-
العربيات النص نقل الكبينه مزدوجه اصبحت سيارات رائه فى الايسوزو والتيوتا الهاى لوكس والميتسوبيشى الجديده والملك طبعا الدودج العربيات دى امكنياتها جامده جدااا 1- انها ديذل ومواتير قويه مفيش حاجه اسمها العربيه تغرز او تتزحاق 2-تشيل فيها زى مانتا عايز (تلاجه- غساله - اى حاجه) 3-صوت الموتور ناعم 4- الكماليات روعه (انا كنت راكب ايسووزه التكيف بتاعها قوى جداا) 5-عفشه ماقولكش تطلع رصيف تنزل ترعه مفيش مشكله 6- اشكال جامده وبيتركبلها نواكل وعتاب وكله
العيب الواحيد بتترخص نــــــــــــقل والعيب دا يلغى كل المميزات بتعتها
لو انتا ساكن فى اقاليم ومش بتمشى فى حتت محظور فيها النقل تبقى احسن عربيه
-
احد امنياتي القديمة اني اجيب تويوتا هاي لوكس الجديدة و اظبطها وفي رأيي تبقى في مستوى اي 4×4 و موفرة كمان لكن للاسف العيوب بتاعت الترخيص نقل هيا اللي لغت الموضوع
-
انا قولت لاءه لاني ببساطه مدفعش 200 الف او 150 الف ويبقي اسمي في الاخر راكب نص نقل
-
أنا نفسي أجيب ميتسوبيشي L200 4x4 أوتوماتيك
بس أنا شايف إن صعب الواحد يجيب عربيه زي دية كعربيه وحيده، يعني إحنا عندنا في مصر ثقافة العربيه البيك أب مش منتشره زي أمريكا وكندا مثلاً، يعني هنا لو إنت راكب بيك أب يبقى إنت إسمك أسطى، مش أستاذ حتى لو إنت معلق نمر هيئه سياسيه مش ملاكي بس.
أنا ممكن أجيبها لما ربنا يفتحها علي ويكون عندي جنبها عربيه تانيه ملاكي، وطبعاً أحسن إني أرخصها ملاكي وأدفع جماركها عشان أريح دماغي من القيود السخيفه السابق ذكرها.
إنما بغض النظر عن أي حاجه، البيك اب عربيه عمليه جداً جداً جداً وفعلاً مفيده لكل بيت.
-
-
محمود باشا dehumanizer لو شفت الهوندا Ridgeline أو تويوتا Tundra حتغير رأيك :superman:....
أفالنش مين يا عم الشباب .:p...
يا رب يحقق كل أحلامك
-
لو دودج رام...يبقي ياريت:)
سعرها 300 الف
بس اتعامل معامله الملاكي من ناحيه كل حاجه:(
-
ركبيت الايسوزو d max وكانت اتوماتك وفول اوبش 4*4 الصالون بتاعها زى الملاكى بالظبط
لو تنفع تترخص ملاكى اية المانع العربية زى الفل
وكمان غادة عادل الممثلة راكبة نقل (دودج رام )
-
شيكو باشا .. اصل انا الحقيقة بحب الأمريكاني خاصة القديم و الشيفروليه .. بعيد عن العبط اللي الشركة بتعمله دلوقت
و لكن بعيد عن كدة .. انا كان قصدي ان نفسي يبقي عندي بجانب سيارتي pick up truck :)
يا ريت تعمل موضوع عن الهوندا :)
-
أنا طالع من الجامعة مرة في المنصورة ... لقيت واحد راكب الـ Dodge Ram دي ...
أنا في حياتي كلها مشتفش سحب بالطريقة دي ... العربية بجد غول يتخاف منها ....
ولولا موضوع الترخيم على العربيات النص نقل كنت أول واحد يجيبها ( عالية - ماتور جامد - عفشة للطرق المصرية - مصاريفها مش كتير ... إلخ)
Content Relevant URLs by
vBSEO 3.6.0 PL2