الموضوع: لا هيونداى بعد اليوم ..............(قد تكون فترة محدودة)

توضيح بعض النقاط لى اللى مقراش الموضوع كويس و دخل على اى صفحة فتحت معاة

1-لاهيونداى بعد اليوم .. هى المؤثرة على الاسم (غبور )
نحن نتعامل و نؤثر على المبيعات للسيارات التى تنتمى للاسم ... ولكن اى كان الاسم فهو لا يعنينا وذلك لفترة (قد تكون محدودة )

2-الاخ اللى بيقول كان مفروض حد من مُلاك العربيات هو اللى بيتكلم
حضرتك اقرا الخمس بنود محل الاتفاق ..هتلاقيها تنتمى لى و لمن لة الرآى و المشورة من الاعضاء الخبراء و اصحاب الرآى فى المنتدى وليس مكان لابداء شكاوى فهناك قسم خاص بكدة

3- دورنا كاعضاء و نرى الازمة التى يمر بها مُلاك هذة السيارات ...سوف لا نقف متفرجين و يقتصر دورنا على الطبطبة و المواساة و مسح الدموع

4-قد اكون انا او اى حد لا يملك هذة السيارات يصبح غداً هو او اخوة او اختة فى نفس الموقف ... ولو انا شخصياً او اى عضو ينتمى لتوكيل تانى ..حصلة اللى بيحصل و شاف باقى المنتدى من اخوانة الاعضاء و اقفين يتفرجوا علية ... اظن كدة يبقى خيبنا املة فينا كأكبر منتدى سيارات و اكتر اعضاء فاهمة عربيات فى البلد ..يعنى ممكن بكرة اجيب عربية جيتز مثلاً ...لمراتى اخويا ابنى ...قولى اعمل اية اجى اعيط فى قسم هيونداى !!

5-الموضوع (لفترة قد تكون محدودة ) يعنى إذا اتخذ اى اجراء عملى و بشكل قاطع حتى ولو لاعضاء المنتدى فقط .... سيتوقف الموضوع نهائيا و تعود الامور الى احسن مما كانت الالف المرات .

6-الموضوع نابع من اهتمامنا باخوانا مُلاك هيونداى و ووقوفنا جنبهم نحن اعضاء فى منتدى واحد

7-هدف الموضوع الرئيسى هو اننا و انا شخصياً عندى الهيونداى و سياراتها من انسب السيارات للسوق المصرية سعراً و جودة ... واللى مش مصدق يفتح باب عربية هيونداى ... ويفتح باب اى عربية كورى ليس اصلها جاى من عند هيونداى برضو ...ومن غير كلام كتير


ياريت كل الاعضاء التى تنضم لهذا الاتجاة تكتفى بكتابة الجملة فقط وتلتزم بالبنود الخمسة فقط ايضاً

دون الدخول فى مميزات وعيوب و اراء
فليس مكانة ولا زمانة

والف شكر على كل من تفهم الموضوع و تفاعل معة

اسمحولى اميز العضو Chicco
وكان عندى حق لما قولت عليك (صمام امان المنتدى )

المشاركة الأصلية كتبت بواسطة Chicco

خطوة على الطريق الصحيح
بجد يا باشمهندس عمرو إنت بني آدم محترم ....
يا جماعة مش الهدف الذم في العربية و ألا في التوكيل ....الهدف تشكيل جماعة ضغط على التوكيل من أجل تحسين الخدمة و إرضاء العميل .....٣٠ ٪ من حجم السوق المصري ....و أول ناس مفروض يشاركوا هم مالكي هيونداي....الموضوع معمول من أجل صالح عميل غبور مش عشان أي حاجة تانية
عشان ندعم وجود هيونداي في مصر أنا حشارك

لا هيونداي بعد اليوم

حتى إشعار أخر..... و إن عدتم عدنا

الراجل دة فهم الموضوع بالمللى ..ربنا يباركلك والله .