مصري طلع رخصه في اوربا يقدر يسوق في مصر؟

**faraonco** · 26-01-2012 05:20 PM

المشاركة الأصلية كتبت بواسطة MASERATI

دانا ما شاركتش في الثوره وغصب عني وكل الناس لما تعرف اني مصري يقولوا انتوا من يومكم ابطال وعظماء.العظمه لله

السلام عليكم و رحمة الله و بركاته

سيادتك بتسأل أسئلة صعبة أوى, و كل ما أقرأ سؤال ألاقيه صعب و أقول يمكن اللى بعده يطلع أسهل منه, ألاقيه أصعب منه.

أنا من رأيى أنك ممكن تقضى الأجازة دى فى بولندا أو فى أى بلد أوروبى و خلاص, على ماتبقى تنزل مصر مرة لوحدك كده و تكون هتقضى فترة فى مصر عشان تتعلم السواقة فى مصر.

**faraonco** · 26-01-2012 05:24 PM

المشاركة الأصلية كتبت بواسطة mostafabakry

اولا اهلا و سهلا بحضرتك في بلدك

نفسي اتاكد هل ممكن اسوق برخصه الاتحاد الاوربي في مصر؟وان كان لا .يبقي الحل ايه؟
اولا نصيحة مني بلاش تنزل بعربيتك الجو هنا مش أمان خالص

بصراحة مش متأكد ان كان ينفع تسوق بالرخصة الدولية و لا لأ
بس انا كان ليه واحة قريبي في السعودية و عامل هناك رخصة دولية. و بيسوق فيها في مصر
بالنسبة لموضوع السواقة في مصر و خصوصا القاهرة الكبري فأكيد حضرتك بتشوف الزحمة الرهيبة فيها عامله ازاي و السواقة فيها تحدي صعب و حرقة دم و هتخليك تندم علي انك قررت تزور مصر

انا رأيي تأجر عربية بسواق في كل بلد حضرتك هتنزل فيها

و حضرتك ممكن ترتب مع شركة سياحية محترمة و كتير الشركات دي و خم هيظبولك برنامج كويس لزيارة كل معالم مصر من إسكندرية لا بوسمبل في اسوان

و ممكن كمان تتعرف علي توليدر كويس اكيد هيكون أرخص من شركات السياحة و هيلف معاك كل الاماكن وهو هيتصرف في كل حاجة طبعا بعد موافقتك

اصلا الجو حاليا مريح و هتلاقي الأسعار في المعقول و كمان هتقدر تتكلم في الاسعار

و ان شاء الله تكون رحلة سعيدة

**faraonco** · 26-01-2012 05:32 PM

هي الاهرامات والمتحف وخان الخليلي امان ممكن الواحد يتحرك مع اجانب دون خوف عليهم

**أحمد كمال** · 26-01-2012 07:19 PM

المشاركة الأصلية كتبت بواسطة faraonco

هي الاهرامات والمتحف وخان الخليلي امان ممكن الواحد يتحرك مع اجانب دون خوف عليهم

ايوة عادي جدا .......

**m_kamal** · 04-03-2012 08:40 AM

السلام عليكم يا باشا
انا كنت نفس وضعك بس رخصتى من الكويت
بتنزل مصر تروح المرور تعمل حاجة اسمها (استبدال رخصة)
يعنى تستبدل رخصتك الاجنبية برخصة مصرية .. هو مش استبدال ولا حاجة لأنهم مابيخدوش رخصتك الاجنبية ... بتروح تعمل كشف طبى و تشترى ملف و تمتحن (نظرى فقط) و تستلم رخصتك الجديدة (بدون تسليم رخصتك الاجنبية) ...
و ااجراءات كلها بتاخد 3 او 4 ساعات ... و ده طبعا على حسب التساهيل ,,, بس الكلام ده كان من 6 سنوات ... علشان لو لقيت الدنيا اتغيرت ماتدعيش عليا بس :)

بالنسبة للسواقة فى مصر .. بتحس الاول ان هيجيلك انهيار عصبى ... بس هما 3 او 4 ايام يا باشا بتلاقى الدنيا ظبطت معاك و بتمشى تاخد الغرز من الناس كمان :)

