الموضوع: حد عاوز حاجة من بورسعيد؟

اسمعوا بقي الحكاية يا جدعان :D:D
اللي حصل كالتاتي
خلصت الامتحنات من هنا بفارغ الصبر
لقيت نفسي قدام عربيتين و بيك عاوزين يتشدو شدة جامدة
وزاد عليهم عربية الوالد اتخبتط وهيا واقفة
(128 عاوزة عربية من جديد عشان ترجع عربية :D )
(بومة مفيهاش حاجة بس قولت ادلعها )
(فيكترا لسة جديدة اتخبتط وهي مركونة وجابت اكصدام وفوانيس ورادياتير و شاسية اللي ماسك الوش واللي خبطها جري )
(cbr250rr بقالو فترة مركون وعاوز شدة تمام بوجيهات علي تنضيف كاربراتير علي شوية حاجات فوق بعض كدا وقلت بالمرة اغير شكمان علي هيدر علي شوية حاجت )
تاني يوم ما خلصت امتحان نزلت لصديق العمر قولتلة متساعدني في الحكاية دي الراجل مقصرش الصراحة
فضلنا واقفين نتفرج عليهم وقالي متيجي نروح بورسعيد
قولتلة انا معرفش اي حاجة هناك
وانا ناسي انو بورسعيدي :D

قعدنا ندور مين ناخدو معانا نتسلي علي في الطريق كل اللي نتصل بية يا نايم يا مشغول
مفيش غير واحد بس اللي جه
اتفقنا نروح ننام ونظبط الدنيا ونطلع 4 الفجر
الساعة 2 لقيتة بيتصل بيا بيقولي انا تحت بيتك انزل
والبيكات جاهزة وهنشد الرحال
خلاص لسة هنتحرك البيك بتاعة حلف ما يدور تاني :D قولتلهم بس اركنو في الجراش ويالا بالعريبة وطلعنا بالفعل وتهنا 6 مرات بس عشان نروح الطريق الصحراوي
واحنا ماشيين الاخ تليفونة فصل شحن راح واخد موبيلي و ارغي للصبح وبعد ما خلص لقيت الموبيل عندي بيفصل
الساعة 6 الصبح كنا في بورسعيد
وداني عند واحد بتاع فول و طعمية وقالي جامد
جبنا 29 سنودشت :D والراجل مستغرب انهم ل 3
نيجي ناكل فول نلاقي علية بتنجان وبطاطس ناكل فلافل نلاقية عليها بتنجان وبطاطس وفول :D
المهم كنا بناكل علي البحر خلصنا اكل ونزلنا البحر في عز التلج
بعد ما تلجنا قلنا كفاية لعب بقي نشوف الجد
نزلنا بنك الاسكان كانت المحلات لسة بتفتح لفينا هناك لفة واستغربت جدا ان الاسعار هناك تعتبر نفس الاسعار عندنا روحنا الحرفيين كلها ورش
قلنا نلف علي محلات البيكس كنا عاوزين نغير
رحنا الاستثمار لقينا هناك 3 محلات سالنا فيهم
cbr250rr عامل 17 الف وهيجي كمان 15 يوم
cbr400rr عامل 27 الف ومن هنا لهنا قالنا جهز الفلوس وفيه كلام تاني
cbr 600 قالك بردة كمان 15 يوم وعامل 38 الف
cbr919 عامل 36 الف
cbr954 عامل 44 الف
cbr 1000 2005 عامل 50 الف
gsxr 1000 2008 عامل 78 الف
gold wing عامل 95 الف
بس الصراحة بيكات مفيهاش خربوش واحد حتي الكوتش لسة بشوكة

قولت اتصل بالاستاذ محمد اسلم عليه ويبقي ليا الشرف اني اشوفو الموبيل حلف لايفصل شحن دلوقتي يعني دلوقتي
جالي انهيار عصبي

واحنا ماشيين بقي لقينا عربية جولف بتوقفنا لسة هننزل نتخانق لقيناه بيقولنا عاوزين عربيات بربع التمن قولنا اشطي قال تعالو ورايا دخل مخازن العربيات
وجالي شلل من اللي شوفتة
octavia a4 2005
الموتور لسة بيعرق ومفيهاش خربوش
تخيلو ب 45 الف
دا ابسط مثال
وشفت شوية عربيات
طيب اية قصتها يعم الحج
يئما تشوف حد يصرف الجمارك يئما تاخد بقي من دول بتوع المعوقين وتظبط الدنيا
قولتلة اعتبرني يا سيدي معوق ذهنيا ونخلص الموضوع :D قالي لا ايد او رجل ومينفعش الاتنين مع بعض

