مساعده من شباب دمياط و دمياط الجديده خصوصا

السلام عليكم ورحمه الله وبركاته
دلوقتي انا ان شاء الله هنزل دمياط اتفرج على الفرش بتاع الشقه يعني نوم وسفره وانتريه وصالون واطفال
وانا بدعبس كده في النت لقيت معرض او مصنع اسمه ياسر العوضي هو مكانه في دمياط الجديده
المهم الموقع بتاعه على النت عارض حاجات تحفه و اسعاره تقريبا كويسه لاني شفت سفره في معرض في مكرم عبيد كانت ب 34000 لقيتها عنده نفسها بالظبط ب 14000 بس :Copy of majd(4):

وهو عنده تقريبا كل حاجاه نوم وسفره وانتريهات وكل حاجه فأنا قلت لو حاجته كويسه اجيب كله من مكان واحد وخلاص
السؤال بقه هل ياسر العوضي ده حاجاته كويسه ولا اي كلام يعني حد جربه او سمع عنه حاجه كويسه او وحشه يفيدني ضروري الله يكرمكم
وفي معرض في دمياط اسمه الحناوي هل ده كويس
وياريت برده لو في معرض كويس مضمون واسعاره كويسه ترشحوهولي يبقى خير وبركه بس الاهم في الاهم هو معرض ياسر العوضي ده هو في دمياط الجديده عند قصر الثقافه تقريبا عند الصعيدي انا مروحتوش قبل كده بس كلمتهم سألتهم على العنوان
وجازاكم الله خير ونرودهالكم في الافراح ان شاء الله :_Alshmokh15[1]:

شوف انا من دمياط
اول حاجة انا تاجر موبيليا
شغل المصانع اللى فى دمياط الجديده للعرض والشغل اللى هاتشتريه هايتعملك يعنى بالطلب
انت تنزل دمياط نفسها وتدور فى المعارض على اللى انت محتاجه
وانت ممكن تكتبلى الميزانيه بتاعتك وعايز ايه بالضبط وانا ان شاء الله ادلك على كام معرض تحفه
( ملحوظة )
مش هاكتب المعرض بتاعى علشان ماتفكرش انى بضحك عليك ههههههههههههههههههههههههه ههههه
ربنا يوفقك للصالح ليك

انا عاوز اشتري سفره ونوم ونوم اطفال
انا منزلتش دمياط لسه هنزل ان شاء الله الاسبوع اللي جاي
وانا هنز الف واتفرج فعلا يعني مش هنزل اشتري على طول بس هنزل اخود فكره عن الاسعار والموديلات
وفي حاجه انا ان شاء الله هجيب كل حاجه مودرن عشان حجمها بيكون اصغر شويه وانا عندي المساحه بتعت الريسبشن من كبيره فانا كنت بسأل يعني قبل منزل مين المعارض الكويسه المضمونه وفي المعقول يعني بلاش الاسعار الهلاميه اللي هي السفره ب 35000 والنوم ب 25000 والكلام ده لاني شوفت الاسعار دي واكتر من كده كمان في الاقاهره وبعدين لما شوفت ياسر العوضي بالصدفه على النت لقيت عنده موديلات كتير وعنده تقريبا كل حاجه فقلت اسأل عليه اخبار شغله ايه
وعموما ممكن حضرتك برده تقولي لو في معارض كويسه شغل مودرن واسعارها معقوله وعادي ياباشا قولي برده على معرضك عادي :)
وممكن برده لو حد مجهز شقه قريب يقولي برده جاب منين وعمل ايه

اول مره اسمع عن ياسر العوضى ده مين ؟
والحناوى ده جارى على طريق بورسعيد
شغله كويس جدا وعنده معرض ف دخلة القاهره كده
حماده هيقولك على كم معرض تمام ان شاء الله
انا برده تاجر موبليا بس ولا كانك شفتنى بقى ههههههههههه

ده مصنع في دمياط الجديده ياباشا وليه معرض برده في دمياط الجديده
وده لينك الجروب على الفيس بوك بتاعه
https://www.facebook.com/update_secu...group_activity

وبعدين يا جماعه انصحوني طيب هو كل واحد داخل يقول مليش فيه :))