و اجازة سعيدة ان شاء الله

**أحمد كمال** · 04-03-2012 10:57 PM

المشاركة الأصلية كتبت بواسطة m_kamal

السلام عليكم يا باشا
انا كنت نفس وضعك بس رخصتى من الكويت
بتنزل مصر تروح المرور تعمل حاجة اسمها (استبدال رخصة)
يعنى تستبدل رخصتك الاجنبية برخصة مصرية .. هو مش استبدال ولا حاجة لأنهم مابيخدوش رخصتك الاجنبية ... بتروح تعمل كشف طبى و تشترى ملف و تمتحن (نظرى فقط) و تستلم رخصتك الجديدة (بدون تسليم رخصتك الاجنبية) ...
و ااجراءات كلها بتاخد 3 او 4 ساعات ... و ده طبعا على حسب التساهيل ,,, بس الكلام ده كان من 6 سنوات ... علشان لو لقيت الدنيا اتغيرت ماتدعيش عليا بس :)

بالنسبة للسواقة فى مصر .. بتحس الاول ان هيجيلك انهيار عصبى ... بس هما 3 او 4 ايام يا باشا بتلاقى الدنيا ظبطت معاك و بتمشى تاخد الغرز من الناس كمان :)

و اجازة سعيدة ان شاء الله

مش كل البلاد معاها اتفاقية استبدال رخصة ...... الكويت معاها ..... الله اعلم بولندا برضه و لا لأ

**Ahmed Selim** · 05-03-2012 12:32 PM

أنا ليا واحد صاحبى مصرى بولندى و كان شغال تورجايد فترة كبيرة......و ممكن يساعد سواء بترتيب برنامج كويس أو يدلك على شركة سياحة كويسة.

ممكن تبعتلى أيميلك على الخاص لو عاوز تراسله.

بالنسبة لإيجار العربيات......واحد صاحبى كان نازل مصر فى رمضان اللى فات و كان بيدور على عربية إيجار من غير سواق.........الشركات الكبيرة زى هرتز و يوروكار و خلافه هتاخد حوالى 4500 إلى 500 جم فى الشهر فى عربية سيدان صغيرة إلى متوسطة......زى رينو كليو او رينو سيمبول.

**أحمد كمال** · 18-03-2012 04:26 PM

المشاركة الأصلية كتبت بواسطة mohamed_rashad

السلام عليكم و رحمة الله و بركاته
بعد إذن حضرتك, النقطة رقم (1): متأكد منها؟!
أنا لدي رخصة قيادة إتحاد اوروبي و بسوق بيها في مصر عادي جداً و أكثر من مرة, أظهرتها في لجان مرور دون أي مشكلة!
و الأخ صاحب السؤال يحمل رخصة قيادة بولندية (إتحاد أوروبي و شينجن)!

شكراً

لو هيطبقوا عليك القانون بحذافيره ما ينفعش ...... انت عارف ان فيه فرق كبير في مصر بين القانون و ما يتم تطبيقه (زي اللي بيسوق عربيته الزيرو من المعرض للبيت للمرور من غير لوح و بتمشي بس قانونا ما ينفعش و المفروض يا ترفعها على ونش يا تجيب نمر تجارية) ...... بس لو حبوا يطبقوا القانون عليك هيطبقوه (و حصلت مع عضو معانا)

لو حضرتك مصري او أجنبي مقيم بمصر (معاك تاشيرة اقامة مش زيارة و لا سياحة و لا اقامة سياحية) ما ينفعش تسوق غير برخصة مصري

لو البلد اللي معاك رخصتها عاملة اتفاقية تبادل رخص هتروح المرور تديهم صورة منها و شهادات باطنة و نظر و تدفع الرسوم و تاخد المصري زي الباشا من غير امتحان و لا بتاع

بس تسوق من غير استبدال ممنوع

-

الموضوع: مصري طلع رخصه في اوربا يقدر يسوق في مصر؟

LinkBack

أدوات الموضوع

عرض

-

-

-

-

-

المواضيع المتشابهه

مناقشة هادئة لموضوع مصري و مش مصري

جن يسوق موتوسيكل

مين أول ما بدأ يتعلم يسوق بدأ على عربية زيرو ؟

إلي يعيش ياما يسوق

حد يجي يسوق عربيتي

الكلمات الدلالية لهذا الموضوع

المفضلات

المفضلات

ضوابط المشاركة