من فضلكم // ابن عمى عندة اوبل فيكترا وعملت حادثة جامدة و ربنا سترها معاة بس العربية ادمرت عايزة ماتور وشاسية و نصف امامى . هو عايز يعرف اجراءت المرور اية و الاوراق المطلوبة ارجو المساعدة
عرض للطباعة
من فضلكم // ابن عمى عندة اوبل فيكترا وعملت حادثة جامدة و ربنا سترها معاة بس العربية ادمرت عايزة ماتور وشاسية و نصف امامى . هو عايز يعرف اجراءت المرور اية و الاوراق المطلوبة ارجو المساعدة
الف سلامه عليه و كويس انه طلع على خير
موتور ممكن
ده سهل مش مشكله
نص امامى
الأحسن يشترى النص بموتوره من بور سعيد
و مش هيتكلف كتير يعنى 12 او 13 الف بالموتور
بس رقم الشاسيه ليه
رقم الشاسيه تحت الكرسى اليمين
و ده مش بيتباع
هو فعلا ذهب الى بور سعيد ووجد ماتور مع شاسية و نص امامى و نص خلفى لعربية متقطعة و حالتها اكتر من ممتازة علشان كدة هو عايز يغيرهم مع بعض بس مش عارف الاجراءت اية
النص ملوش ورق
اللى ليه ورق الموتور بس
بياخد صورة من الأفراج
و الأصل بيتبعت على المرور التابع ليه
و يروح يعتمد الفاتوره من مرور الدراسه
الف شكر يا اخ طنانى على اهتمامك انت فعلا انسان محترم
العفو و تحت امرك فى اى استفسار
اولا حمدلله على سلامة ابن عمك
وسلامى لطنانى
بس بس احب اوضح انه فى الحوادث اللى بتكون محتاجه تغيير نص او ربع وبيكون مستحيل تصليحه ساعتها المرور لازم يديك ورق بتغييره بعد كشف المهندس بتاع المرور عليها ده لو انت عاوز تمشى قانونى وخايف لا الحكايه تنكشف اما لو عاوز تعملها من غير الحوار ده يبقى لازم تدور على سمكرى ابن شياطين عشان ميبانش عليها (خد بالك عندنا فى اسكندريه بيخربشوا العربيات بالصاروخ عشان موضوع التغيير ده)
اما بالنسبه للموتور زى ما طنانى قالك بالظبط والموتور بيكون على التجربه تقريبا 6 شهور
واسأل عند رضا عندنا فى اسكندريه الاول ممكن تجيبه اقل من بورسعيد وممكن اساعدك فى انك تجيبه اقل لاننا بناخد منه شغل للورشه عندنا وبنبعتله زباين وهو بيقوم بالواجب بصراحه
الف شكر يا اخ شريف