| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي الطمي يا أم أحمس !! غطيني و صوتي !! - Facebook Twitter whatsapp انشر الموضوع فى :

    hasad">

    ابو الهول بقاله كام سنة قاعد بيحرس الاهرامات

    ..؟ كتير اوي .. فوق الاربعة الالاف سنة .. و الراجل ان جينا للحق شغال ليل نهار ولا عمره زوغ عشان يروح يقابل الجيرل فريند بتاعته .. ولا عشان يروح يقعد مع الفراعنة صحابه في الكرنك كوفي شوب .. و تيتا حتشبسوت راضية عنه و بتدعيله ليل نهار .. ندر عليا لو جبت مجموع كبير في الثانوية العامة يا واد يا ابو الهول و شرفتنا و دخلت معهد خدمة اجتماعية كدة لا ابنيلك هرمين كمان جنب اهرامات العيال خوفو و خفرع و منقرع .. و ماله يا ام سقنن رع .. و ماله يختي .. خللي العيال تنبسط .. و كمان الراجل كان مثال للتفاني و الاخلاص في العمل .. فأي موظف دلوقت اما بييجي يضحي في الشغل .. بيضحي بماهية يوم .. يومين بالكتير .. يضحي بساعتين زيادة يقعدهم في الشغل .. ابو الهول بقي ضحي بمناخيره .. ما اعظمها تضحية .. هيا دي التضحيات ولا بلاش .. تقدر انت تضحي بمناخيرك ؟ تخيل نفسك كدة من غير مناخيرك .. و لكن معقول كل السنين دي ابو الهول قاعد كدة مزهقش .. هوا صحيح جسمه جسم اسد .. انما راسه راس بني ادم .. و راس البني ادم دي طبعا بلوة سودة .. و لذلك ابو الهول به من الادمية ما يكفي ليزهق من القعاد كدة ليل نهار .. و لكن الواضح لنا ان ابو الهول مكسوف .. اكيد مكسوف يطلب اجازة .. مش معقول انا لسة جديد في الشغلانة مبقاليش عشر الالاف سنة .. و اطلب اجازة كدة .. الناس تقول عليا شاب "سيس" ولا ايه .. و مش بعيد خوفو يخصملي تلات الالاف سنة ولا حاجة .. انا عارفه مفتري .. و انا ورايا مصاريف و بلاوي متلتلة .. اشتراك نادي الصيد و مصاريف اخواتي اللي في جامعة 6 اكتوبر .. و البت هاميس عروسة النيل اللي خطبتها من خمسة الالاف سنة و اهي قاعدة علي بال ما الاقي حاجة ايجار جديد نتجوز فيها .. و طبعا طول منا شقيان علي لقمة العيش هيا قاعدة فاضية موراهاش حاجة و ماشية علي حل شعرها .. و رشدي اباظة كان هيعلقها مني في الفيلم .. بس انا مسكتش .. ستر ربنا كان لسة ابيه رع محولي خمسة جنيه .. رحت مديها ميسد .. كنسلت عليا .. عارفة نمرتي بنت اللئيمة .. رحت مكلمها من الشارع عشان متعرفش النمرة .. ايوة يا بت يا صايعة انتي .. ايه مش هنعرف نلمك ولا ايه .. كل شوية نجيبك من مقبرة في قبلي .. من معبد في بحري .. حصلت رشدي اباظة كمان ! الشغل ده مياكلش معايا .. و رحت قافل في وشها و طالب 122 علي طول .. و بوليس الاداب الفرعوني عمل كبسة عليها في بيت رشدي اباظة و العقيد اتون علي اتون دخل عليها و كلمها بالهداوة .. بالذوق كدة مش عايزين شوشرة احنا عندنا ولاية برده .. عودي يا هاميس .. و يوميها علي طول .. خدت اول بيجو و رجعت علي طيبة .. امال .. متقدرش تكسرلي كلمة .. انا راجل حمش .. اقول يمين يبقي يمين اقول شمال يبقي شمال .. انا زمان كان ليا شنب يقف عليه الصقر .. لولا نابليون الله يجازيه .. طير مناخيري فا مبقالوش لازمة الشنب .. و امون الصغير ( ده قريب محمد الصغير من بعيد ) جه حلقهولي .. و بعدين القعدة هنا بصراحة مش جايبة همها .. المرة اللي فاتت جت سليمة .. ان كان علي مناخيري تهون .. انما مين عالم ممكن يحصلي ايه بعد كدة .. خصوصا ان طول النهار بلاقي ناس اجانب جايينلي مخصوص عشان يصوروني و يتصوروا معايا .. اما خلاص بقيت حاسس اني خالد النبوي .. و بعدين الجو هنا حر و هما بيبقوا لابسين من غير هدوم و انا بتكسف يا جماعة .. و الاقي الواد و البت بتاعته راحوا بايسين بعض كدة فجأة و اكن انا كيس جوافة قاعد .. و العسكري ولا بيكلمهم و بيروح بس يتشطر عالواد و البت المصريين اللي بيفكروا لسة انهم يمسكوا ايدين بعض .. و بيعملهالهم قضية "فكر" فاضح في الطريق العام .. و كان فيه بت فرنساوية كدة عمالة تغمزلي و تبصلي من ساعة ما جت .. و انا اهلي فراعنة و ممكن يقطعوني .. المصيبة ان لاقتها عارفة كل حاجة عني و عن عيلتي كلها بنت الايه .. جاية من اخر الدنيا عشان تشوفني بس .. و ولاد بلدي .. تلات تربعهم مكلفش خاطره و جه في زيارة كدة و دخل عليا ببطيخة ولا حاجة في الحر ده .. عليا النعمة لو سألتهم انهي ملك من ملوك الاهرامات التلاتة اللي عينني في طقم السيكيورتي بادي جارد للاهرامات .. اقطع ديلي لو ما نصهم تنحلك .. انا لازم اطلب اجازة و استريح شوية بقي .. يا جماعة انا و عيلتي عملنا اللي علينا و زيادة و عشنا زماننا خلاص .. مش كل بقي ما يسألوكوا علي مصر تقولوا الاهرامات و ابو الهول .. عايزنكوا انتوا تعملوا حاجة تشرفنا زي ما احنا مشرفينكوا في كل حتة .. ماهو مش معقول لو البت الفرنساوية اللي بتعاكسني ليل نهار دي جت و سألتني عن مصر كدة بعد ما عدينا سنة 2000هقولها ايه ؟ انا و الاهرامات ؟! .. انتوا عايزين المزة تفتكرني عبيط ولا ايه .. لالالا .. حالكوا مش عاجبني اليومين دول خالص .. ايه ده .. شباب هايف .. مخدرات .. فساد .. يا خرابي .. الطمي يا ام احمس .. غطيني و صوتي ..نفسي كدة اما نجيب سيرة مصر بدل ما ييجي في الدماغ صورة بروفيل ليا و انا في الشغل ( بحرس الاهرامات التلاتة .. معلش ماهو ده اكل عيشي ) .. ييجي صورة لبلد كبيرة كدة متحضرة فيها صناعة و زراعة و صناعة و اعلام علي مستوي عالي و شباب عنده هدف و طموح و بيبص لمستقبل جميل .. و ناس بتشتغل بجد دكاترة و مهندسين و محاسبين و عمال و فلاحين و حتي فواعلية و بياخدوا علي قد ما بيدوا .. انا زهقت من كتر ما بتجيبوا في سيرتي بصراحة .. كل ما حد يسألكوا عن مصر تقولوله ابو الهول ! هوا مفيش غيري يا ظلمة ! طب وروني بقي هتعملوا ايه .. انا هاخد اجازة و اروح اريح اعصابي في مارينا .. مش كتير .. قيمة الف .. الفين سنة كدة بالكتير .. اما نشوف هتعملوا ايه