ايه
هو دخول الموضوع زى خروجه ولا ايه
ياريت نصائح بقى
الخشب يتعرف انواعه ازاى
الدهانات ايه عيوب ومزايا كل دهان وازاى برده يتعرف الفنيش بتاعها كويس ولا لا
الموضة - لو امكن - ايه دلوقت
رنج الغرف كام
نوم
سفرة
صالون
انتريه
نتمنى الاستفادة منكم ومن خبرتكم

اقتباس:

---

المشاركة الأصلية كتبت بواسطة A.Saad

ايه
هو دخول الموضوع زى خروجه ولا ايه
ياريت نصائح بقى
الخشب يتعرف انواعه ازاى
الدهانات ايه عيوب ومزايا كل دهان وازاى برده يتعرف الفنيش بتاعها كويس ولا لا
الموضة - لو امكن - ايه دلوقت
رنج الغرف كام
نوم
سفرة
صالون
انتريه
نتمنى الاستفادة منكم ومن خبرتكم

---

فعلا ياريت

أنا لسة مشتري عفش أخي الأسبوع الماضي من دمياط ... وكما حدث مع كل إخوتي اشترينا الغرف على الخشب الأبيض بدون دهان أو تشطيب ... بعد ذلك نختار الألوان التي نريدها والأقمشة التي نرغب في تنجيد المقاعد بها ونتفق مع الورش وندفع عربونا ونتفق على ميعاد التسليم الذي عادة ما يكون بعد حوالي شهر في الشتاء وشهرين في الصيف ...
التكاليف
غرفة نوم ( خشب 7000 + 2500 دهان + حوالي 1500 رخام وزجاج وإكسسوار)
سفرة ( 8000 خشب + حوالي 2500 دهان + حوالي 2000 رخام وزجاج وإكسسوار)
أطفال ( 4000 خشب + حوالي 2000 دهان + حوالي 500 زجاج وإكسسوار)
أنتريه ( 2200 خشب + حوالي 1000 دهان + حوالي 2000 قماش وتنجيد)
طبعا مصاريف التشطيب على العجز والزيادة لأننا لم نتفق بعد على التشطيب ونبحث عن أفضل الأسعار. لكن أسعار الخشب نهائية لأننا اشتريناه بالفعل وطبعا هناك غرف تصل أسعارها بيضاء إلى العشرينات لو شئت.
معارض الخشب الأبيض منتشره في كل دمياط وبالذات في شارع عبد الرحمن لكننا اشتربنا من معارض طريق عزبة البرج (لا أذكر اسم المنطقة بالتحديد لأن أخي هو الذي يعرف الاسم)
طبعا إذا اخترت هذه الوسيلة ستحتاج للتردد على دمياط باستمرار طوال فترة التشطيب لمتابعة العمل ... وهناك حل بديل وهو تكليف معرض الخشب الأبيض نفسه بعملية التشطيب على أن يقوم بالتسليم والتركيب في شقتك لكن طبعا ستزيد التكاليف. وهناك معارض لديها صور للغرف بعد التشطيب على الكمبيوتر لتختار الألوان والأقمشة .. عادة يضيف المعرض من 5 إلى 7 آلاف لتشطيب النوم والسفرة ومن 3000 إلى 5000 للأطفال والأنتريه.

