جنط كورولا 2008

**M.FOUAD** · 25-01-2012 02:39 PM

معايا كورولا 2008 جنوب افريقي جنط 16 بس العفشة ناشفة شوية عن الخليجي بتنزل بجنط 15 هل لو غيرت لجنط 15 سبور الاصلي بتاع العربية هحس بفرق ملحوظ بنعومة العفشة و لا اخليني زي ما انا و ادور على جنط اسبور 16 و خلاص خاصة انها هتفرق كويس في السعر فرق سعر الكاوتش و الجنط
و ابعاد العربية دية كام حاسس ان بتوع الكاوتش بميفهموش حاجة واحد يقولي 112 و التاني يقولي 114 و في الحالتين لازم اغير الصواميل بتاع الجنط معرفش دة صح ولا لازم عشان مقاس الجنط يبقى مضبوط انة تركب الصواميل الاصلية بتاعة العربية

**Youssef.Awad** · 25-01-2012 05:01 PM

ممكن مقاس عربيتك القديم بالتفصيل ومقاس الجنط اللى عاوز تركبه عشان اقدر افيدك
وياريت تدخل تقرا الموضوع التالى للاستفادة:
http://www.nilemotors.net/Nile/267915-16.html

**Unendlich** · 25-01-2012 08:15 PM

المشاركة الأصلية كتبت بواسطة m.fouad

هو مقاس العربية الحديد الاصلي 16 205 /55 و كنت عايز اجيب الاسبور بتاعة الاصلي بس مش لاقية لقيت بتاع الخليجي ال 15 فبسال هو الاحسن اجيبة و لا اجيب اي واحد تايواني او تايلاندي 16

موجود في التوكيل
و لو مش عايز جديد ممكن تشوفه استيراد
و في الحالتين دول مش هتحتار في الأبعاد
و في أي حالة فيهم هات الصواميل من التوكيل أو من محل قطع غيار تويوتا محترم مش من عند بتاع الكاوتش
ال 15 ممكن يبقى انعم سنة بس طبعا شكل ال 16 بيبقى أحلى والمقاس 195/65/15

**M.FOUAD** · 25-01-2012 09:04 PM

شكرا لردك يا باشا
التوكيل غالي اوي عالفاضي بصراحة خاصة انة شكل الاصلي مش عاجبني انا عايز اجيبة بس عشان مياثرش على العفشة في حاجة
انا بدور علية استيراد بس مش لاقية بلاقي الخليجي بس سعرة معقول في حدود 2500 بس 15 طبعا

**Ahmod** · 25-01-2012 09:36 PM

ماتغيرش حاجة يا باشا الجنط الاصلي بتاع العربية ده مش بيتعوض والله

ولو حبيت تركبه بعد كدة هتدفع كتييييييير ده انا كان نفسي اركب جنط الياريس الاصلي بدل من الجنوط الاسبور بس لقيته غالي جدا ومش موجود غير في التوكيل

وعموما النعومة مش هتتاثر كتير لما تنزل من 16 ل 15 عن تجربة لما رفعت من 15 ل 16 ماحستش بفرق كبير

بس انا مستغرب انا اول مرة اسمع واحد بيقول ان الكورولا ناشفة ؟ ؟ ماتكشف على العفشة يا باشا يمكن فيه حاجة لاسمح الله