    ملحوظة : ده كان مقال نشرته في جريدة الدستور من فترة من منطلق اللعب علي نغمة التاريخ المشرف و نسيان الواقع المهبب




    Leadership is based on inspiration, not domination


  2. #2

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    و الكلام ليكي يا جارة .....طبعا


  3. #3

    الصورة الرمزية محمد السكري

    رقم العضوية : 971

    تاريخ التسجيل : 16Jun2007

    المشاركات : 66

    الاقامة : السعوديه

    الحالة : محمد السكري غير متواجد حالياً

    افتراضي كيفيه تقميع الباميه -

    lمقال فعلا ممتاز هادف عرفت كيف تمزج فيه بين الهزل والجد وأن تضمنه رسالتك الهادفه. كتبت ذلك بأسلوب ساخر يذكرنا بأقلام لها هامه عاليه تعرف ماذا تكتبت وكيف تختار اللفظ المناسب في الجمله المناسبه فعلا احييك علي اسلوب ومضمون المقال ولكن هل تعرف ما اسفني فعلا وجعلني اضحك بسخريه اكثر من السخريه التي تضمنها مقالك...ما اسفني هو عدد من قرأوا المقال وعدد من علقوا عليه لقد قرأه حتي الان 82 شخص وعلق عليه - قبلي طبعا - شخص واحد أما لماذا لم يعلق عليه الباقون فربما هذا خطأك يا سيدي وأنصحك في المره القادمه ان تكتب مقال بعنوان ......عايز اشتري ملابس داخليه بس محتار اجيب اي ماركه .. ..؟ أه والله انت بتضحك ما هي معظم المشاركات ذات المداخلات الكثيره هي من نفس النوع ............. واحد بيسأل ينام علي أي نوع من المراتب والتاني عاوز يعرف يروح المصيف ازاي والثالث بيسال عن سمكري وواحد بتاع دوكو والرابع محتار في نوع السخان والخامس بيسأل عن كهربائي كويس واسعار المكيفات و...يا عمي هات من الاخر وأسال ايه هي مقادير عجه البيض أو الطريقه المثلي لتقميع الباميه.... شوف وابقي قول لي
    تحياتي


  4. #4

    الصورة الرمزية H.ibrahim

    رقم العضوية : 750

    تاريخ التسجيل : 21May2007

    المشاركات : 438

    النوع : ذكر

    الاقامة : مدينة عباد الرحمن بالمعادى

    السيارة: لايوجد حاليا

    السيارة[2]: لادا 2105 موديل94 - 1200cc

    الحالة : H.ibrahim غير متواجد حالياً

    افتراضي -

    طبعا انا فطست على نفسى من الضحك و بعدين فطست من كثر العيط على حالنا فى البلد ديه و املى فى الجيل القادم الجيل الالكترونى يمكن يكون احسن مننا و لنا الله .