بسم الله الرحمن الرحيم
يااخوانى واسف جدا انى ها وجه الكلام ده لابو نضا بالذات
( شرا العبد ولا تربيته ) المبالغ اللى انت كاتبها فى التشطيب مبالغ فيها جدااااااااااااااااااااااا اااااااا
انما اسعار الخشب انا ما اقدرش اعقب ليه او اقول فيه اى حاجه لانى ما شفتهوش
وهافهمك ليه الحاجه مبالغ فيها
انت بتجيب اوضة نوم واحده _ وبتدهن اوضة واحده _ وبشطب رخام لاوضة واحده _ وازاز لاوضة واحده _ ومقابض لاوضة واحده _ ولازم كل واحد من اللى انت هاتتعامل معاهم يكسب منك _ محدش هايعمل حاجه لله
وطبعا لازم يستغلك
شوف بقى انت ممكن تدهن اوضة النوم بتاعتك وتبقى ممتازة ب 1800 جنيه ومالهاش حل كمااااااااااااااااااااااا ن
والسفرة زيها 1800 وممكن تزيد تبقى 2000
خش بقى فى الانتريه ده بحر يا كبييييييييييييييييييييييي ييييييييييييييييير والصالون الكلام عليهم سوااااااااء
الخشب والدهان والقماش والتنجيد والشلت رخام كل واحد من دول لازم يكسب منك كويس لانك هاتشغل معاه مرة واحده مش هاتجيله تانى الا لما حد فى عيلتك هايفكر فى الجواز تانى يعنى على الاقل كل سنة او سنة ونص
بالنسبه للجماعه اللى طلبوا انهم يعرفوا ازاى الخشب النضيف والحاجات الكويسه ده صعب الشرح فيها بجد صعب جدااااااااااااااااااااااا اااااا جدااااااااااااااااااااااا ااااااااا جدااااااااااااااااااااااا اااا
احنا عندنا معرض موبيليا وقبل ما اشتغل فى المعرض اشتغلت نجار فترة واشتغلت استورجى فترة واشتغلت ايمجى فترة وبياع فى معرض فترة كمان فا دى مجموعه خبرات مكتسبه لحد ما تقدر تعرف فى الشغل
فيه ناس كتير فى دمياط مش بتعرف فى الموبيليا _( ومحدش يفهمنى غلط يا دمايطة ) مش بتعرف فى الموبيليا الا فى المستوى اللى هوه شغال فيه طبعا وصلكوا قصدى
( يعنى لو حد بيشتغل فى مستوى خفيف وجاله زبون عايز شغل تقيل يقوله يا عم الشغل ده غالى والشغل ده بلاش منه لان ماحدش هايفهمه ولا هايقدر تمنه _ والعكس لو حد شغال فى التقيل وجاله زبون ظروفه مش كويسه وعايز حاجه وسط او خفيفة ما يدلوش ويقوله انت كده بترمى فلوسك وحرام تجيب الحاجات دى دى ما فيش فيها اى خامه وكده يعنى )
فا انا عندى اقتراح للادارة
اخواننا واخواتنا اللى عايزين يتجوزوا من المنتدى طبعا بيدخلوا على النت وبيشوفوا الموبيليا والصور والعروض واسعارها
فا ممكن يتعمل موضوع ويتثبت وكل واحد يحط الصورة اللى بتعجبه وانا ممكن اقوله تمنها وتقريبا ممكن يجيبها من اى منطقة فى دميييياط ( انا مش بقول معرض علشان الدعايه انا بقول منطقة ) لان الشغل والمستويات بتتوزع فى المناطق وكل منطقة متخصصه فى شغل ومستوى وسعر كماااااااان
وانا تحت امركوا وكمان بيتهيالى الاخ نبيل اللى رد عليك ممكن يكون معايا فى الموضوع ده ونبقى ملتزمين قدامكوا اننا نحاول نوفرلكوا اقرب واحسن خدمة للشغل
مع الف سلامة

اقتباس:

