بفكر اغير من اوكتافيا a4 2003 الي كورولا 2003 او 2004 ممكن اعرف رايكم ومقارنه بين السيارتين
عرض للطباعة
بفكر اغير من اوكتافيا a4 2003 الي كورولا 2003 او 2004 ممكن اعرف رايكم ومقارنه بين السيارتين
هي الناس بتدخل علي الموضوع تقرا وتطلع تاني مفيش رد ولا ايه
هو اختيار محير انا متابع معاك
العربيتين دول محترميين جدا فأعتقد هتعتمد علي الحاله و طبيعه استخدامك للعربيه
يعني الثبات هيكون لصالح الاوكتافيا
و قطع الغيار و سهوله الصيانه و النعومه لصالح الكرولا
ممكن حضرتك تقييم الاوكتافيا اللي معاك وتقول عايز تغيرها ليه ؟
هو حصرتك بتقارن بين ايه وايه اصلا
دي حاجه ودي حاجه تانيه خالص
خليك في الاوكتافيا طالما مفيهاش مشكله كبيره
بالتوفيق
والله دى بتختلف من شخص لشخص لو ثبات وقوة وشياكة او كتافيا لو قطع غيار وبياعة واى حد بيشتغل فيها كرولا طبعا حضرتك معاك اوكتافيا ثمن الشكمان بتاعها استيراد بكام وثمن زيت الفتيس الاتوماتيك بتاع اوكتافيا فى التوكيل بكام
انا عربيتي سليمه الحمد الله بس ركبت التويوتا مره عجبتني جدا ومريحه جدا في السفر الموضوع مش موضوع قطع غيار انا عاوز اغير من باب التغير بس
انا بسمع ان اللى ركب المانى مينفعش ير كب يابانى نفس الفئة
والله اعلم
أكتافيا ..
الاكتافيا افضل للاسباب الاتيه :-
1- الثبات اعلى من الكرولا
2- الصالون والشنطه اكبر من الكرولا
3- الشكل الخارجى افضل من الكرولا ( ازواق )
4-الاوكتافيا 1600 الكرولا 1300
5- الاوكتافيا 2003 الاوتوماتيك تكيف تاتش abs - air bag
وانا راى الشخصى الاوكتافيا افضل .....
اوكتافيا
أنت مروحتش بعيد بتغير من وحش الماني لاسد ياباني
علي فكرة انا اقدر اتكلم عن الكورولا بس موضوع 1300 ده مش هتحس بيه اوي فرق بسيط في راي الا اذا كنت بقي بتحب تجمع اسرع ثانيا اقولك عيوب الكورولا بص الثبات مش حلو خصوصا لو لوحدك بس ممكن تعرض الكوتش وتقلل العيب ده لكن راحة ونعومة رهيبة ودي جميلة ودي جميلة لو عربيات متصانة
وربنا يوفقك للاحسن يارب
لو اي سؤال انا تحت امرك فالكورولا
تحياتي
اوكتافيا
ما تقلقش خالص من موضوع ال 1300 سي سى لو مانيوال
انا أكد لك ان 1300 المانيوال سحبها ممتاز
.
أيوه, بس هتغير وتنزل من أوكتافيا A4 عشان تركب كورولا 2003/2004..؟؟!!! :blabla:
طالما عايز "تغيير".. يبقى تطلع على حاجة أعلى من الـ2.
مش "تنزل" لكورولا موتور أضعف, وثبات أقل.. فقط عشان ناعمة ومريحة؟؟؟!!
رأيى: خليك فـ الأوكتافيا لحد ما ربنا يكرمك بحاجة أعلى (من الأوكتافيا والكورولا)..
بتتكلم جد؟
لو ركبت الكورولا هتحس انك رااكب بساط علاء الدين
شويه هوا يجيبوها يمين ..شمال ..كده يعنى (نظرا لانك راكب عربيه تقيله جدا جدا جداااااااا)
انت بتنقل من اثبت الالمانى لأخف اليابانى !!
تانى حاجه
عارف انت عربيتك الاوكتافيا لما تدوس بنزين تلاقي نفسك عاوز تسرع اكتر ..تقوم دايس اكتر تلاقيها بتجيب معاك ..تدوووووس كمان بردو بتجييييييييب معاك ..احساس ان الموتور ملوش نهايه ده هتلاقيه يساوى صفر فى الكورولا ..مفيش "قوه" فى الموتور ..هو سلس بس مش قوى
وبعدين يا راجل يا طيب الكورولا لو دوست فرامل جامد و زحفت كل سنه و انت طيب ..الايه فور فيها ايه بى اس
صاج الايه فور متين واد بفزبه اخره يعمله نقره فى الباب ..الكورولا ممكن واد بفزبه يدخل يقعد معاك جوا !
انا مش متحامل على الكورولا ..بس انا بقارنا بأوكتافيا !