المهم خلصنا ومشينا وحصلت بقي خناقه بين الاتنين اللي معايا وقفلة اليوم
رحنا جبنا جمبري و كابوريا وسمك
وشويناهم واكلنا اكل يا جدعان انا حاسس انو هيفضل معيا الفسفور دا لحد متجوز :D
5 كيلو جمبري و زيهم كابوريا و 3 كيلو سمك
الخناقة بقي ان واحد كان عاوز يدفع 10 جنية بس غدا :D طبعا اكيد عارفين الالفاظ اللي اتقالتلو :D:D
اكلنا وقلنا هيا بنا كي نعود اللي المنزل اللي معايا نامو وانا مش عارف الطريق لقيت ناس واقفين كتير قلت اكيد الجمرك ووقفت اتاريها عبارة
وبعد كدا قلت هعملها فيهم ومش هنروح
المهم طوالي علي الاسكندرية :D:D:D
400 كيلو اتاخدو في 3 ساعات او اقل
صحيو اية دا احنا فين قولتلهم حزرو فزرو
طلعنا شقتنا هناك وريحنا شوية
ولفينا شوية واتعشينا وقعدنا شوية في كارلوس وشيشنا
و رحنا طالعين من هناك علي الطريق علي 3 الفجر كدا طبعا قولتلة سوق شوية انا جاي استبحس اسكوانا في المننس من السواقة ونمت انا صحيت بقي لقيت نفسي فين :D
العين السخنة
قالك عشان يبقي لفينا مصر اتغدينا هناك جرينا ورا اسراب القريدس شوية واتقرسنا وروحنا


كانت شوية ايام ميعلم بيهم الا ربنا
طبعا رجعت وانا بغني
تعالي يا سريري يا حبيبي
وطبعا بعد الاستقبال الموشح(كانو بيفتكروني عملت حادثة وموت ولا اتقتلت في الطريق عشان الموبيل فصل )

واستكمالا لهذه المغامرة الاستكشافية في رحلة قادمة الي المنوفية و الاسكندرية تاني (خاطب من هناك فكل شوية رايح جاي كل يومين تلاتة )
و مطروح والسلوم والسويس وشوية محافاظات كدا
ها مين جي ؟؟؟؟؟

الحمد لله على سلامتك اولا
بس كانت شكلها رحلة حلوة هههههههه

شوية صور بقي عشان تتشجعو وتيجو المرة الجاية
بس ان شاء الله تبقي بالبيك

لحظة التجهيز للرحلة الشاقة

الوحش يستعد للانظلاق

الوحش ينطلق والاسفلت بيشتكي منو

الوحش الياباني في وسط العربيات النقل (طبعا بقي معزة لما سمع كلمة نقل)

هدنة في الطريق :D

الماكينة اليابانية عند الوصل ترتاح لبرهة كي تشد الترحال مرة اخري:D
وطبعا زليطط زي محنا شايفين :D

من كتر منا فرحان بالوحش واحد ربنا يسامحة خبطها وجري :D

البحر في وسط سقيع صباح بورسعيد

بعد الاكل الواحد سخن من كتر السندوشتات اللي كلها شبه بعض :D:D

النص التحتاني دفيان واللي فوق بيتكتك

الواحد مش عاوز يطلع من كتر السقعة :D

الطريق الي السخنة

جبال السخنة

بحر السخنة

طوب السخنة

ام الليلة السخنة :D:D:D

الوحش القاتل في طريق العودة
بعد ما اتغسلت ونضفت
مش تحسو انها في بلاد برا كدا :D

وفيه صور كتييييييييير بس الصراحة زهقت :D
الميموري بتاع الكاميرا كان بيتف عليا من كتر من عمال اصور عمال علي بطال :D

المشاركة الأصلية كتبت بواسطة alfath8

الحمد لله على سلامتك اولا
بس كانت شكلها رحلة حلوة هههههههه

الله يسلمك يا محمد باشا
والله العظيم لو فضلت احلف من هنا للصبح اني زعلان جدا اني مشوفتش حضرتك مش كفاية بردة

بس ان شاء الله انا نازل تاني عشان اشوف حضرتك