الموضوع: لملاك نيو أكسنت 2006-2011 .. سؤال عن التابلوه

ناس كتير راكبه الاوبترا ومش بتشكر فى عفشتها
لكن النيو اكسنت عفشتها كويسة جدا خصوصا وانا مجنط 16 وليا اصحابى مجنطين 17 ومحدش اشتكى من العفشة
غير كده النيو اكسنت من جوه افخم بكتير من الاوبترا وشكلها الخارجى احلى منها بكتير
لكن بصراحة هى فقيرة فى الكماليات وده مش عيبها ده عيب غبور

ناس كتير راكبه الاوبترا ومش بتشكر فى عفشتها لكن النيو اكسنت عفشتها كويسة جدا خصوصا وانا مجنط 16 وليا اصحابى مجنطين 17 ومحدش اشتكى من العفشة

ماحستش ان عفشتها وحشة بأي شكل من الأشكال. بل بالعكس عفشة النيو أكسنت هيا اللي طرية شوية (من الآخر عشان غبور مركبلها جنوط أقل فا لما بتعلي الجنوط بترجع للحالة الأصلية بتاعتها). بس دا برضه بيبقي ميزة لبعض الناس اللي مابتحبش تحس بأي حاجة وهي سايقة. أنا عن نفسي باحب أحس شوية بالأرض تحتي عشان غير كدة باحس اني ماشي علي مهلبية.

غير كده النيو اكسنت من جوه افخم بكتير من الاوبترا وشكلها الخارجى احلى منها بكتير

اعذرني بس أنا العربيات السابقة ليا: بوينتر - كليو - جولف 2 - لانوس وعربية الوالد مابركبهاش أساسا فا بالنسبة لي نيو أكسنت أو اوبترا الاتنين شكلهم كويس جدا. بس فيه احساس ان النيو أكسنت حد قطعها من ورا.

لكن بصراحة هى فقيرة فى الكماليات وده مش عيبها ده عيب غبور

سواء كان عيبها أو عيب غبور فا دا يهمني فقط في اني أعرف هل الحاجة دي موجودة ف العربية اللي قدامي حاليا ولا لأ. وزي ما قلت في مشاركة سابقة أنا مش حاجيب ولا دي ولا دي. حاجيب حاجة مستعملة ع القد حاليا ومنشن ع الريو الجديدة هاي لاين كمان سنتين ان شاء الله منها زيرو ومنها أدخل ف الجيل الجديد من العربيات اللي لسة نازلة. وأهو بالمرة تكون انتشرت واتعرف في مشاكل فيها ولا لأ.

فكرة ممتازة وربنا يوفقك فى تنفيذها

المشاركة الأصلية كتبت بواسطة el_nahal2004

اركب ازاى مرايات كهرباء للنيو اكسنت انا معايا نفس الموديل بتاعك
وهل انت مركبها؟

انا اسف على عدم الرد السريع بخصوص المراية انا لسا مركبتهاش بس معاية واحد صحبى مركبها بتركب عادى وبتشتغل مع السنتر لضمها بس بجد شكلها تحفة

انا كنت سالت علي سعر المراية في التوفيقيةامبارح لاقيتها عامله 140 للمراية الواحده فقط يمين او شمال وطلعت كمان كهربا يعني سعر ممتاز هي الراجل قللي انها صيني بس وايه يعني كله بيتكسر في الاخر المهم سعرها عجبني