ايه رايكم بمكان فلتر الهواء الرياضي "بروتون واجا"

**nedaloo** · 25-01-2012 07:59 PM

ازيكم ياجماعة ....
النهاردة ركبت لعربيتي فلتر هواء رياضي ... ودي الصورة ..
http://www8.0zz0.com/2012/01/25/17/248086404.jpg
عايز اعرف رايكم لو كان مكان التركيب خطأ مثلا .....
العربية فرقت جامد من ناحية الصوت والسحب خصوصا على السرعات العالية ...
بخصوص المصروف هيزيد ولا ايه ؟؟؟ .....
تحياتى

**eng.m7md.ali** · 25-01-2012 08:19 PM

ده يعتبر مكان طبيعي لان الهوا علطول بيجي من الحتة اللي تحت الكابوت اللي بتدخل الهوا في فلتر الهوا الاصلي

الف مبروك عليك واكيد المصروف لازم يزيد مدام عايز تسمع صوت عالي

**nedaloo** · 25-01-2012 08:35 PM

المشاركة الأصلية كتبت بواسطة eng f3lix

ده يعتبر مكان طبيعي لان الهوا علطول بيجي من الحتة اللي تحت الكابوت اللي بتدخل الهوا في فلتر الهوا الاصلي

الف مبروك عليك واكيد المصروف لازم يزيد مدام عايز تسمع صوت عالي

ربنا يبارك فيك ياباشا كنت بفكر الاقي طريقة عشان ادخل هواء بارد اكثر
لو عندك فكرة للموضوع ده ياريت تساعدني عشان عاوز اخد افضل اداء من الفلتر
والمشروع القادم باذن الله هيكون بوجيهات رياضية ngk
بخصوص المصروف هو حاليا 145 للصفيحة يبقى بعد الفلتر هيبقى ايه ..
فعلا موضوع المصروف اكبر عيب في الواجا حتى مهندسين التوكيل ماعندهومش حل

بالنسبة لي الموضوع ده بيزعجني لكن تفكيري باني راكب عربية رياضية
"الاحساس مش يعني واقع (:" خصوصا لما بدعس البنزين للاخر

ده بخليني اتغاضى عن موضوع المصروف .......

**eng.m7md.ali** · 25-01-2012 08:51 PM

148 كم في الصفيحة؟؟
ده طبعا قليل زي عندي بالظبط محدش عارف يحل المشكلة دي .. وكل اللي أسألهم يقولي على الاقل هتعمل 180 كيلو في الصفيحة مدام داخل البلد
لو عايز مكان احسن من كدة هيبقى لازم تفك الاكصدام وتحطه جنب الريدياتير وده طبعا حوار

**Formulator** · 26-01-2012 03:31 PM

مبروك يا باشا على الفلتر,
بالنسبة لأستهلاك البنزين..
- قبل وبعد الفلتر: المفروض لو هتسوق نفس السواقة (من غير شد وحرق), انه يوفر معاك من 6-10% لو ماركة زى K&N ولا Apexi..
لأن الفلاتر السبور (أو الـHigh-Flow) بيقلل الـrestriction بتاع سحب الهواء اللى بيعمله الـAir-Box بتاع الفابريقة, فـ هتقلل الـpumping loss.. وبالتالى استهلاك البنزين.

لكن لو هتشد وتحرق وتجرى.. توقع الأستهلاك يزيد, ممكن برقم مزعج كمان.. يعنى 20-25%..

- بالنسبة لأستهلاك الواجا تحديدا (أو مواتير الـCampro) عموما للبنزين:
الأرقام اللى بتقولوها دى كبيييييييييييرة جدا على موتور 1.6 2-كامة وفيه VVT اللى هو الـCAM-PROfile...؟؟؟!!
يعنى أيه 150 كم/ صفيحة..؟؟ أو 13.5/14 لتر لكل 100 كم.. ده رقم مش طبيعى أبدااااا..

هقول اقتراح من غير شتيمة ولا ضرب..
حد جرب يشوف معدل الأستهلاك ببنزين 95 عامل ازاى, بس تفويلتين ورا بعض..؟؟!!! أصل المواتير دى متطورة سيكا عن الكورى واليابانى. سواء الـCPS أو الـIAFM بتوع بروتون.

Edit: عندنا فـ مواتير الـT-JET, واصحابى بالـTSI.. استهلاك البنزين بيقل برقم خزعبلى مع الـ95 عن الـ92 (بصرف النظر عن الكركرة وضعف السحب مع 92)..؟؟!!!
يعنى الـ92 مايعملش 200 كم فـ الصفيحة, الـ95 ممكن يوصل 230-250 كم فـ الصفيحة, أقل واجب 220 كم..؟؟؟!!
واعتقد الموضوع مش بس عشان التربو, لأ, دى شغلانة كامات وignition timing وكده..!!

