثانيا سحب العربية فعلا مع الغاز بيقل بصورة محسوسة لأن الطاقة الكامنة للغاز أقل من البنزين لنفس الحجم ... فى حاجة مهمة بقا .. ان تحويل العربية من غاز لبنزين بيحتاج تغيير توقيت الأشعال بتاع البوجيه (معرفش هل الجهاز دة وظيفته كدة ولا لأ) ... عموما أتمنى ان يكونوا عدلوا الموضوع دة وتنبسط بيه بأذن الله :angelme::angelme:
المعلومة الي اقتنعت بيها قبل ما أحول - ان حمض الكبريت بيتكون في الماتور عند تشغيله على الغاز في درجات حرارة اقل من العادية بتاعته - "قبل ما الماتور يسخن يعني" وده سبب ان التحويل من بنزين لغاز مفترض ما يحصلش قبل ما العربية تسخن تماما وجهاز التحكم يتاكد منها عن طريق الحرارة والعادم
والمفروض من المستخدم نفسه قبل ما يطفي الماتور ب5 دقايق يقلب بنزين تاني لنفس السبب علشان وهي بتبرد مايكونش الغاز هو الي مركون جوه بل البنزين
وبكده نهرب من تكون الاحماض داخل الماتور - الفضل ل Ahmed1984 في معلوماتي دي وفي تحويلي للغاز من سنتين في المقام الاول
الف مبروك التحويل و ان شاء الله يكون عند حسن ظنك و تنبسط منه
كل التحيه لحضرتك
ولموضوعك العطر
وتجربتك الرائعه
سؤال للزملاء
هو ممكن اركب غاز لعربيه حديثه دفع رباعى وعلى سبيل المثال تويوتا فورتنشر
شكرا على نقل التجربة
شكرا جزيلا لكل الزملاء وبالنسبه للاستخدام بعد مرور اكثر من عام احب اقول الاتى :-
1- تجربه الغاز جيدة جدا بشرط ان ضفيره الكهرباء تكون كويسه لانى غيرت ضفيرة الكهرباء فى التوكيل لانى كنت اعانى من مشكله فيها
2- مقدار التوفير يعوض تكلفه العمره واعتقد ان طريقه القياده لها تاثير على الماتور مثل الحرق على الغيارات وخلافه
3- المتر مكعب من الغاز يستهلك فى مسافه مقدارها من 12-15 كيلومتر بسرعه تترواح بين 80-100 كم تقريبا وبشرط الطرق المفتوحة وليست كثيفة الاشارات .
4- الذى شجعنى على هذه الخطوة تاكيد احد مهندسى الخدمه بعدم وجوود اضرار بالاضافه الى انهم يستخدمون اجهوة حديثه ايطاليه الصنع تقوم بالتحويل بصورة اتوماتيكية بين البنزين والغاز
5- السحب اقل من البنزين ولكن بصورة غير ملحوظه يعنى ممكن يقل السحب بنسبه 5 الى 10 % من البنزين
اتمنى الافادة واعتذر لدخولى المتقطع واى استفسار تحت امركم
سؤال لو سمحت
عملت كام كيلو بالغاز حتى الان
و هل احتاجت اى صيانه فى المحرك بعدها بغض النظر ليها علاقه بالغاز او غيره
و هل عاملت التوكيل بعدها و اعترضو على اى حاجه؟؟
شكرا و جزاك الله خيرا
تقريبا عملت فى حدود ٤٥ ألف ولكنى من النوع المحافظ فى السواقة يعنى مش. بحرق على الغيار وسرعتى دائماً مابين ٩٠:١٠٠ كم وقمت بعمل الصيانة عادى فى التوكيل وطبعا حذرونى من موضوع الغاز بس بصراحه أنا محتطش فى دماغى وقررت خوض التجربة مع العلم أن كل العربيات التاكسي محوله غاز دون أدنى مشاكل وربنا يسترها أن شاء الله