  5. #5

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    شكرا ليك علي مجهودك يا باشا
    كلام جميل فعلا:)


  6. #6

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    ايه ده انا مكنتش مصدق هرجع الاقي ردود انا كنت نسيت الموضوع .. انا قلت هو المقال واطي للدرجة دي ولا ايه

    بجد شكرا لكل اللي ردوا (احمد و حازم و اكسبرت) و شكر خاص للأستاذ محمد السكري و كلامه الجميل اللي خلا عندي high hopes بجد متشكر لثناء حضرتك علي الكلام


    Leadership is based on inspiration, not domination


  7. #7

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    أحب اضيف ان مفيش ردود لأن الموضوع طويل .. عادي يعني :)


    Leadership is based on inspiration, not domination


  8. #8

    الصورة الرمزية محمد المشد

    رقم العضوية : 302

    تاريخ التسجيل : 28Apr2007

    المشاركات : 1,013

    النوع : ذكر

    الاقامة : jeddah/ المعادى

    السيارة: اسبرانزا

    السيارة[2]: ستروين

    الحالة : محمد المشد غير متواجد حالياً

    افتراضي -

    المقال جيد وهادف ، ومملوء بالسخرية المحترمة المكتومة ، وبصراحة يسحق فعلاً النشر 000 بس على راى اخونا السكرى لو اتكلمت فى قلى البيض سوف تجد مائة رد 000 بس عايز اعرف مين محمد الصغير دة ( بتاع الكوافير ) ولا تقصد الواد سعد الصغير 000 اصل كلهم قصيرين وصغيرين الفرق مش كبير

    رأى صواب يحتمل الخطأ ورأى غيرى خطأ يحتمل الصواب


  9. #9

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    اقتباس المشاركة الأصلية كتبت بواسطة محمد المشد مشاهدة المشاركة
    المقال جيد وهادف ، ومملوء بالسخرية المحترمة المكتومة ، وبصراحة يسحق فعلاً النشر 000 بس على راى اخونا السكرى لو اتكلمت فى قلى البيض سوف تجد مائة رد 000 بس عايز اعرف مين محمد الصغير دة ( بتاع الكوافير ) ولا تقصد الواد سعد الصغير 000 اصل كلهم قصيرين وصغيرين الفرق مش كبير
    اشكر حضرتك بشدة علي الرد .. :)
    و محمد الصغير ده أحد اشهر الكوافيرات اللي بيتعامل معاها المشاهير .. و ظهر مقر ال beauty center الخاص بهفي بعض الاعمال السينمائية منها (عريس من جهة أمنية) لعادل امام .. و بنت محمد الصغير متجوزة احمد السقا


    Leadership is based on inspiration, not domination


  10. #10

    الصورة الرمزية Ahmed Hassan

    رقم العضوية : 388

    تاريخ التسجيل : 30Apr2007

    المشاركات : 5,576

    النوع : ذكر

    الاقامة : Port Said

    السيارة: N/A

    السيارة[2]: BMW 330i

    دراجة بخارية: N/A

    الحالة : Ahmed Hassan غير متواجد حالياً

    افتراضي -

    hasad">

    أحد أفراد الجالية المصرية في مصر
    دي بقى ضحكتنى اكتر من المقال

    Thanks
    Ahmed Hassan
    When all you have is a hammer, everything looks like a nail



 
صفحة 1 من 2 1 2 الأخيرةالأخيرة

المواضيع المتشابهه

  1. سيستم صوتي للانوس 99
    بواسطة wlelw2003 في المنتدى قســـم الصوتـــيات
    مشاركات: 10
    آخر مشاركة: 13-11-2011, 09:15 PM
  2. أحمس
    بواسطة amado ibrahim في المنتدى المنتــــــدى الاجتمــاعى
    مشاركات: 5
    آخر مشاركة: 08-02-2011, 12:35 PM
  3. قالك سياحة داخلية!! غطيني يا أم خوفو و صوتي!!
    بواسطة MoToRiZeR في المنتدى المنتــــــدى الاجتمــاعى
    مشاركات: 33
    آخر مشاركة: 15-07-2009, 12:06 AM
  4. نظام صوتي
    بواسطة عاشق الفولفو في المنتدى قســـم الصوتـــيات
    مشاركات: 0
    آخر مشاركة: 02-02-2008, 06:55 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2