---

المشاركة الأصلية كتبت بواسطة hamada2u2000

بسم الله الرحمن الرحيم
يااخوانى واسف جدا انى ها وجه الكلام ده لابو نضا بالذات
( شرا العبد ولا تربيته ) المبالغ اللى انت كاتبها فى التشطيب مبالغ فيها جدااااااااااااااااااااااا اااااااا
انما اسعار الخشب انا ما اقدرش اعقب ليه او اقول فيه اى حاجه لانى ما شفتهوش
وهافهمك ليه الحاجه مبالغ فيها
انت بتجيب اوضة نوم واحده _ وبتدهن اوضة واحده _ وبشطب رخام لاوضة واحده _ وازاز لاوضة واحده _ ومقابض لاوضة واحده _ ولازم كل واحد من اللى انت هاتتعامل معاهم يكسب منك _ محدش هايعمل حاجه لله
وطبعا لازم يستغلك
شوف بقى انت ممكن تدهن اوضة النوم بتاعتك وتبقى ممتازة ب 1800 جنيه ومالهاش حل كمااااااااااااااااااااااا ن
والسفرة زيها 1800 وممكن تزيد تبقى 2000
خش بقى فى الانتريه ده بحر يا كبييييييييييييييييييييييي ييييييييييييييييير والصالون الكلام عليهم سوااااااااء
الخشب والدهان والقماش والتنجيد والشلت رخام كل واحد من دول لازم يكسب منك كويس لانك هاتشغل معاه مرة واحده مش هاتجيله تانى الا لما حد فى عيلتك هايفكر فى الجواز تانى يعنى على الاقل كل سنة او سنة ونص
بالنسبه للجماعه اللى طلبوا انهم يعرفوا ازاى الخشب النضيف والحاجات الكويسه ده صعب الشرح فيها بجد صعب جدااااااااااااااااااااااا اااااا جدااااااااااااااااااااااا ااااااااا جدااااااااااااااااااااااا اااا
احنا عندنا معرض موبيليا وقبل ما اشتغل فى المعرض اشتغلت نجار فترة واشتغلت استورجى فترة واشتغلت ايمجى فترة وبياع فى معرض فترة كمان فا دى مجموعه خبرات مكتسبه لحد ما تقدر تعرف فى الشغل
فيه ناس كتير فى دمياط مش بتعرف فى الموبيليا _( ومحدش يفهمنى غلط يا دمايطة ) مش بتعرف فى الموبيليا الا فى المستوى اللى هوه شغال فيه طبعا وصلكوا قصدى
( يعنى لو حد بيشتغل فى مستوى خفيف وجاله زبون عايز شغل تقيل يقوله يا عم الشغل ده غالى والشغل ده بلاش منه لان ماحدش هايفهمه ولا هايقدر تمنه _ والعكس لو حد شغال فى التقيل وجاله زبون ظروفه مش كويسه وعايز حاجه وسط او خفيفة ما يدلوش ويقوله انت كده بترمى فلوسك وحرام تجيب الحاجات دى دى ما فيش فيها اى خامه وكده يعنى )
فا انا عندى اقتراح للادارة
اخواننا واخواتنا اللى عايزين يتجوزوا من المنتدى طبعا بيدخلوا على النت وبيشوفوا الموبيليا والصور والعروض واسعارها
فا ممكن يتعمل موضوع ويتثبت وكل واحد يحط الصورة اللى بتعجبه وانا ممكن اقوله تمنها وتقريبا ممكن يجيبها من اى منطقة فى دميييياط ( انا مش بقول معرض علشان الدعايه انا بقول منطقة ) لان الشغل والمستويات بتتوزع فى المناطق وكل منطقة متخصصه فى شغل ومستوى وسعر كماااااااان
وانا تحت امركوا وكمان بيتهيالى الاخ نبيل اللى رد عليك ممكن يكون معايا فى الموضوع ده ونبقى ملتزمين قدامكوا اننا نحاول نوفرلكوا اقرب واحسن خدمة للشغل
مع الف سلامة

---

أشكرك يا أخي حمادة على نصائحك الغالية وطبعا "لا يُفتى ومالك في المدينة" وأنت أدرى بأحوال السوق وقد حاولت عر ض تجربتي فقط لصاحب الموضوع لكي يكون على علم بها ... بالنسبة لأسعار التشطيب فعلا الأسعار التي ذكرتها أنا مبالغ فيها لأننا سمعنا من الصنايعية كلاما كثيرا في هذا الشأن معظمه مبالغات وتهويلات نعرف جيدا أن هدفها هو الصيد في الماء العكر ونحن لدينا استورجي معين نتعامل معه وهو الوحيد الذي عرض سعرا معتدلا ... وفي المجمل مهما بالغ الصنايعية في الأسعار فهناك حتما توفير كبير عن أسعار المعارض .. وأنت تعلم جيدا مقدار المبالغة فيها.