**moha4tec** · 26-01-2012 11:25 PM

السلام عليكم
حضرتك كده احتمال يسحب هوا سخن و مش هيظبط باعلى اداء
ممكن تركب ماسوره فلكسبل مرنه من جنب الفوج و تسحب الهوا الساقع من برا و توجهها على الفلتر و يا سلام لو تغير مكان الفلتر تقربه من الاكصدام و لتحت شويه قريب من الفوج لايت
و ان شاء الله هتلاقى نتيجه احسن
او ممكن تعمل كده و تقفل صندوق مطاط حوالين الفلتر و تعزله عن الموتور و الهوا السخن و ان شاء الله هبقى اجيبلك صور بيهم بس ممكن لعربيات تانيه بس نفس الفكره
و ربنا معاك

**Formulator** · 29-01-2012 11:48 AM

المشاركة الأصلية كتبت بواسطة moha4tec

ممكن تركب ماسوره فلكسبل مرنه من جنب الفوج و تسحب الهوا الساقع من برا و توجهها على الفلتر و يا سلام لو تغير مكان الفلتر تقربه من الاكصدام و لتحت شويه قريب من الفوج لايت
و ان شاء الله هتلاقى نتيجه احسن

+111
فعلا المكان اللى جنب الفوج ده Approved من Tuners كتييييييير..
بيدخل Cold-Air فعلا, وبيقولوا انه بيفرق فـ كام Horsepower من مكان لمكان فـ الـinduction kits العالية..؟؟!!!

او ممكن تعمل كده و تقفل صندوق مطاط حوالين الفلتر و تعزله عن الموتور و الهوا السخن

بعد اذنك يا محمد, سيبلى أنا الطلعة دى,

انا كنت بعمل Search أصلا عـ الموضوع ده..
زى كده:

الـintake ده مشهور أوى فـ الأمريكانى, وفعلا بيعمل عزل جاااااااااامد للسخونة من حوض الموتور..!!

**moha4tec** · 29-01-2012 11:42 PM

المشاركة الأصلية كتبت بواسطة formulator

بعد اذنك يا محمد, سيبلى أنا الطلعة دى,

انا كنت بعمل search أصلا عـ الموضوع ده..
زى كده:

الـintake ده مشهور أوى فـ الأمريكانى, وفعلا بيعمل عزل جاااااااااامد للسخونة من حوض الموتور..!!

الله ينور عليك يا كبير .

**Sehsss** · 30-01-2012 11:29 PM

المشاركة الأصلية كتبت بواسطة formulator

مبروك يا باشا على الفلتر,
بالنسبة لأستهلاك البنزين..
- قبل وبعد الفلتر: المفروض لو هتسوق نفس السواقة (من غير شد وحرق), انه يوفر معاك من 6-10% لو ماركة زى K&N ولا Apexi..
لأن الفلاتر السبور (أو الـHigh-Flow) بيقلل الـrestriction بتاع سحب الهواء اللى بيعمله الـAir-Box بتاع الفابريقة, فـ هتقلل الـpumping loss.. وبالتالى استهلاك البنزين.

لكن لو هتشد وتحرق وتجرى.. توقع الأستهلاك يزيد, ممكن برقم مزعج كمان.. يعنى 20-25%..

- بالنسبة لأستهلاك الواجا تحديدا (أو مواتير الـCampro) عموما للبنزين:
الأرقام اللى بتقولوها دى كبيييييييييييرة جدا على موتور 1.6 2-كامة وفيه VVT اللى هو الـCAM-PROfile...؟؟؟!!
يعنى أيه 150 كم/ صفيحة..؟؟ أو 13.5/14 لتر لكل 100 كم.. ده رقم مش طبيعى أبدااااا..

هقول اقتراح من غير شتيمة ولا ضرب..
حد جرب يشوف معدل الأستهلاك ببنزين 95 عامل ازاى, بس تفويلتين ورا بعض..؟؟!!! أصل المواتير دى متطورة سيكا عن الكورى واليابانى. سواء الـCPS أو الـIAFM بتوع بروتون.

Edit: عندنا فـ مواتير الـT-JET, واصحابى بالـTSI.. استهلاك البنزين بيقل برقم خزعبلى مع الـ95 عن الـ92 (بصرف النظر عن الكركرة وضعف السحب مع 92)..؟؟!!!
يعنى الـ92 مايعملش 200 كم فـ الصفيحة, الـ95 ممكن يوصل 230-250 كم فـ الصفيحة, أقل واجب 220 كم..؟؟؟!!
واعتقد الموضوع مش بس عشان التربو, لأ, دى شغلانة كامات وignition timing وكده..!!

-

الموضوع: ايه رايكم بمكان فلتر الهواء الرياضي "بروتون واجا"

LinkBack

أدوات الموضوع

عرض

ايه رايكم بمكان فلتر الهواء الرياضي "بروتون واجا" - انشر الموضوع فى :

-

-

-

-

-

-

-

المواضيع المتشابهه

تقرير عن بروتون واجا " مميزات / عيوب "

قائمه متجدده بأسعار قطع غيار و صيانات بروتون واجا " داخل و خارج التوكيل "

المواصفات الفنية الكاملة لتحفة بروتون " واجا "

(منقول) "بروتون واجا" بسعر جديد وأيضا بالتقسيط

عز العرب" يطرح "بروتون واجا" الجديدة

الكلمات الدلالية لهذا الموضوع

المفضلات

المفضلات

ضوابط المشاركة