</B>hamada2u2000

شكرا ليك على تعاونك واهتمامك
بس لو امكن ايضاح بقولك ان كل منطقة ليها شغل
فياريت توضح لو رنج اسعار او تخصص شغل فى كل منطقة
وايه رايك فى شغل ميت غمر
كامانة صنايعية وتجار ومستويات اسعار

بص يا حماده انا عاوز اجيب شغل مودرن في منطقه معينه مثلا شغالين في المودرن بوالنسبه للشغل المصانع اللي في دميا الجديده اخباره ايه

بسم الله الرحمن الرحيم
اول حاجه عايز اشكر الناس اللى حطط ثقتها فيا
ثانيا ارد على الناس بقى واحد واحد
المناطق يا رجاله مش متقسمه نوع الشغل متقسمه اسعار يعنى فيه منطقة اسمها العفيفى ( ارض العفيفى ) فيها شغل كويس بس معاملة الناس اللى فيها وحشة يعنى عايز يبيع فردة (((( فتونه ))))
فيه الشعراء ( قرية الشعراء ) ودى ليها نصيب الاسد فى الشغل فى دمياط لان دى فيها معظم ورش التشطيب والدهانات فا الناس الدمايطة عملت معارض هناك فخدوا شهرة جامده جدااااااااااااااااا والاسعار هناك من اول 8500 وطالع زى ما تتخيل
وفيه منطقة اسمها ارض الكرداوى شغل كويس واسعار متفاته موجود من اول 7000 لحد 20000الف
وفيه الخياطه دى بقى اشهر حته تشتهر بالموبيليا الخشب فى دمياط بس التشطيب مش فيها فيها نجارة على اعلى مستوى بس سعرهم بيبقى تقديرى مش اساسى يعنى هوه شايف ان الاوضه بتاعه تتباع ب 10000 مع انها تساوى مثلا 6500 يبقى خلاص هايبيعها ب 10000 بس للامانه شغلهم فى النجارة لا يعلى عليه خالص
وفيه بقى شارع البحر وده يا جماعه للطبقة الهاى مش لعامه الشعب ( ههههههههههههههههههههههههه ههه ) الاسعار هناك مرتفعه وشغل كويس برضه بس الاسعار كتير شويتين
وفيه طريق برسعيد اللى فيه الاخ نبيل هناك ناس محترمه وشغل مميز بس برضه انا شايف اسعاره اوفر شوية
يا رب اكون افدتكوا وشكرا ليكوا

هاطلب من حضرتك نقطتين
1 - الاسعار المعقولة للخشب للغرف بانواعها كام
2 -لو هاعمل عمولة او اشترى جاهز
اطلب خشب ايه علشان يكون عمره جيد
يعنى اعرف ان قوائم الارفف فى الدواليب تكون زان
الجوانب ابلاكش كورى
ايه تانى بيكون جيد فى انواع الاخشاب

اسئلتنا كتير بس انت عارف المجال ده زى ما حضرتك قلت بحره واسع

وايه راي حضرتك فى شغل ميت غمر
كامانة صنايعية وتجار ومستويات اسعار

شوفوا يا جماعه انا ما اعرفش اى حاجه عن شغل ميت غمر بس اللى اقدر اقوله ليكوا اى بلد تانيه بتحط خامه بغباااااااااااااااااااء بتلاقى الاوضة محطوط فيها خامات كتير ممكن تعمل اوضتين فى دمياط والله بجد بدون مبالغه بس المشكلة انك مش هاتلاقى تشطيب ولا فينش فا معظم الناس دى بتنزل دمياط تدهن الشغل وتفنشه
وفيه حاجه تانيه كمان بيعملوا شغل ساده خالص احنا بنقول عليه تقفيصة يعى حاجه ما لهاش شكل ولا مضمن ولا معنى وبعدين ينزل دمياط فى شارع اسمه شارع عبد الرحمن بيجيب الديكورات والايما اللى بتتحط لى الشغل وتخاللى ليه شكل
فا النصيحه اللى بنصح بيها الناس اولا قبل ما تعمل عمولة انزل دمياط واتفرج على الشغل دى حاجه العمر يا كبييييييييييييير فمعلش ضيعلك يوم هايريحك باقى عمرك
هاتلاقى فيه الموديلات اللى انت عايزها وكمان الاسعار وترجع تشوف شغل الصنايعى اللى هايعملك الشغل بتاعك لو لقيته نفس المستوى والتشطيب بقى اتكل على الله وخاليه يعمله ( بس اتحدى ان حد يديك التشطيب ابدااااااااااااااا ) لان البوليسر اللى بيدهن بيه الشغل لازم يدخل الفرن زى العربيات يا رجاله واعتقد ان مافيش بلد غير دمياط اللى فيها الافران المتخصصه فى الموبيليا
اما الاسعار فا الشغل بيتفاوت والاسعار تتفاوت
مثلا اوضه نوم محترمه وبنت ناس تبدا من 8 الاف جنيه وطالع لحد 25 الف جنيه اكتر من كده بتبقى اسعار مبالغ فيها جدااااااااااااااااااااااا ااااااااااااااا على فكرة فيه اسعار اكتر من كده بكتيييييييييييييير واقل من كده بكتيييييييييييييييييييييي ير
السفرة
اماتكون ( نيش + ترابيزة + 6 كرسى ) وبيبدأ سعرها من 3500 لحد 5500
او تكون ( نيش وبوفيه وترابيزة و8 كرسى ) وتبدا من 7500وطالع بضه
الصالون
يبدأ من 6000 جنيه وطالع لحد ماتتخيل
الانتريه
يبدأ من 5500 وطالع
الاطفال
تبدأ من 4500 وطالع
طبعا يا جماعه الاسعار زى ما بيقولوا كده شيشنه يعنى فيه اقل وفيه اكتر

طب معلش ياجماعة .... هنضم لصاحب الموضوع .... انا من دمياط ونقلت دمياط الجديدة ولكن مليش اي خبرة او معلومات او علاقة بقلعة الموبيليا في دمياط .... فلو انا عاوز اظبط شقتي واجهزها ايه التكلفة مع العلم اني عاوز حاجة وسط ولا حاجة تعبانة ولا حاجة خرافية يعني الخلاصة

نوع الغرفة ( سفرة - نوم - .... ) سعرها كام خشب + دهان + رخام + تشطيب + مصنعية + كل حاجة
عاوز التوتاااال

ماقولنا ياناااااااااااااااااااااا ااااااااااااس شرا العبد ولا تربيته
يا استاذ احمد والله يا جماعه موضوع انك تشترى خشب وتكلف صدقنى هايبقى اغلى من ما انت تشترى من معرض
تجااااااااااااااااااااااا ااااااااااار دمياط معظمهم بيدوروا على المكسب وبس على العموم انا هنا بحاول ولو بنسبة ضئيلة جداااا انى اغير الصورة دى

اقتباس:

---

المشاركة الأصلية كتبت بواسطة hamada2u2000

ماقولنا ياناااااااااااااااااااااا ااااااااااااس شرا العبد ولا تربيته
يا استاذ احمد والله يا جماعه موضوع انك تشترى خشب وتكلف صدقنى هايبقى اغلى من ما انت تشترى من معرض
تجااااااااااااااااااااااا ااااااااااار دمياط معظمهم بيدوروا على المكسب وبس على العموم انا هنا بحاول ولو بنسبة ضئيلة جداااا انى اغير الصورة دى

---

استاذ حماده انا محتاج حضرتك في اوضه أطفال بس عايز حاجه نضيفه انا على فكره عملت عفشي عموله وفعلا وقف غالي كنا جبين واحد معرفه من هناك نجار بيشتري معانا وهوا مسئول عن التشطيب بس للامانه الشغل كان نضيف والنجاره كانت تحفه بس مثلا السفره على الخشب وقفت 12000 الكلام ده من 4 سنين

حضرات الساده الاعضاء
انا والله نفسى اخدم كل واحد فيكوا بجد لانكوا قبل كده فيدتونى كتير فى العربيات لدرجة ان اى واحد عندنا عايز اي حاجه فى اى عربيه او يشترى عربيه سواء جديده او مستعمله لازم يجى ياخد مشورتى
بس انتوا عارفين حاله الركود الموجوده فى البلد اى واحد عايز اى شغل يقولى على المستوى اللى هوه عايزة يعنى يقولى التمن تقريبا كام ونوعه ايه سواء استيل او مودرن
والله يعينا ويعينه على الاختيار السليم

استاذ هشام
شوفهاتنزل امتى بس قوللى قبلها يوم كده مثا واننت لما تيجى دمياط هادلك تروح فين وتعمل ايه
وربنا يوفقك للى فيه صالح ليك